Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

قصيده في الصف الثالث ثانوي..لاتفوتــفـكم...

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيده في الصف الثالث ثانوي..لاتفوتــفـكم...

    هذه قصيده قالهــا احد الشعراء من مدينة حائل يشكي معاناة الصف الثالث ثانوي..يقول فيها:# الثالث ط #
    الراس شوّش والفكر صار محتاس
    والعقل غيّم,,,والخطر صار محسوس
    واقلبي اللي يظربه شاطرالفاس
    واكبدي اللي بطّــــــها راس دبـــّــوس
    من وجع ضرب الهم امشي مع الساس
    ثم التفت واونّ ونّات مضــــــــــــــروس
    من شافني يقرا علي سورة الناس
    مالومهم شكلي غدا تقل ممّـسوس
    ابعد بعقلي بس جسمي مع الناس
    والناس تحسب حضرتي راعي فـلوس
    ماني من اهل القرش وطقوم الالماس
    انا حظيظٍ يـــــصفقن دوم هاجوس
    ولاني من اللي يطرق الكاس بالكاس
    اعـــــــوذ باللي انزل الشرع مقيوس
    وماني من اهل العشق وراعين الاحساس
    انا صغيرٍ تو قلـــــــبي على السوس
    انا بثالث مركز الهم واليـــــــــــاس
    من يدرسه لابد تطــــــــعنه بالموس
    ثالث اساس الهم والهم له ساس
    الهم ساسه واصبح الهم مدروس
    اصبح صباح الهم والراس منداس
    اشحذ اجانب طبعهم طبع هندوس
    الذل شفنا الذل مع شدة الباس
    والضيم اصبح من هل الدار ملموس
    عقب الغثا والذله وشحذة الناس
    وعقب الهموم وكومـــــة اوراق ودروس
    وعقب الغرامه ياخذه مركز قياس
    قياس يقوس الحظ في حفنـــــة فلوس
    تجي الوزارة وينشب الفاس بالراس
    ونكتب بليّا وعي ونحـــــــوس وندوس
    هذا بـــأول يوم ينتابــــك اليــــاس
    ويصبح غلاف الهم بالقلب مدبوس
    واما بتالي يوم يغشاك وســــواس
    ويصير وجهك غامقٍ تقل مبقوس
    التعديل الأخير تم بواسطة رائد نزال; 23 / 06 / 2006, 03:21 PM. سبب آخر: حجم الخط
يعمل...
X