Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

ورشة عمل من نوع خاص_مجموعة شباب من مصر نتعلم مع بعض//ونشجع بعض//وبعدين نعمل شركتنا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ورشة عمل من نوع خاص_مجموعة شباب من مصر نتعلم مع بعض//ونشجع بعض//وبعدين نعمل شركتنا

    السلام عليكم..
    انا احمد من الاسكندرية, مصر
    اولا: تحية كبيرة قوى للمكان العظيم ده
    ثانيا: (وبدون مقدمات)..كلنا نفسنا نتعلم مجال ال 3D وناس كتيييير بتحاول تدخل الصناعة دى..بس قليييييل اللى بيكمل. فعندى فكرة..ان مجموعة شباب كلنا نتجمع. بهويات مختلفة ونتفق اننا نبدأ المشوار مع بعض
    ونشجع بعض.

    انا شخصيا على وشك انى اسيب شغلى واتفرغ للدراسة. (خطوة صعبة) وفيها مخاطرة, بس مقتنع بيها
    مبدئيا انا بقالى فترة بتعلم ال Maya وطبعا لو انت شغال شغالانة تانية بتكون تقريبا محلك سر.. يعنى تقعد شهر بتذاكر بانتظام وبعد كده تحبط وتقعد قدهم مفتحتش البرنامج لغاية اما تنسى اللى عرفتة.. وهكذا,,

    انا خريج علوم, 27 سنة, وشغال مهندس جودة اغذية فى شركة محترمة
    بس القلب وما يريد بقى.. , والحمد لله الموهبة موجودة
    فى ميول كبيرة جدا للاخراج بس عموما مرحناش بعيد ...

    اشوفكم على خير, وياريت تعليقات من الناس الكبيرة اللى فى المنتدى اكيد حتفيدنا بنصايحهم

    اجمل تحية للجميع ......

  • #2
    والله عندك حق ...انا كمان اخذت لفه علي برامج 3D وgame engine بس اسيبهم بعد معرفه الاساسيات ...وهكذا كل برنامج
    والدور الان علي blender ...لكن اشعر اني تماديت اكثر وتعمقت اكثر من المعتاد ...لذا اتمني ان اكمل
    my page
    Deviant Art
    My Blog
    Twitter
    Tsَu

    تعليق


    • #3
      اخى النمر:
      هو ده بالظبط اللى بتكلم فيه, لازم وجود جروب مع بعض . لان حتى تصميم العمل الفنى اللى من النوع ده مبنى على ال team work فى الاساس, ايه رأيك لو تنضم معايا, وفى انتظار الباقى ان شاء الله حتى لمجرد اننا يكون ايدينا فى ايد بعض مش اكتر , وممكن قدام يتطور الموضوع.

      تعليق


      • #4
        انا بقالي بردو بتاع سنه بس مش بذاكر بضمير ومع ذلك اتعلمت المودلينج علي برنامج 3dmax ونفسي اكمل المشوار بحيث اني انزل سوق العمل واكتسب خبرات حقيقية ... فا ياريت لو عندك تصور للموضوع يا ريت توضحه

        تعليق


        • #5
          اخى العزيز 2*2
          تحية طيبة ليك
          الموضوع ان مجال ال3d صعب, والاصعب انك تعمل بيه عمل حقيقى زى فيلم او صورة او حتى لعبة
          علشن كده بيتقسم تخصصات, وبيحتاج مئات الساعات من التعلم وسنيين علشان يبدأ اسلوبك الخاص يوضح فيه
          علشان كده بيحتاج اصرر وعزيمة صعب تبقى موجودة ومستمرة ومشتعلة وخصوصا مع التعليم الذاتى وكمان فى ظل الظروف الاقتصادية الطاحنة على الشباب المصرى

          فلو اتجمع شباب مع بعض وقرر انه يتابع بعض فى التعلم ونتبادل النصايح والمصادر ونتناقش فى اللى اتعلمناه ونحاول نحط مشاريع نعملها كنوع من التدريب وهكذا اكيد حيدينا دفعة كبيرة ده غير ان ممكن نقسم الدوار بينا على حسب اهتمامت موديلينج او تحريك او اكساء, وده حيكون خطوة كويسة ننا ممكن نعمل اعمال فى المستقبل خاصة بينا , و نتشارك فى عمل مشروع او فيلم كبير

          الفكرة سهلة وصعبة, انا عن نفسى فى الكام يوم اللى فاتوا عمال اخد قرار بخصوص اتجهة الى الاخراج ولا ال 3D
          وعموما بردوا اى فيلم حيحتاج كيد مخرج....

          تعليق


          • #6
            اهلا و سهلا بيك اخى الكريم ...
            موضوع الثريدى و حبى له و سعى انى اكبر فيه حلم مستمر و بعمل على تحقيقه
            و عندى بعض الأعمال القديمة نوعا ما ...
            و الحمد لله الكومبيوتر الخاص بى حاجة تحفة بصراحة ههه... يعنى معنديش عذر.
            يشرفنى اتطلاعك على ورشتى الحالية :-
            http://www.maxforums.net/showthread.php?t=198834

            تعليق


            • #7
              اهلا بيك اخ احمد عابد
              انا شوفت اللينك..تمام يعنى تقريبا كلنا فى نفس المستوى ...بنلف وندور فى حلقة المودلينج
              ولكن اتمنى انك توضح رغبتك ...هل عايز تنضم معانا ؟؟
              طيب يا جماعة ياريت تعريف بسط ليكم
              الاسم والسن والمكان والغرض من دراسة المجال وايه التخصص المفضل اليه
              واهلا بالجميع ..

