اقترب موعد تحدي تحديد المصير للخدع السينمائة

[power3d]

أي حاجه من متركس هتبئا زي الفل

و انا بفضل مشاهد الرصاص "الزبزبات" ورا الرصاصه

أو الكاميرا و هي بتلف حول أي حاجه حقيقيه ... راجل انفجار أي حاجه .......

و بتهيئلي لو خدع سنيمائيه زي منتوا عيزين يبئه لازم يكون الافكت معمول علي حاجه حقيقيه أي فديو حقيقي

عشان أكيد مفيش حد و صل لدرجه المودلينج و الرندر ألي ميبنش انو جرافك زي مثلا حديقه الداينصورات و في فلم متركس بردو " مشهد نيو و هو بيضرب العملاء الكتير جدا .سميث. بالعصايا و كان بيمشي علي دمغهم و بيطير دي معمولا جرافك و معظم الحركات موديل مش حقيقيه"


أسف علي الرغي بس انا نفسي ان الموضوع ده تكملو و يكون في شغل جامد يرفع من رحنا المعنويه

[cg_matrix]

اوكي كل الاعمال الي عرضها اخونا (زون شيدر) ممتازة لدرجة كبيرة هذا شي ما فيه خلاف
الخلاف وين اننا لما نقترح حاجة او في ملاحظة نتثاقل على ما نقولها هذي احدى المشاكل الي عندنا
لكن انا اقولك يا اخ (زون) عندي فكرة بدل ما تستخدم طريقة التفجير العادية الي الماكس جرب مقبس الـAfterBurn لان الانفجارات فيها درجة من الواقعية اكثر بالنسبة للمقبس هذا و اكيد انك شفتها

هذا بالنسبة عني وعن التعليق الي انا شايفة في اعمالك

و حاجة ثانية الاكساء ممكن يكون اكثر واقعية من كذا ايظا

[RaMX]

يا راجل دا صعب طحن علشان تعملوا بواقعيه الفلم

[cg_matrix]

على فكرة يا (رمكس) انت كذا تحبطنا ما تبي تشاركنا ................... خلينا لمصيرنا احنا مو خسرانين شي
احنا ما تجمعنا هنا الى عشان نتعلم و نستفيد

[RaMX]

[RaMX]

انا مش بقلل من عزيمتكم
اكن subdevil قال مشهد الهليكوبتر و انفجارها ده مشهد صعب فى مشاهد اسهل
انا اسفcg_matrix

[max ghost]

الفكرة جميلة .. ممكن نستعين بواحد بيعمل شخصيات على مستوى عالي .. وواحد تاني بيعمل أنيميشن كويس وثالث يكون عارف إيه المطلوب بالضبط ويطبقه .. وأنا أتوقع نتائج باهرة بجد ..
بالتوفيق إن شاء الله

[cg_matrix]

انا والله سويت جزء من المشهد هو سقوط الامطار او (شلال) بعدين تجمد عن الحركة و ان شاء الله ارفعه لكم مع الشرح

[Shady3D]

صب باشا العزيز زى متحب نزل اى مشهد ونحاول نعمله
واحب اختص انا بجزء المؤثرات لانها محتاجة شوية سهر - بس يكون المشهد مكتمل من ناحية الموديل والمتريل
cg_matrix ههههههههههه ضحكتنى لما قولتلى زون شيدر - بفكر ابقا حتتة جبنة وريح نفسى :-)
بداعبك طبعا اصل الموضوع هنا ممكن يطول ويكون كبير شوية

cg_matrix لو عاوز مؤثر جامد لازم تكون على الاقل الخلفية فيديو فى الماكس
يعنى تصمم المشهد على الفيديو - الضوء الكلى - مكان اضاءة الشمس ان وجدت - او اومنى مكان انوار الاضاءة
فى الظلام مثلا - مع تفعيل خواص الظلال على المجسمات الجديدة الى هتتفجر

