ما معنى هذه الكلمات في القاموس - طبعا هي مصطلحات من اللهجة الجزائرية -

زقالو، محربش، خابط، مصنطح، كحال، دزلوا، .....

شوف
في كلام مشترك وممكن أقولك حله
الواد المحربش
هو الواد الجامد قوي الفتوه اللي يفهمها وهيا طايره (المعنى باللغه المصريه)
خابط يعني مجنون أولاسع أوأهبل
مصنطح يعني ممدد أو مأنتخ عندنا هنا في مصر

الباقي ماعرفوش الحقيقه

زقالوا: هو الفتى لحاسس نفسوا متميز شوية عن الناس
محربش: هو الفتى لي عامل حشيشة
خابط: هو الشخص الثمل حتى الثمالة
مصنطح: هو الفتى لحاسس نفسوا اقوى من الناس
دزلوا: مصطلح غيب انا اصلا لا افهموا

عندنا في مصر ((عامل دماغ))
يعني شارب حشيش و((معلي الجمجمه)) بنفس المعنى برضوا

((مكبر دماغو)) أو ((منفض)) يعني لايعطي إهتماما للشيئ

((فتوه)) أو (( مجانص)) وقد تأتي أحيانا (( الشاب العضلات)) هو الشخص الذي يرى نفسه أقوى من الجميع

في إنتظار المزيد من ترجماتكم

حلو كده
طيب انا بقى عندي كلمه بالمصري : شخلفة , معناها ايه؟

المرادف المصري للعولمة




طيب عايزين تضحكو اكتر؟
ح اديكو شويه كلمات من عندنا م اليمن بتفطس م الضحك
يمكن بالنسبة لي هي عادية , لكن نظرالعدم انتشار الهجات اليمنية في خارج اطار اليمن , فهي تبدو غريبة فعلا
اشتي : معناها أريد ( و بالمناسبة هي جاءت من كلمة ( اشتهي) )
إاهندكو : معناها ها هو هناك ( اداة اشارة)
طلفسة : معناها (تطنيش) و ان لم مخطئا فهي معروفة على امتداد وطننا العربي شبه المطلفس
ما فيبيش طافة : يعني كسلان
قرابيع : ( و الله ما اعرفش معناهاالدقيق لكن اعتقد ان معناها هو صغار أو أقزام)
.... يتبع

اقلكم بعض ما يلفت انتباهي في اللهجة المصرية

الكلمات التي تدل علي اللامبالاه كثيرة جدا . ربما هي بسبب حالة الملل والركود في الشارع المصري

مثال لكلمات كلها بنفس المعني (( اللامبالاة ))

تطنيش = تسقيع = تنفيض = حلاقة = تكبير = قلب

_______________________________________________

كثرة الكلمات التي تدل علي البلطجة . بسبب انتشار البطالة

بلطجي = صايع = أدارجي = مفتح = واكلها والعه = مطرطأ = أرن

___________________________

كلمات مصرية عربية بنفس المعني

الفصحي = أريد

المصري :: عاوز = عايز = بدي ( بكسر الباء )

الشامي :: بدي ( بفتح الباء )

سعودي :: أبغي

خليجي :: أبي

____________________________________

اللهجة المصرية بدات تأخذ شكل اللغة ...........ويقولك معاك لغة ؟؟؟؟؟؟

في حاجه لازمه في كل المصريين بلا إستثناء ومالهاش أي معنى ولا يمكن أن تترجم إلى أي لغه وبيقولوها المصريين بكثره في كلامهم


كلمه (( بقى))
تأتي بمعاني كثيره جدا أو بلا معنى من الأساس ولكنها عديده الإستخدامات وهي لفظه ليست شبابيه وحديثه إنما هي قديمه قدم الفراعنه ولكن ليس لها معنى وليس لها ترتيب في الجمله وتأتي مع الأسئله وحتى العبارات والجمل العادية

مثال
إزيك بقى ؟؟؟ يعني كيف حالك
شفت بقى إزاي ؟؟ يعني أرأيت ؟؟؟
إيه ده بقى ؟؟ يعني ماهذا

ولو تسمعوا المغني المصري حكيم وهو يتغنى بهذه اللفظه في أغنيته الغريبه ((طب إيه ده بقى)) هتموتوا على نفسكم من الضحك..........

