جنون العظمة في مايكروسوفت وين تبي توصل بس ؟؟؟

[تصميم]

[c]

بيني وبينكم انا ما ادري بيل غيتس هذا يستلكع وإلا يستخف دمه

اصدرت المايكروسوفت الاصدارة الجديدة من
Windows XP Media Center Edition Demos
هالنسخة خاصة للملتميديا المرئية الصوتية ..
تستطيع من خلال هالنظام أنه يكون الوندوز مو فقط كمبيوتر عادي. .
إنما ممكن يكون نظام تلفزيوني متكامل
يقوم على تشغيل
التلفاز و عرض الصور والملفات الصوتية .. والفيديو والديفدي

طبعا هذي الواجهة الرئيسية .. واللي تنقسم إلى الاقسام اللي تشوفونها <---- لا يا شيخ


طبعا هالنظام راح يطق إصبع لأنظمة موجودة في السوق كيف ؟
قلت لي كيف .. خلاص شغل تكشخ بستريو ما فيه .. شغل تكشخ بديفيدي ما فيه شغل تكشخ بنظام تلفزيوني .. ما فيه
كيف انا اقول لكم

أولا التلفزيون ..

الحنكة في هالتلفزيون هو بصراحة التسجيل والبحث
يعني مثلا ودك صباح يوم الاربعاء الساعة 9 بالليل تقريبا .. تسجل اخبار القناة الاولى <--- ايه هين .. ما عليك إلا تعطيه الساعة واليوم .. والمدة اللي ودك ويسجل أبو أبوها سواءا كنت في البيت وإلا تتمشى مع اخوياك
والبحث : طبعا ميزة البحث موجودة في القنوات الفضائية بحيث تنزل على نظام الديجيتل .. كل تفاصيل برامجها خلال الاسابيع وانت من خلال هالنظام تحط اللي تبي وتسوي بحث ويطلع لك المعلومات
ثانيا : my music

طبعا هو عبارة عن مشغل بدرجة اولى تقدر من خلاله تشغل الملفات الصوتية .. هم قالوا موسيقى .. بس بيني وبينكم .. ابو عبدالملك .. وسنقود معاركنا معكم .. تخلي الواحد يستهيض
تقدر تشغل عن طريق الالبوم أو المنشد أو المغني ..
نظام اورجينال بصراحة

ثالثاا
ماي بيكتشر أو suari
تستطيع من خلال هالقسم تستعرض الصور ..
بالشكل اللي تبيه مثلا ممكن يكون عن طريق سلايدات ..
وش تستفيد من هالسالفة
مثلا جدتي ام محمد .. وعمي محمد .. وعماني مجتمعين .. وابوي جاي بعد وعيال عمي عبدالعزيز وبندر ونايف ... ويعال عمتي بعد <--- مستحلي عايلته
وودهم يتذكرون ايام الف وثلاثمية وحطبة
ممكن تستعرض هالصور في غرفة الجلوس على الموجودين .. تعطي جو شاعري .. <--- قال ايش قال شاعري ..

رابعا
نظام الفيديو .. مقارب لنظام الصور يعني هذا صور هذا فيديو
لكن


خامسا
الديفيدي


طبعا انا ماني متأكد هل في السالفة .. تسجيل وإلا لا لأني بحثت ولا لقيت اي معلومة عن هالسالفة
مقصدي هل فيه تسجيل من نظام التلفزيون ..
لأنه لو فيه .. نقدر نطق اصبع على البور ديفيدي و الوين ديفيدي
وراح يكون نظام خيالي فعلا .. واشوا اني باركبه بس خله ينزل للسوق <---- مسوي كاش .. اشوا انها مكافاة الجامعة الله يخلي لي لنا بابا فهد


هذا تقريبا شرح المقدمة اللي راح تكون عليها الوندوز ..
وهذي عروض من المايكروسوفت يمديكم تشوفونها للي يفت انقليزي

http://www.microsoft.com/windowsxp/w...mcedemo56k.asp
http://www.microsoft.com/winme/0209/...XPMCE1_56k.asx
http://www.microsoft.com/winme/0209/...XPMCE2_56k.asx
http://www.microsoft.com/winme/0209/...XPMCE3_56k.asx
http://www.microsoft.com/winme/0209/...XPMCE4_56k.asx

[/c]

[وجدي]

السلام عليكم
مشكور أخي على هذه المعلومات
و أنا قرأت منذ مدة عدة مواضيع عن هذا النظام لكن لازم كرت تلفزيون و جهاز تحكم عن بعد
ويمكنك في المستقبل التحكم في كل الأجهزة المنزلية بهذا النظام