فلسفة حمــار

[Ahmed012]

مش كل الناس شريره ومش كل الناس لهم وقار
في واقع دنيا البشر نقائض زي مافي دنيا الحمار
ماتنكرش إنك بتاكل برسيمك وبتتحسر على أكل أخوك في الجوار
وإن ما كنتش بتتحسر ماتضمنش في دماغه إيه الحوار
زي مافي بلاوي في البشر زي المغول والتتار
أكيد في بلاوي كتيره في دنيا وعالم الحمار
برغم إن الغرض من خلقتنا هي عبادته وحده القهار
لكن في النهايه إتضح إن أهل إبليس كلهم شطار
قدروا يضحكوا على البشر ويخلوهم لعبه بزرار
وأخيرا و قد إتضح قدروا يضحكوا على الحمار
يمكن ماليش نصيب هنا ولازم أمشي في الأرض دوار
أصرخ وأزعق وأقول يا أهل الأرض كفايه دمار
كفايه حروب مالهاش هدف غير نشر كل آلام ومرار
كفايه على الناس العرب قرن كامل في إستعمار
إبدأو حياه جديده كلها حب وجمال وخضار
حياه يعيشها كل الناس والحيوانات على نفس الغرار
ياحمار كلك خير وانا كنت فاكرك عايز شرار
ضم صوتك لصوتي لكن ماتنساش إنك إنت الحمار..........




انا لسه راجع من بره وكل هدومي تراب وغبار.....
أخش أستحمى وأرجع آخدلي قرصين فوار........

[ahmed123]

اكيد الحمار معاك يا أبو حميد و لما نعرف رده .
____________
ومع النشرة الجوية
وبعد ما بني ادم لوث الطبيعة وصرف في الأنهار
و مع التلوث بأنواعه و زيادة الجو الحار
ومع الرصاص المنتشرفي الجو و حموضة الأمطار
و مع ندرة المياه العذبة وجفاف الأبار
تيقن العلماء من جفاف المحيطات و كل البحار
و مع احدث الصور المأخوذة من الأقمار
اتضح ان الأرض اصبحت خالية من لون الخضار
لتصبح كوكب االرمل و الصحاري القفار

[ahmed123]

الحمار مات بجرعة برسيم زيادة ملوثة بأحد الكيماويات إياها و تحقيقات المفتش الجحش الأولية بتشير إن الجريمة تمت بفعل فاعل و سيتم إجراء مراسم الجنازة و العزاء في الإسطبل ولا عزاء للإتان .

[Ahmed012]

ياحول الله يارب
أشكي لمين وأحكي لمين على حالي
أمشي وحيد حزينا على حماري
يارب توب علينا بقى من أي كيماوي
الواحد بقى مرعوب مايعرفش مين التالي

[المهلهل_]

يا ابن ادم لا تتكلم على العقل ** لانه بالاخر لك دمار
شوف كيف من سكين لصاروخ ** ويش بحال الدنيا صار
دم بدم وانت بنفسك تعبان **اصبحت تشتغل اكثر من الحمار
حامل جهازك مفكر نفسك ابو الافكار ** والحقيقه انك من ورى الشاشه منهار
يوم كنت خادمك كان حالك افضل ** اليوم تطورت وصار عندك امراض
ارجع لحالك افضلك من هالحال ** لانه طبقه الاوزون ما لها قرار
او خليك اصلا ما لك بهالدنيا قرار ** اخدم اسيادك مكاني ولا تسال على الي صار

[أبواسلام]

هذا ما بقى كلام أبداً حمار

ده أصبح كلام واحد دماغه كله أفكار
الله يسامحكوا شغلتوا عقل الحمار
وحالاً راح يعمل ثورة ويقول إحنا الشطار
ويجرى ورا بنى آدم ويقوله كفاية دمار
ويمشى بنى آدم يقول أنا عقلى منى طار
إزاى جبت كل دى الأفكار
مع إنى أعرف إن أصلك حمار

[أبواسلام]

السلام عليكم ورحمة الله وبركاته

إخوانى الكرام
بمناسبة الكلام على الحمير


مين الحمار ؟؟؟


كان يا مكان ........ غابة بها حمار وأسد وثعلب


الأسد - كالعادة - ملك الغابة وكان جائعاً وكان معه الثعلب الذي لا يفارقه في
حله وترحاله وكأنه رئيس وزرائه.


