-{||..::ورشة بركان الغضب :!: مجال صناعة الألعاب::..||}-

[||saker||]

بسم الله الرحمن الرحيم

http://octwar.com/files/banner.gif (http://maxforums.net/showthread.php?t=99076)
(اضغط على الصورة للدخول إلى موضوع التسجيل)
المهمة :-
تأسيس فريق عربى قادر على مجاراه الفرق الحرة الأجنبية Indie Dvevlopers .. مهمه الورشة هى إعداد الفريق و تجهيزة قبل البدأ فى العمل على أولى المشاريع "بركان الغضب" ... إعداد فريق متكامل قادر على إنتاج لعبة ذات مواصفات عاليه و الهدف الأكبر هو بناء قاعده لتأسيس مجتمع عربى مهتم بهذا المجال لتكون لنا القدره على الإنضمام إى منظمه IGDA::http://igda.org:: .

الرؤية :-
لا نمتلك القدره لإعداد فريق متكامل من الصفر , لكن نستطيع إعداد فريق ذو خبرة عمليه فى مجالات أخرى متعلقة بمجال صناعة الألعاب لنأهلهم لدخوله . و من هنا فالدور الأساسى للورشة هو وضع أقدامكم على الطريق الصحيح و عندها , سنترككم تسيرون فى دربكم .. و سيكون مشروع بركان الغضب بمثابة البداية و التدريب العملى , لذا سيتم انتقاء الأعضاء المناسبة من الورشة للبدأ فى المشروع .

نظام العمل فى الورشة:-
1- منتدى المنابر :-
سيكون هذا المنتدى هو المستضيف للورشة سيتم وضع مواضيع الورشة بالترتيب .. سيكون هناك موضوع للأسئلة والإستفسارات و موضوع أخر خاص بالورشة لعرض الدروس والمواضيع المتعلقة بالورشة . سيأخذ كل مجال فتره زمنية معينه و سيقتصر الدعم والإجابة على الأسئلة على الأعضاء المسجلين فقط و لن يتم الرد على أى أسئلة أو استفسارات خارج نطاق هؤلاء الأعضاء ..

2- النشرة اليومية :-
ستكون هناك نشرة يومية لأعضاء الورشة فيها أخر أخبار مجال صناعة الألعاب و وروابط لمواضيع ودروس أجنبية .. الهدف من النشرة اليومية هو تطوير أفكار الأعضاء عن هذا المجال و تحفيزهم على المتابعه فيه ^^...

3- الإجتماع الأسبوعى :-
سيكون هناك إجتماعات أسبوعية .. سيتم إختيار موضوع معين للتحدث عنه .. وستكون فرصة لعرض الأعمال ومناقشتها و فرصة لتبادل الخبرات .

مواضيع الورشة:-
1- Game Industry Basics(أحمد صقر) :- ده أول موضوع فى الورشه , هنتكلم فيه عن الأساسيات والقواعد فى مجال صناعة الألعاب , هنتكلم فيها عن كيفية إعداد نفسك لدخول المجال ده , إيه المصادر اللى تقدر تعتمد عليها , هتقدر تحدد بالظبط انت تقدر تخش أى مجال فى الصناعة دى , هنعمل إختبارات فى نهاية الجزء ده , عبارة عن تمارين نقدر نقيس منها مدى قدرتك على الإبداع و نقدر نحدد فيها انت تصلح لأى مجال من مجالات الصناعة .

2- Game Designing & Pre-Production Process (أحمد صقر و مصطفى بدر) :- هنا هنتكلم عن أولى المجلات فى صناعة الألعاب , تصميم الألعاب , هنا هنبدأ الشغل العملى , أنا و مصطفى بدر هنصمم و نخطط لمرحلة "رياض" اللى هى أحد مراحل لعبة بركان الغضب ., كل اللى احنا هنعمله حتى اللى بنفكر فيه هيكون قدامكم , عشان تعرفوا آليه العمل .. هيكون فيه تدريبات فى نهاية الجزء ده هنقيس منها مدى قدره العضو على شرح وتوضيح وتطوير أفكاره "اللى هى المهارة الأساسية فى مجال تصميم الألعاب"

3- Level Designing ( أسامه OMS ) :- أسامه هيشرحلك إزاى هيقدر ينفذ الأفكار اللى انا و مصطفى بدر كتبناها ووثقناها , إزاى هيصمم العالم و بيئة المرحلة .. هيكون فيه تمارين نظرية وعمليه فى المجال ده هنحكم من خلالها عن مدى قدرتم على إستيعاب أفكار الغير وتنفيذها على الحقيقة .