وبالنسبة للأكساء لو هتكسى واقعى - لازم تجيب خرائط الصورة معاها خريطة ال Bump و OPACITY و الانشار
ومين هيستنى ساعات لصورة - محال بمشهد - دا بالنسبة للبيت

RaMX عجبتنى جدا صورك فى ردك خصوصا ما قبل الاخيرة والاخيرة
الصورة الثالثة معمولة بمجسم له نفس خواص وطول وملامح البطل
مع وجود كاميرا لها نفس خواص العدسات التى سيصور بها الفيلم
مع ضبط محاكة للمشهد وعمل رندر واخذ الاراء له - بعد ذلك يقدرو يصورو على خلفية زرقا ويدمجو بعد كدا المشهدين

بالنسبة للصورة الرابعة والاخيرة هما فى تلك اللحظة بيصورو نفس المشهد الى معمول على الكمبيوتر فى الصورة الثالثة
طبعا بعد ضبط الحركة للممثل وعمل له نقاط لتحديد حركة اليد حينما يكون فى وضع مائل الى الاسفل بظهره
هما عاوزين كل حاجة تطلع بالملى - ولا مجال للاخطاء

نرجع تانى مع صب - بالنسبة لتفجير طيارة فى مبنى
المبنى فيديو ومصور + مجسم دا البرنامج
الطيارة فيديو ومصورة + مجسمة داخل البرنامج

اللقطات الفيديوية مركبة بحيث ان الطيارة تكون خلف المبنى - طبقة 1 و طبقة 2
نرجع للماكس - مجسم العمارة - لازم يبقا عليها اكثر من مؤثر
Wave + Gizmo + Parray + fire effect or AfterBurn
+ Mat ID + مؤثر رندر قوى
ولكن ليس بالقوة ما يؤثر على اضواء الانفجار

حلو كدا عملنا تفجير المبنى - لو عاوزين واقعية اكثر هنهز الكاميرا بدرجات بسيطة ساعة الانفجار - رعشة سريعة


بالنسبة لمجسم الطيارة - هنا العامل الاساسى على الفيو تراك انه يخفى الطيارة بعد انفجارها
يعنى هيا هتنفجر - بس بعد الانفجار هتفضل واضحة فى المشهد - يعنى اكن قشرة هيا الى تناثرت من الطيارة
وكل العوامل هتكون فى تفجير الطيارة - وقوتها بإصدامها مع المبنى
لاحظ اننا مع تفجير المبنى عملنا مؤثر Wave ودا وظيفته انه يجعل الشى المطبق عليه يتحرك مثل موج البحر - موجات والمطلوب منه هنا حركة موجية بسيطة قبل انفجار المبنى ثم الانفجار فى الفريم التالى مباشرة وليس الثانية التالية
الموجة مش كبيرة هيا صغيرة جدا - بس لعمل محاكاة مثل المشهد فى الفيلم تماما



تحياتى للجميع
يتبع

[subdevil]

اخي العزيز شادي
كيف الحال
اتمنى يكون تمام
بالنسبه لكلامك فعندي القليل من التعليقات
اولهم ان المشهد سيكون كله عبراه عن مجسمات ولن نستعن بأي شيء خارجي
ثانيا ايه موضوع wave ده ؟؟
مينفعش wave لازم تكون ريبل ripple
وحتى يتم التحديد جيدا
حتى لا اتعب في التصميم والنيمشن حيث اني اعمل بنظام الاوتوكي والتراك ايديتور
فالموضوع هيكون متعب شويه زي مانت فاهم
انت اللي عليك تعمله دلوقتي هوه انك تصمم صندوق وصندوق تاني
يكون الاولاني كبييييييييييييييييير على شكل البرج ( ناطحه السحاب) والصندوق الثاني اعتبره الطائره) ثم طبق عليهم الايفكتس vfx ونشوف مدى قوتك في هذا النظام
ثم يصمم cg_matrix نفس مشهدك
ثم اصمم انا نفس المشهد
وهكذا لكل من دخل التحدي