قال الأسد : يا ثعلب هات لي طعاماً وإلا اضطررت لأكلك!!


قال الثعلب: تأكلني لا لا ، الحمار موجود سأجرجره لك حتى تأكله.


قال الأسد : طيب ولا تتأخر علي .


ذهب الثعلب في زيارة مكوكية إلى الحمار


قال له: انتبه إن الأسد يبحث عن ملك آخر للغابة فاذهب معي حتى تتقرب منه (علها
تزبط)!!


قال الحمار: هل أنت متأكد يا ثعلب؟


قال الثعلب: نعم


"وأخذ الحمار يفكر بالمنصب الذي ينتظره فرحاً بفرصة عمره وأخذ يبني شكل وهيئة
مملكته وحاشيته من الأحلام الوردية التي حلقت به في فضاء آخر".


طبعا وصل الحمار عند الأسد وقبل أن يتكلم قام الأسد وضربه على رأسه فقطع
آذانه، ففر الحمار على الفور.


وهكذا فشلت خطة السلام الأولى!!


قال الأسد: يا ثعلب هات لي "الحمار" وإلا أكلتك ؟


قال الثعلب : سأحضره لك ولكن أرجو أن تقضي عليه بسرعة.


قال الأسد : أنا بانتظارك.


راح الثعلب للحمار مره ثانيه وقال له: صحيح انك حمار ولا تفهم، كيف تترك مجلس
ملك الغابة وتضيع على نفسك هذا المنصب، ألا تريد أن تصبح ملكاً؟!.


قال الحمار : العب غيرها يا ثعلب تضحك على وتقول أنه يريد أن ينصبني ملكا، وهو
في الواقع يريد أكلي .


قال الثعلب : يا حمار، هذا غير صحيح هو حقاً يريد أن ينصبك ملكاً ولكن تمهل
ولا تستعجل!!.


قال الحمار : إذن بماذا تفسر ضربته على رأسي، حتى طارت أذناي؟


قال الثعلب : أنت غشيم يا حمار، كيف ستتوج وكيف سيركب التاج على رأسك، كان يجب
أن تطير أذناك حتى يركب التاج على رأسك يا حمار!!


قال الحمار : هه أع أع أع صدقت يا ثعلب، سأذهب معك إلى الأسد الطيب!!


رجع الحمار برفقة الثعلب إلى عرين الأسد مره ثانيه.


قال الحمار : أع أع أع يا أسد أنا آسف ، فلقد أسأت الظن بك!!


قال الأسد : بسيطة حصل خير.


قام الأسد من مكانه واقترب من الحمار ثم ضربه مرة ثانيه على مؤخرته فقطع ذيل
الحمار، ففر الحمار مرة أخرى.


قال الثعلب : أتعبتني يا أسد!!!


قال الأسد "متذمراً" : هات لي الحمار وإلا أكلتك!!


قال الثعلب: حاضر يا ملك الغابة.


وهكذا تكون قد فشلت محاولة السلام الثانية.


رجع الثعلب للحمار وقال : ما مشكلتك يا حمار ؟.


قال الحمار: أنت كذاب وتضحك علي ، فقدت آذاني ثم فقدت ذيلي، وأنت لا زلت تقول
يريد أن ينصبني ملكا، أنت نصاب يا ثعلب!!.


قال الثعلب : يا حمار شغل عقلك، قل لي بالله عليك كيف تجلس على كرسي الملك
"العرش" وذيلك من تحتك ؟


قال الحمار : لم أفكر في هذه ولم تخطر على بالي..!!


قال الثعلب : لهذا ارتأى الأسد ضرورة قطعه.


قال الحمار : أنت صادق يا ثعلب، أرجوك خذني عنده لأعتذر منه وحتى نرتب الأمور
.


أخذ الثعلب الحمار معه إلى الأسد مرة ثالثة.


قال الحمار: أنا آسف يا أسد، ومستعد لكل الذي تطلبه مني.


قال الأسد : لا تهتم هذه مجرد اختلافات في وجهات النظر.


قام الأسد وافترس الحمار من رقبته والحمار يصيح "أين أضع التاج..أين أضع
التاج..أين أضع التاج" وعند ذلك لفظ الحمار أنفاسه الأخيرة.


قال الأسد : يا ثعلب خذ اسلخ الحمار وأعطني المخ والرئة والكلى والكبد.