4- General Modeler ( لم يتم تحديده حتى الآن) :- سيتم شرح بعد القواعد و الأسس المتعلقة بمجال النمذجة فى صناعة الألعاب , جميع التمارين ستكون عملية . سيخصص جزء من هذا الموضوع للتحدث عن الـ Character Modeling و الـ Mapping ,,

5- Scriptor (أحمد صقر) :- سيكون هناك جزء نظرى صغير سيكون كالمدخل لمجال الـ Gameplay Programming والباقى سيكون شرح وتدريب على لغة FPI Scripting الملحقة بمحرك FPSCreator ,, سيكون هناك تدريبات عملية سنقيس من خلالها مدى قدرة العضو على تنفيذ المطلوب بأقل قدر من التعقيد فى كتبة الأكواد .


ملفات متعلقة الورشة:-
1- الخط الرسمى للعبة :-

http://www.motken.com/fonts/noqta.JPG (http://www.motken.com/fonts/motkenNoqta.zip)http://www.motken.com/fonts/dawn.JPG (http://www.motken.com/fonts/motkenNoqta.zip)
2- الوثائق المجهزة و الخاصة باللعبة :-

Concept Document
Prototype Document

ملحقات :-
مواقع
1- شبكات متخصصة فى مجال صناعة الألعاب :-
Gamasutra - The Art & Business of Making Games (http://www.gamasutra.com/)
Game Programming Wiki - GPWiki (http://gpwiki.org/)
Game Programming, Video Game Design, Video Game Programming (http://www.gameinstitute.com/)
GameDev.net - all your game development needs (http://www.gamedev.net/)
GameDiscovery.com Game Ideas Video Game Design Game Development and (http://www.gamediscovery.com/)
Programming
GamesIndustry.biz (http://www.gamesindustry.biz/index.php)
Daily Game Development, Business and Production Articles (http://www.gameproducer.net/)
Main - GameCareerGuide.com (http://www.gamecareerguide.com/)
GDSE (http://gdse.com/)
Gamasutra Podcast on GDC Radio (http://www.gdcradio.net/podcast/)
DevMaster.net - Your source for game development (http://www.devmaster.net/)
gamedevmap (http://gamedevmap.com/)
Serious Games Source (http://www.seriousgamessource.com/index.php)
IGDA - International Game Developers Association (http://www.igda.org/)
2- أدوات :-
FPS Creator » Welcome (http://fpscreator.com/)
Game Maker Pages (http://www.gamemaker.nl/)
FPS FREE - for FREE First Person Shooter Content (http://www.fpsfree.com/index.htm)
DX Studio - 3D Editor & Real-time 3D Engine (http://www.dxstudio.com/default.aspx)
Realmware Corporation - Rapid World Creation with Visual3D.NET (http://www.visual3d.net/)
Arkham Development (http://www.arkham-development.com/)
XNA Creators Club Online (http://creators.xna.com/)
XNA Developer Center (http://msdn2.microsoft.com/en-us/xna/default.aspx)
Home - StoneTrip - Game Development Tool (http://www.stonetrip.com/index.php)

فى النهاية أتمنى من الجميع التفاعل ,...

[Mr-X]

الموضوع فوق الممتاز يا صقر
وهيعلم ناس كتير اوى اوى
وانا منهم ان شاء الله
جزاك الله خير يا غالى
وان شاء الله هنقدر ننتج اول لعبة بنجاح

[||saker||]

هنا هيكون موضوع الأسئلة والإستفسارات للورشة ... يالله . ربنا يسهل

[Mr-X]

ان شاء الله يا صقر
وربنا يوفق الجميع

[oms]

على خير إن شاء الله ..

[kareem50]

هل الورشة ستتطلب الخبرة لمجال الالعاب ؟؟
ام ممكن مبتدئ من الصفر التعلم ومعرفة الاساليب لصياغة الالعاب نفسها والاسفتادة من الورشة؟؟؟
موضوع ممتاز اخي :)

[amdman]

السلام عليكم
الحمد لله أننا بدأنا ^_^
بس الصراحة معاد الاجتماع مش هبقى موجود للأسف لكن على العموم ان شاء الله أحضر بقية الاجتماعات و ياريت لو تسجلوا الاجتماع زى زمان :;p

[||saker||]

على خير إن شاء الله ..
مش عارف بس شكل فى حد داعى عليا .... مش عارف مشاكل الدنيا كلها استنت لغاية ما أبدأ الورشة و بعدين هلت >< ... على العموم أنا أسف على التقصير بتاع امبارح .. ان شاء الله النهارده أحاول أعوض ونأدى نشاط الورشة بتاعت امبارح والنهارده مع بعض ...
المهم .. بخصوص نظام الورشة بتاعت الـ Game Design فأنا هشرح نظرى و مصطفى بدر هيطبق اللى بشرحة قدامكم على مرحلة رياض من لعبة بركان الغضب ..^^... وياريت لو تقولولى إيه ريكم فى موضوع ورشة الأساسيات .. وياريت الكل يقرأها بإهتمام ^^...

