Artificial Intelligence ---- MAXScript ----

[3ddesigner]

اقدم لكم الربوت الذكي ... بامكانه الوصول للهدف من اقصر الطرق و التعامل مع اي عوائق ... العمل تم بماكس سكربت فقط
اتمني ان ينال العمل اعجابكم

[houmam bat]

روعه اخي ^_^

[doctor3d]

games بالماكس سكربت
ماشاء الله بجد

[SENSE]

برافو يا حسام ماشاء الله
استمر

[ahmed_shal]

تحفه يامان بجد تسلم ايدك بجد جدا

[ahmed_shal]

ياتري ده مبني علي ال crowd و ال delegate؟

[3ddesigner]

متشكر جدا اخواني الكرام ...
منور يا دكتور ..دا سيستم بالماكس سكربت ملوش علاقه بالكرود بتاع الماكس خالص لو تلاحظ الاسليدر تايم بيتحرك بشكل متكرر يعني لو فيه انميشن اكيد هيتكرر ... دا سكربت كنترولر بس فيه شغل حبتين ...

[Devigner3D]

ماشاء الله
ذكاء اصطناعي جميل
واصل

[Blue-M]

ما شاء الله شغل ممتاز

[ahmed_shal]

اها يبقي انت استخدمت نفس الطريقه اللي ف lots of robots بتاعه السبايدرز وحطيتها في اسكريبتد كونترولرز وحنتفتها اشطه جدا سواءا كده او كده بجد تسلم ايدك

[3ddesigner]

جزاكم الله خيرا اخواني الكرام

لا طبعا يا دكتور ... انا عملت الاسكربت من الصفر دون اي رفرنس نهائي ... انا لا اعتقد ان لوتس اوف ربوتس فيها امكانيه لتجنب العوائق او الذكاء الاصطناعي عموما !! ولا يوجد حتي الان موضوع او حتي ذكر كلمه ذكاء اصطناعي للماكس !! و اعتقد انه دا اول مره يتعرض عمل بهذه الفكره و مره تانيه الاسليدر تايم بيتكرر و مع ذلك مفيش تكرار للانميشن , دا دليل انه فيه فكره جديده .... كمان الربوت يتفاعل ريالتيم و لو غيرت مكان الكرات الربوت بيتعرف عليها ريالتيم دون تدخل يعني الربوت بيقوم بوظيفته بشكل اتوماتيكي .

كمان انا سبق و عملت سيستم ريج بالماكس سكربت فقط يعني مستخدمتش ريج الماكس نفسه و ده كان في ريج العربيه و الدبابه اللي كنت عملتهم

[ahmed_shal]

تسلم ايدك يا حسام انا والله مش قصدي انك اخدت الفكره من حد بس هي نفس النظريه بس وده اللي خللاني افكر ف كده مش اكتر والله وطبعا ريج العربيه والدبابه كيد ماكس اسكريبت انا فاهم طبعا
تحياتي

[3ddesigner]

انا شفت موضوع لوتس ده و هوه بيتكلم عن العنكبوت يمشي خطوه بخطوه و علي الارض لكن مش بيتكلم عن موضوعي خالص و ليس هناك تشابه نهائيييي .... الربوت اللي انا عامله بيتصرف بذكاء تبعا للموقف اللي يواجهه بدووون تدخل خاااالص ؛ اما موضوع لوتس ده بيك انميشن يعني هوه اللي بيحدد العنكبوت خطوته قد ايه و السرعه و كده ..... :-d .. تحياتي لك

[ahmed_shal]

اكرر اسفي جدا جدا انا لن اخمن اي طرق والله انا كان قصدي المناقشه مش اكتر ولوتس اوف روبوتس فيها وظيفه seek اللي بيعمل سيرش علي التارجت انا كنت قريت الاسكريبت زمان وخطر ببالي انك استخدمت نفس الفكره لاني انا شخصيا بتعلم ن اي اسكريبت وممكن اخد فكره واطورها عشان كده فكرت بنفس الطريقه لكن يبدو انك ضايقت جدا وانا جد اكرر اسفي واعدك بعدم التعليق باي شكل يتعلق بطبيعه العمل
تحاتي القلبيه
اخوك احمد

[3ddesigner]

لا يا دكتور متفهمنيش غلط ... انا بوضحلك فقط اني عملت الشغل بنفسي لانك في البدايه بتسالني , و انا جاوبت في البدايه و طبيعي جدا اني قرات سكربتات كتير و بستفيد طبعا منها . و ريج الربوت ده امتداد ل ريج العربيه و الدبابه ! .. و سبب اني كتبت رد تاني اني قرات عنوان الموضوع بتاع لوتس و كان بيتكلم عن العنكوبت يمشي خطوه بخطوه و علي الارض و ملقيتش اي اشاره الي موضوع الذكاء الاصطناعي ده فحبيت اوضح النقطه دي .... لكن مفيش زعل ابدا ..

بجد منووورررر يا دكتور ... تحياتي الخالصه لك