قال الثعلب : طيب


أكل الثعلب المخ ورجع ومعه الرئة والكلى والكبد .


قال الأسد : يا ثعلب أين المخ؟


قال الثعلب : يا ملك الغابة لم أجد له مخاً!!


قال الأسد : كيف ذلك ؟


قال الثعلب : لو كان للحمار مخ لم يرجع لك بعد قطع أذنيه وذيله .


قال الأسد : صدقت يا ثعلب فأنت خير صديق .


وهكذا نجحت خطة السلام الثالثة.



الممثلون


الأسد : اليهود


الثعلب : أمريكا


الحمار: سأترك لكم اختياره فهم كثيرون ولا نستطيع أن نحدد شخصا واحدا


منقول

[سحر القيسي]

ملخص الحكاية

السلام عليكم ورحمة الله وبركاته
حبيت ألخص حكاية بدأتوها بهزار.. بس نهايتها كانت للأسف قتل وجنازة حمار
في يوم الحمار قاعد لوحده بيكش عن وشُّه الدبّان..بعد الغدا قام تفلسف وقال حكمته في الزمان:

الحمار

عجبي عليك يا إبن ادم يا كبير الدار
قومت الدنيا و ما قعدت لما قالو حمار
هوه اسمي ده شتيمة ولا جنسي ده عار
خلقني ربي و خلقك ولاحدش له خيار
و انا مهما زاد الحمل فوقي صابر على المشوار
لا في يوم اقول اشمعنى اخويا واخد منه تار
ولا يوم ابص لرزق غيري و أطق منه و أغار
و لا أرفع في يوم عيني على جارتي و أصون الجار
ولا مهر ادفع لحمارتي و شبكة و سوار
ولا شقة اجمع في تمنها ولا اجهز دار
و لا حرمي حامل تتوحم عايزه الكافيار
ولا بنت تخرج عن طوعي و تجيب العار
ولا إبن يدمن و يهلوس و يقع و ينهار
عايش في حالي متهني وليه أفكار ؟
باكل باشرب و انهق و مافيش أسرار
وعندي إبن آدم يخدمني ليل و نهار
إن جعت يشتري برسيمي بأغلى الأسعار
و في مرضي يفضل يعالجني و يدعي الستار
خادم أمين من غير راتب و لا حتى ايجار
و دلوقتي عرفت يا بني آدم ...
مين فينا حمــــار ؟؟؟

رد ابن آدم وقال له

برضه الحمار هيفضل حمار
إيه يعني حياتك من غير أسرار
مفضوح دايما على الملأ والكل عارف الأخبار
إزاي تعيش بقى من غير خصوصية أو ستار
ياحمار العقل زينه لازم تفكر بيه في أفكار
العقل ده عند البني آدم اللي إنت بتكلمه بإستهتار
ربنا ماخلقلكش مثله وخللاك كده حمار
برسيمك على البني آدم اللي بيزرعه ليل نهار
وإن كنت بتساعده بمزاجه يعني مضطر ومن غير إيجار
هاتشيل حاجته وإنت ساكت مفيش قدامك خيار
ويوم ماتعند وتنهق تلاقي العصاية والأحجار
هتنضرب وترفص.. بزمتك ده مش عار ؟
لازم بني آدم يسوقك من غيره هتعيش محتار
ده ربنا خلقك لخدمته مش علشان تقارن بينك وبينه وتختار
شوفتم بقى إن الحمار هيفضل حمار ؟

قام صاحب الحمار يفك الخناقة فقال
دي نعمة من عند الكريم الغفار
انه سخرلك الحيوانات يا أبو افكار
و من غير النعمة دي كنت ادست بالحفار
و ما تنساش انها السبب في تطورك يا أبو افكار
من غيرهم لا كنت وصلت للماكينة و لا للبخار
ومن غيرها لا كنت زرعت و لا قلعت و فضلت إنسان الغار
تاكل من الشجر زيك زي اي حمار
كبيرك كنت عملت حربة او سكين من الأحجار
ما ضيعشي بني ادم غير انه خد النعمة بإستهتار
و إتكبر على رب العالمين الحليم الستار
و فضل يعصي و يرتكب الجرايم و كان السبب في الدمار
يوم الحساب لما تقابل الواحد القهار
هتتحاسب على كل اللي عملتو في دنيا البوار
وساعتها بس هتتمنى انك لو كنت حمار