هل الورشة ستتطلب الخبرة لمجال الالعاب ؟؟
ام ممكن مبتدئ من الصفر التعلم ومعرفة الاساليب لصياغة الالعاب نفسها والاسفتادة من الورشة؟؟؟
موضوع ممتاز اخي
احنا هدفنا من جعل الأعضاء يسجل مش عشان احنا هنعملهم هما بس الورشة .. لكن لأن الورشة هتتضمن نشاطات محتاجة خبرة ... لكن أى واحد يقدر يتابع الورشة من موضوعها عادى

السلام عليكم
الحمد لله أننا بدأنا ^_^
بس الصراحة معاد الاجتماع مش هبقى موجود للأسف لكن على العموم ان شاء الله أحضر بقية الاجتماعات و ياريت لو تسجلوا الاجتماع زى زمان
>< ... طيب .. احنا أكيد هنسجل الإجتماعات ^^...

[amdman]

السلام عليكم

حسب ما فهمت :)
internal development : يعنى الناس بيشتغلوا فى الاستوديو او المكان اللى بيصمموا فيه اللعبة أو الفريق اللى بيصمم اللعبة
External Development : يعنى الاستعانة بناس من خارج الاستوديو أو الشركة عشان يساهموا فى تصميم اللعبة و لو كانوا كتير فيتم تعيين مدير لهذا الأمر عشان يتابعهم و ينسق بين شغلهم و شغل بعض و شغل الشركة نفسها
GoldMaster : أعتقد إنها جائزة تقدم لمصممى الألعاب المستقلين حسبما أعتقد :rolleyes2
الصورة : تقريبا و بنسبة كبيرة هى خريطة Displace لعمل جبل أو جزيرة تقريبا :rolleyes2

هى دى الاجابات اللى انت عايزها ولا فى غلط :;- :a

[TheShadow]

it will be so hard for me to attend thies meetings :S coz the time will be here in peru
4 am but if you records all the meeting i can know what had happen in thies meeting and follow you and i can recive all the information by email

[Y@$$ER]

الفرق بين الـ internal development و الـ External Development
هو أن الإنترنال بيبقى من خلال الموظفين اللي بداخل الشكرة أو الأستوديو الخاص باللعبة أو الشركة
أما الإكسترنال فهما بيكونو ناس تحت الطلب في هذا المجال بيخلصوا الشغلة و ياخدوا فلوسهم و يمشوا و مرتباتهم بتكون ما بين 30000 و 60000 دولار عقبالنا ^^
و الجولد ماستر على ما أعتقد الممول للعبة و بيقوم بدور الإنتاج على ما أظن بس تقريباً الإجابة ديه غلط ^_^"
و الصورة هي بقى مش عارف ^^ بس هعرفها ,
ممكن تكون : هي يا إما سحابة يا إما تكشر معمول بالدايركت إكس يا إما جبل و الله أعلم

[EgyMan]

http://nathguil.free.fr/SearchAndRescue/heightmap_tmp.png

دى صورة 2d لـتضاريس جبلية علشان تتحول فيما بعد لمجسم ثلاثى الابعاد داخل المحركات و برامج الثرى دى

** لو ظنى غلط يبقى . . . .

- - - - - - - - - - - - - - - - - - - - - - - - - - - - - - - - - - -
انا معاك طبعا يا صقر
انت عارف مهاراتى كويس بس ياريت تخلينى اشتغل فى حاجة واحدة بس ^_^
و متنساش يبقى اسمى اول واحد فى القائمة احسن اعورك ^_^

[||saker||]

حسب ما فهمت
internal development : يعنى الناس بيشتغلوا فى الاستوديو او المكان اللى بيصمموا فيه اللعبة أو الفريق اللى بيصمم اللعبة
انت قربت من الإجابة ^^... التطوير الداخلى معناه ان الشركة اللى هتنشر اللعبة هى نفسها اللى هتطورها و هتنتجها .. بمعنى انها مش هتعتمد على شركات التطوير المتخصصة و انها هيكون عندها فريق التطوير الخاص بيها اللى هيعمل اللعبة .. بعمنى انها شركة نشر وتطوير &&.. ومثال على كده شركة UbiSoft وهى بتتسمى كمان اسم تانى اللى هو :- In-house Development