بعد ذلك هندخل في الموديلنج (مش هتفرق كتير هيكون سهل)
بعديها الخامات
وبعديها الانيمشن

ونشوف ايه هيه افضل نتايج ونجمعها مع بعض
ايه رأيك؟؟
في انتظار ردك حبيبي شادي (شيدر) هههههههههه

[Shady3D]

اوك انا موافق صب بس ناخد موافقة ماتريكس بردو
بس انا جربت الويف والريبل وكلهم تقريبا مشابهين
والله واعلم بردو
بالنسبة للتحريك جربت Motion Capture - صدقنى لو مجربتوش يبقا فاتك كتير مع ماكس
الموشن كابتشر تقدر تحرك المجسمات جوه المشهد عن طريق الماوس ولوحة المفاتيح والجوستيك
بتخصيص اكتر - شوف تقدر تبرمج كام مفتاح فى الكى بورد على حركة معينة
بص - ركز معايا - حرف A = قفزة ، حرف B = خطوة سريعة ، حرف E = نظرة الى الخلف
شوفت - دا نظام موجود جوه الماكس بس مخفى شوية - تقدر تحرك المشهد كلو كانك بتلعب جيم
او بالماوس والجوستيك والبن لايت والكى بورد
وكل ده الماكس بيقبله فى وقت واحد
بس التراك اديتور جميل بس تحس انك دخلت شبرا :-) ونتا اول مرة تنزل مصر
هاه هنبتدى امتا ؟
عاوزك تجربه مرة واحدة بس - هتدعيلى

فكر كدا لو بتحرك شخص بيجرى وبيشرب ببس وهوا بيجرى - تفتكر الطرق العادية هتنفع ؟

صب لازم تجرب Motion Capture حالا - حالا - Max Ref......

وتحياتى صب ديفل - مبلاش ديفل دى :-)

[subdevil]

يؤسفني اقولك الكلام ده
حبيبي شادي
اولا كل اللي انت عمال تقوله ده ماسموش موشن كابشر motion capture
اللي انت عمال تقوله ده اسمه ميكسر mixer
والموشن كابشر ده حاجه تانيه خالص

وبعدين يا عم شادي شبرا ايه بس؟؟؟
يابني الحاجه الوحيده اللي animators بيستخدموها وانا منهم هو التراك ايديتور (لصنع الانيمشن)

انما بقى الميكسر والكلام ده لو الملفات جاهزه عندك
وبرده motion flow لتجميع الحركات
بس الكلام بتاعك ده كله ملهوش دعوه نهائي بالانيمشن
ليه دعوه بالبروديوسينج producing يعني تجميع حركات


الموشن كابشر ده ياسيدي عباره عن اجهزه متصله بمجسات بيلبسها بني ادم عادي
شرحها طويييييييييييل..............



وعندي حاجه تانيه بالنسبه للتوقيع اللي تحت
perfect light +space warps + Gimzo +Reactor + Video post = مؤثر شبه ناجح غير واقعي

اللي انا اعترف بيه

Real Artist +Particle system (particle flow) = Real effect

وفي انتظار البقيه

[cg_matrix]

كلامكم كله 100% انا موافق يا اخ صب حعملكم الي انتو عيزينو مفيش اي مشكلة بالنسبة لكلام الاخ زون(شيدر) على Motion Capture كلامه مزبوط مية المية انا بستعمل الMotion Capture في كثير من المشاهد

[فدائي]

السلام عليكم

اخوانى اسف جدا للتطفل على هذه الصفحه بالذات ولكن شىء ما جذبنى لاقراء ما كتب على المؤثرات والحركه والمحاكاه ممكن اتابعكم من بعيد لانى ضعيف جدا فى اللى بتتكلموا عنه بس مش عارف بيشدنى ليه ....
على العموم ......

الى الامام..................

[cg_matrix]

بيشدك عشان تتعلم معانا و احنا ما جينا هنا الا للتعلم