ههههههههههه
على راى شيخنا " بيقول الناس زمان كانت بتتكلم بالاغ تشبه بالفرنسسيين والطبقات العاليه فى المجتمع
اما الان فهم يبحثون عن الفاظ السوقه ويتفننون فى ابتداع الفاظ جديده مثل روش طحن "

مره سمعت واحد بيقول" مستكنيس "
هههههههههههههه

بسم الله الرحمن الرحيم
ايه الأساتك معاكم ( الأخبار)
المغلق عامل ايي ( المنتدى )
طيب انا ههلب على منتدى المايا وأشق ( أروح وأرجع )
هارش يا أبوأحمد ( فاهم )
ما عليينا انا هركب فرد بقه حالا وأهبوء على بره ( همشي وأخرج)

والله المستعان

قصدك تزق عجلك ؟؟؟؟؟ (( تمشي ؟))

الموضوع بيفكرني بالناس اللي كانت عاوزة تعمل قواميس عامية ، و الامر صعب جدا لان كل مجموعة من الشباب لها طريقة في الكلام مع بعض ، انا و اصحابي لينا طريقة غريبة شوية في الكلام و التشبيهات.. و مش قاصدينها.. المسألة اننا بنفكر بشكل متقارب فبنفهم بعض. و مش بنخترع مصطلحات جديدة أو كلام غريب لأن بصراحة لوفيه شلة شباب قاعدين مع بعض بيفكروا و يتفقوا على كلمة جديدة يستخدموها تبقى شلة losers في بعض .. لازم تيجي طبيعي و ماحدش محتاج يشرحها لحد .

"روش" : هو لسة فيه حد بيستخدم الكلمة دي ؟!

[QUOTEبلطجي = صايع = أدارجي = مفتح = واكلها والعه = مطرطأ = أرن
[/QUOTE]

انا أسف بس مش شايف أي علاقة للكلمات ببعض .. خليني أشرح لك

بلطجي : يعني " قبضاي" او فتوة.. شخص يتباهى بقوته الجسمانية و بتاع مشاكل و قد يستكسب منها.
صايع : متعددة المعاني ، المعنى العام شخص عاطل عن العمل بما يشمله ذلك. معنى أخر أن هذا الشخص خبير بأمور الدنيا أو كما نقول " لافف و داير" .
مفتح : شخص يقظ و حريص و ماينضحكش عليه .
واكلها والعة : شخص جشع يفعل أي شئ تقريبا للحصول على المال ، أو شخص يحصل على المال بسهولة لأنه يسرقه او مش تعبان فيه (مثلا متجوز واحدة غنية بتصرف عليه ) .
مطرطأ : مطرطأ مشتقة من " يطرأطأ " ، " يطرطأ" أذنه أي يصغي السمع ، يعني يضع يده خلف أذنه و يدفعها للأمام ليصغي السمع ، و يقال هذا الشخص " ودانه مطرطأة" لو أذنه كبيرة ، مثال أخر عندما تريد أن ينتبه لك شخص تقول " طرأطأ لي ودنك "
"أرن" بفتح جميع الحروف لها مرادف انجليزي يشرحها بالضبط بس لا أستطيع ذكره في المنابر لانه مشتق من كلمة قذرة ، و لكن المقصود في النهاية انه شاب مغرور .. "بيتأرنن" على الناس ، مثال " مالك متأرنن على إيه ؟! " أو " ده واد أرن و شايف نفسه "، أو شخص لديه شي يتأرنن بيه ، يعني مثلا " إنت ربنا مديك شوية قوة حاتأرنن بيهم على خلق الله" .
و هكذا.

مرحبش : عمري ما سمعت حد استخدمها و لا أظن ان حد بيستخدمها في مصر خالص.

المصريين توقفوا عن استخدام " بدي" بمعني "أريد" من أيام الفنان الراحل حسين صدقي ..أيام الناس ماكانت بتقول " صضأني" و "سعيدة " و "ممنون"

و الله أعلم

أهم دول الـ losers اللي لسة كنت باقول عليهم في الرد اللي فات .. الهدف انك تسهل الامر مش تصعبه و تسخدم كلمة غبية غريبة للتعبير عن شئ سهل و بسيط !

أخ أحمد
هو اأنته إزاى هتزق عجلك قبل ما تركب الفرد بتاعت العجل
زق العجل دي ساعت لما الواد يكون ماشي خلاص
لكن تركيب الفرد قبل ما يمشي بشويه
والله المستعان

انا هروح اكل في الاستخبس (بضم السين) او في الخباسة (الخباثة)
يعني بسرعة او من غير ما حد ياخد باله