External Development : يعنى الاستعانة بناس من خارج الاستوديو أو الشركة عشان يساهموا فى تصميم اللعبة و لو كانوا كتير فيتم تعيين مدير لهذا الأمر عشان يتابعهم و ينسق بين شغلهم و شغل بعض و شغل الشركة نفسها
غلط ^^... معناها ان الشركة الناشرة هتعتمد على أستوديوهات خارجية "وليس ناس" بمعنى انها ستعتمد على شركات تطوير متخصصة لإنتاج اللعبة بدلا عنها لتقوم هى بنشرها فقط .. مثال على ذلك شركة Activsion فهى ناشرة و شركة ID Software فهى شركة تطوير ^^...

GoldMaster : أعتقد إنها جائزة تقدم لمصممى الألعاب المستقلين حسبما أعتقد
غلط ....

الصورة : تقريبا و بنسبة كبيرة هى خريطة Displace لعمل جبل أو جزيرة تقريبا
تمام دى الوظيفة &&.. ... هى صح بس انت مبحثتش انت خمنت ؟؟؟ وده مش الهدف من السؤال ^^

it will be so hard for me to attend thies meetings :S coz the time will be here in peru
4 am but if you records all the meeting i can know what had happen in thies meeting and follow you and i can recive all the information by email
خلاص .. مفيش مشاكل .. ان شاء الله احنا كده كده هنسجل الإجتماع ونبعته للكل ^^

الفرق بين الـ internal development و الـ External Development
هو أن الإنترنال بيبقى من خلال الموظفين اللي بداخل الشكرة أو الأستوديو الخاص باللعبة أو الشركة
أما الإكسترنال فهما بيكونو ناس تحت الطلب في هذا المجال بيخلصوا الشغلة و ياخدوا فلوسهم و يمشوا و مرتباتهم بتكون ما بين 30000 و 60000 دولار عقبالنا ^^
غلط وانا قلت إجابة السؤال ده فوق ^^

و الجولد ماستر على ما أعتقد الممول للعبة و بيقوم بدور الإنتاج على ما أظن بس تقريباً الإجابة ديه غلط ^_^"
غلط .. لسه مفيش حد جاب الإجابه على الرغم انى ذاكرها فى الدرس بتاع الجيم ديزين ^^

و الصورة هي بقى مش عارف ^^ بس هعرفها ,
ممكن تكون : هي يا إما سحابة يا إما تكشر معمول بالدايركت إكس يا إما جبل و الله أعلم
غلط ^^


دى صورة 2d لـتضاريس جبلية علشان تتحول فيما بعد لمجسم ثلاثى الابعاد داخل المحركات و برامج الثرى دى

** لو ظنى غلط يبقى . . . .
تمام ^^... هى الإجابة صح ^^... لكن انا عاوز اسم الماب دى ^^... وبتستخدم فى إيه بالضبط فى مجال الألعاب ^^

انا معاك طبعا يا صقر
انت عارف مهاراتى كويس بس ياريت تخلينى اشتغل فى حاجة واحدة بس ^_^
و متنساش يبقى اسمى اول واحد فى القائمة احسن اعورك ^_^
ماشى ياعم .. كل واحد متخصص فى حاجة ^^...
بس انا شكلى كده اللى هعورك ... انت بترد فى موضوع الورشة ليه ؟؟؟ مش أنا كاتب سطر فحل بقول فيه .:: أرجو عدم الرد فى هذا الموضوع والرد فى الموضوع الخاص بالأسئلة ::. ؟؟؟ ... ياريت لو تعرف تحذف ردك اللى فى الموضوع اللى هناك قبل ما أكمل الورشة يبقى أفضل عشان ميبقاش فيه تشتيت ...
تعديل : خلاص أسامه كتر خيره نقل ردك ^^ ...

[Y@$$ER]

طيب إزاي إجابتي غلط و أنا إجابتي نفس إجابتك يا صقر برجاء التأكد من صحة الكلام

[||saker||]

طيب إزاي إجابتي غلط و أنا إجابتي نفس إجابتك يا صقر برجاء التأكد من صحة الكلام
انت بتقول يا إما تكشر يا إما جبل ؟؟؟ و الإتنين غلط ^^.... راجع إجابتك .. هى ماب ... لكن أنا عاوزكوا تقولولى و ظيفتها إيه فى الألعاب .. هو amdman قال انه بتعمل Displace .. ماشى دى صح ^^... لكن عاوز تفصيل و تحديد أكتر ^^ ...