رد ابن آدم باستدبار
أعترف بأني مجرد بني آدم خلقني الله العظيم القهار
وكرمني على سائر خلقه اللي منهم الحمار
ووهبني العقل والقدره على إني أصنع الأفكار
وحماني من كل شر ومنع عني كل الأخطار
مانكرش فضل الحمار على أجدادي اللي ساعدهم في حمل الأسفار
أجدادي وأجدادك اللي بدأو الفكر بعمل سكين من الأحجار
وفضل الحمار مساندهم لغايه ما إكتشفوا البخار
وشويه شوية إتقدموا لغايه ما إخترعوا القطار
فلقوه ملوث للبيئه وكل يوم عامل غبار
فقالوا نبتكر حاجه جديده وقد تنوعت الأخبار
عملوا بعدها السياره ووصل الأمر لمطار
وفي الفضاء دلوقتي حول الأرض أقمار
وبدون ترتيب أو إنذار
كل ده كان في صالح الحمار
الناس بدأت تريحه وتسيبة يرعى من غير قرار
لعب الشيطان في دماغه وقاله ياللا إعمل شرار
هزأ بني آدم وإنسب عليه العار
خللي كلامك قنبله تعمل للناس إنفجار
فكرهم باللي هما فيه من تفكك وإنشطار
وحاول على قد ماتقدر تعمل للناس إنهيار
أنا قولت أرد عليه قبل مايعمل فيها زنهار
يابني آدم إصحى إنت اللي خلقك جبار
ركز في مستقبلك إنت أحسن من ألف حمار
لو أحوالك واقفه صللحها ولو هتحارب لأجلها التتار
وقوم إستغفر ربك دا ربنا هو الغفار
والحسنه بإذن الله تلاقيها ولو طالت الأعمار
أهم حاجه تكون متفائل وماتسمعش كلام الحمار..

الحمار
هوه اللي يقول رأيه تشبهوه بالتتار
اما عجيبة امرك يا بني ادم دانتا عيك شوية افكار
قعدت تقولي اني شرير و اني منك بغار
بقه لما اقول رايي تمنعني وبعقلك قولت ده ليك احتكار
وفاكر بالكلمتين بتوعك انك حطتلي العقدة في المنشار
ولا انك دقيت في الحقيقة مسمار
مسمار الألم و الحيرة و الخيانة و الإنكسار
تعالي نعيد الحقايق ونشوف مين أبو الأفكار الشرار

الإنسان اللي الله الواحد القهار
ميزه عن باقي الكائنات بالعقل و الأفكار
بص ولا حظ حقيقته على المدار
من أيام قابيل و هابيل أخوه البار
ولغاية يومنا ده بتاع الصاروخ و الذره والأقمار
بدل ما كنتو ركزتو في البنا و الإعمار
نشرتو الفساد و حققتو الدمار
و لوثتو االدنيا بالكيماويات و بالهرمونات سممتوالإبقار
و الطبيعة الأمانة لوثتوها و العيشة بقت مرار
يا اخي سيبني اتكلم ده الكل من عمايلكو دمه غلى وفار

من اصغرحشرة لحد التور اللي منكم خار
الإنسان ما بقاش بني ادم بقه حيوان جزار
يضرب اخوه و يهجم على دول الجوار
يقتل اخوه و كل اللي حوليه بدعوى الإستعمار
أو يقهر اخوه و يحبسه و يبني حوليه اسوار


و العلم ما استفدتوش بيه و لا حتى الذرة و الإنشطار
و عملتو القنابل بأنواعها النووية و الهيدروجينية و بص لهيروشيما والإنفجار
و قلتو كله في سبيل المعرفة و الإبتكار
وا تذرعتو بالعلم و عملتوه لشركو ستار
وكلها في الأخر ادوات حرب ووسائل للدمار
فالخراب بقه ليكو عنوان و القتل بقه شعار

الإنسان ده خطر ملوش غير الضرر و الضرار
وحتى إبليس في شركو وفي مرض عقولكو احتار
خيانة و قتل وشوف ايه حصل لسنمار
الإنسان في الدنيا دي عابر مار
مش هيتخلد في امال كانت ليه بوار
و الأخره هيه المستقر و هي الدار
سواء كانت جنه او كانت نار
نار و و ظلمة و صديد و قار
عشان تفهمو و تتقو و تعملو ليوم مافيهوش فرار
من الحقيقة و من اللي عملته ايدكو من خراب و دمار
و ياريتها كانت جت على تلوث القطار
ولا حتى شوية الدوشة و الغبار
بس نهاية الأرض و نهايتنا هتكون على أيد اللي مفروض يعمرها مش يخليها قفار