              تعليق


              • #8
                انا هبدأ بنفسي بما اني مهتم بالموضوع

                الاسم / عمرو محمد
                السن /24
                المكان / من مصر .. وعايش في القاهرة
                الغرض من الدراسة .. دي بقي موال شوية
                انا حابب المجال بشكل عام بجميع قطاعته بس في الفترة الاخيرة حبيت اكتر مجال الرسوم المتحركة وحابب اني اشتغل فيه
                بالرغم ان الايام دي في مصر بعد الثورة المجال ده بالتحديد ... بيعاني بطريقة مش طبيعية
                المهم اني في الاول اتعلمت مودلينج لان اي حد بيبقي بيدأ بيه ومنه بينطلق
                بس انا وقفت عند مرحله الموديلنج وكنت بخبط الايام اللي فاتت في الكركتر موديلنج
                وحابب اني اتعلم اخراج بردو وكركتر انيمشن
                بس اعرف اني دايس معاك في اي حاجه ان شاء الله

                تعليق


                • #9
                  المشاركة الأصلية بواسطة legand مشاهدة المشاركة
                  اهلا بيك اخ احمد عابد
                  انا شوفت اللينك..تمام يعنى تقريبا كلنا فى نفس المستوى ...بنلف وندور فى حلقة المودلينج
                  ولكن اتمنى انك توضح رغبتك ...هل عايز تنضم معانا ؟؟
                  طيب يا جماعة ياريت تعريف بسط ليكم
                  الاسم والسن والمكان والغرض من دراسة المجال وايه التخصص المفضل اليه
                  واهلا بالجميع ..
                  يشرفنى انى انضم ليكم لكن لو تشرح اهداف الشركة و مكانها و خططها المستقبلية
                  عشان الصورة تبقى واضحة بالنسبة لى ...

                  بياناتى الشخصية:-

                  الأسم: أحمد حسن أحمد عابد

                  السن: 27 سنة

                  المكان: الجيزة-الهرم

                  الغرض من دراسة المجال: حبى لهذا المجال و خوضى فيه
                  الكثير من التجارب و خبرتى المعقولة فى مجال الجرافيك عموما و الثريدى خصوصا.

                  التخصص المفضل لدى: المودلنج

                  تعليق


                  • #10
                    استاذ عمرو واستاذ احمد
                    مساء الخير عليكم
                    فرصة سعيدة يا جماعة, مبدأيا يا اخ عمرو مفيش شركة ولا حاجة انا بقول ان شاء الله فى المستقبل ممكن اما نتمكن من المجال نبقى نعمل شئ مشترك او نساهم فى بروجيكت محترم يوصل ويوصلنا معاه

                    طيب ياشباب كده تمام جدا احنا التلاتة
                    بس فى شئ مهم جدا: لازم نعرف ظروف بعض علشان كلنا نبدأ نتفق على مواعيد للتدريب ونتابع بعض فيها

                    حبدأ بيا:
                    أنا بشتغل لغاية 6 مساءا كل يوم , وعادة بذاكر بعد الوقت ده بس ممشيها اسبوع اضغط فى على نفسى وانتظم بمعدل 2 الى 3 ساعات
                    واسبوعين اخسع ههههه, وبصراحة النتتيجة ان تقريبا التقدم بطئ جدا , وكنت بقع فى خطأ عدم تكرار المشروع اللى بذاكرة وبكتفى بعملة مع النستركتور على السى دى بس و طبعا يتنسى نصة اخر اليوم وكلة بعد اسبوع

                    بس وبالرغم من المعاناه الرهيبة دى الا بردوا ايدى مشيت شوية فى المودلينج وبدأت اعرف ابدأ الشكل بأية وازاى يتطور الشكل البدائى الى الشكل اللى عايز اوصله, وعموما انا بذاكر من اسطوانات digital tutors بصراحة رهيبة, وبعدين انا جريب lynda سلق بيض, فى رأى

                    انا دلوقتى فى درس عمل انسان الى انثى (مولينج)

                    ياريت بقى تشاركونى مواعيد شغلكم ومذاكرتكم وبتذاكروا من فين وكام ساعة وايه الطريقة اللى بتذاكروا بيها ياشباب

                    اخوكم احمد ابراهيم, ومعرفة خير ان شاء الله, اه وياريت بقى الدراسة والشغل , انا شغال مهندس جودة اغذية

                    سلام

                    تعليق


                    • #11
                      : لازم نعرف ظروف بعض علشان كلنا نبدأ نتفق على مواعيد للتدريب ونتابع بعض فيها
                      بخصوص المواعيد انا معنديش مشكلة فيها...

                      دى صفحتى على الفيس بووك:-

                      http://www.facebook.com/aabed84

                      تعليق


                      • #12
                        انتا فين يا عمرو انا واحمد اخدنا الياهو بتاع بعض
                        شد حيلك علشان تحصلنا

                        ahmedegypt55@yahoo.com

                        تعليق


                        • #13
                          يا شباب اتعملت البيدج على الفيس
                          وزى ما اتفقنا حنشتغل فى المودلينج اسطوانة شركة ديجيتال توترز
                          female Android Robot

                          الاربع اسطوانات ان شاء الله نخلصهم على الاسبوع اللى جى الخميس 16/6/2011
                          وده اللينك
                          http://www.facebook.com/pages/3D-Group/195806113799469

                          واهلا بأى حد عايز يشتغل معانا

                          تعليق


                          • #14
                            بالتوفيق بإذن الله.

                            تعليق


                            • #15
                              شاهدوا تطور عملنا على هذه البيدج على الفيس بوك
                              ومرحب بمن يريد الانضمام

                              http://www.facebook.com/pages/3D-Group/195806113799469

                              تعليق

                              يعمل...
                              X