قام ابن آدم تنهد وبحسرة ابتسم وقال
مش كل الناس شريره ومش كل الناس لهم وقار
في واقع دنيا البشر نقائض زي مافي دنيا الحمار
ماتنكرش إنك بتاكل برسيمك وبتتحسر على أكل أخوك في الجوار
وإن ما كنتش بتتحسر ماتضمنش في دماغه إيه الحوار
زي مافي بلاوي في البشر زي المغول والتتار
أكيد في بلاوي كتيره في دنيا وعالم الحمار
برغم إن الغرض من خلقتنا هي عبادته وحده القهار
لكن في النهايه إتضح إن أهل إبليس كلهم شطار
قِدروا يضحكوا على البشر ويخلوهم لعبه بزرار
وأخيرا قد إتضح قِدروا يضحكوا على الحمار
يمكن ماليش نصيب هنا ولازم أمشي في الأرض دوار
أصرخ وأزعق وأقول يا أهل الأرض كفايه دمار
كفايه حروب مالهاش هدف غير نشر كل آلام ومرار
كفايه على الناس العرب قرن كامل في إستعمار
إبدأو حياه جديده كلها حب وجمال وخضار
حياه يعيشها كل الناس والحيوانات على نفس الغرار
ياحمار كلك خير وانا كنت فاكرك عايز شرار
ضم صوتك لصوتي لكن ماتنساش إنك إنت الحمار..........
وفي النهاية سمعنا معرفش مين قال: الحمار ده لازم يفصلوه.. ده بقى يفهم.. ومابقالوش في الاصطبل ده مكان
وقرينا يومها في الجرايد

الحمار مات بجرعة برسيم زيادة ملوثة بأحد الكيماويات إياها و تحقيقات المفتش الجحش الأولية بتشير إن الجريمة تمت بفعل فاعل و سيتم إجراء مراسم الجنازة في الإسطبل ولا عزاء للإتان .

[Emirates]

----------

[Emirates]

الحمار مات بجرعة برسيم زيادة ملوثة بأحد الكيماويات إياها و تحقيقات المفتش الجحش الأولية بتشير إن الجريمة تمت بفعل فاعل و سيتم إجراء مراسم الجنازة في الإسطبل ولا عزاء للإتان .

ونحن في انتظار التقرير النهائي للتحقيق ومعرفة الجاني الحقيقي والذي ذهب ضحيته الحمار المجني عليه

يا بخت الحمير كان لها النصيب الأكبر في منتدى ( اطراف الحديث )

تحياتي لكم

[Ahmed012]

راح فييييييين العضو Ahmed 123

إحنا إفتقدناه جدا جدا

[maxspider]

والله كنت لسه داخل مستغرب انه رجع ....

تلاقيه مشغول في المكتب الهندسي مع صحابه ...

يااااااااااااه ... اخر مرة شفته فيها الأجازة قبل اللي فاتت ...

أيام أنيماتون ....................................... رحمة الله عليها ...

[ehabrashad]

هههههههههههههه
ما شاء عليكم ياشباب
الكلام على الحمير إحلو معاكم

هذا ما يقال عليه
صوت الحمير وصمت الحملان
على رأي المثل خدوا فلكوا من ولدكوا
وهنا ممكن نقول خدوا حكمتكم من حمركم

[فدائي]

شى ..... حا !!!
يلا ورانا شغل ؟؟

[فدائي]

إسمعوا يااصدقائى
حماركم على حق
وأزيدك من الشعر بيت
عندما يثور الحمار
يرفس ويدوس على كل شيء
أمامه يمزق القيد ويقتل جلاده
ولن يفكر حينها بأي شيء ولن
يوقفه أي شيء
يعني بالعربي الفصيح أن هناك
فرق شاسع بين الحمير وبين
المواطن العربي
وصدق من قال :
(( خذوا الحكمة من أفواه الحمير))
أما حمار صحيح ( طبعا حمارك )

أحييك وأحيي حمارك ايضا وكل الحمير
العالميه والعربيه والمحليه ..
لك ولحمارك تحياتي العذبه