[EgyMan]

معلش يا صقر كان صعب عليا احضر الاجتماع علشان النت كان فاصل
اسم الماب : The Terrain Canvas
و احيانا تسمى : Terrain Elevation as Greyscale
و احيانا : The Elevation Map , و هو ادق تعريف

[TheShadow]

النسخة النهائية للعبة = Gold Master

[||saker||]

معلش يا صقر كان صعب عليا احضر الاجتماع علشان النت كان فاصل
اسم الماب : The Terrain Canvas
و احيانا تسمى : Terrain Elevation as Greyscale
و احيانا : The Elevation Map , و هو ادق تعريف
تمام ^^... الليفيل ديزينرز بيسموها الـ Height Map .. طيب ^^.. فيه حد فيكم ممكن يشرح فكره عمل الماب دى ؟؟؟ ...&&

النسخة النهائية للعبة = Gold Master
^^ تمام ^^... يبقى أنت أكيد قرأت الجزء الأول من الـ Game Designing ^^&

[almohtaref]

هوا أنا ممكن أساعد بموضوع الماب
هي عشان تعمل التضارييس يعني المرتفعات و المنخفضات
يعني الأسود عالي و بيبدئ يقل العلو لحد ما نوصل أقل بقعة هي الأبيض
أو بالعكس و أنا مرة شفت درس عن هالموضوع في منتدي octwar
هو درس فيديو رائع ... بالمختصر المفيد
http://www.mediafire.com/?enid9z1tjnl
و أعتقد إلي عمل الدرس مشارك معانا بالورشة صح ؟

يلا تحياتي

[||saker||]

هوا أنا ممكن أساعد بموضوع الماب
هي عشان تعمل التضارييس يعني المرتفعات و المنخفضات
يعني الأسود عالي و بيبدئ يقل العلو لحد ما نوصل أقل بقعة هي الأبيض
أو بالعكس و أنا مرة شفت درس عن هالموضوع في منتدي octwar
هو درس فيديو رائع ... بالمختصر المفيد
http://www.mediafire.com/?enid9z1tjnl
و أعتقد إلي عمل الدرس مشارك معانا بالورشة صح ؟

يلا تحياتي
تمام ^^... اللى عامل الدرس هو أحمد السيد ...^^

[اسد بابل]

يا أخي العزيز مافي داعي لكل هذا التعقيد لانه انت عامل اعداد منهاج اكاديمة جاف جدا وهذا بالنسبة للمنتدى لا ينفع احد .... الافضل ان تبحث عن برامج تعمل محركات الالعاب الجاهزة او ببرمجة بسيطة نسبيا مثل برنامج البلندر .... او برنامج UNREAL ENGINE runtime v.2 اني عندي محاضرات البرنامج الاخير اذا يفيدك .....http://maxforums.net/showthread.php?t=98507 .
زور هذا الرابط مفيد جدا

[Mr-X]

يا أخي العزيز مافي داعي لكل هذا التعقيد لانه انت عامل اعداد منهاج اكاديمة جاف جدا وهذا بالنسبة للمنتدى لا ينفع احد .... الافضل ان تبحث عن برامج تعمل محركات الالعاب الجاهزة او ببرمجة بسيطة نسبيا مثل برنامج البلندر .... او برنامج UNREAL ENGINE runtime v.2 اني عندي محاضرات البرنامج الاخير اذا يفيدك .....http://maxforums.net/showthread.php?t=98507 .
زور هذا الرابط مفيد جدا
__________________


اخوى الفاضل نحن نتعلم قبل البدء فى العمل
البليندر ضعيف جدا جدا جدا جدا فى انشاء لعبة مثل بركان الغضب
وطبعا المحركات كثيرة ولكن محرك fps creator
برنامج مناسب لهذا الشئ لانه اصلا متخصص فى عمل الالعاب fps

[||saker||]

يا أخي العزيز مافي داعي لكل هذا التعقيد لانه انت عامل اعداد منهاج اكاديمة جاف جدا وهذا بالنسبة للمنتدى لا ينفع احد .... الافضل ان تبحث عن برامج تعمل محركات الالعاب الجاهزة او ببرمجة بسيطة نسبيا مثل برنامج البلندر .... او برنامج UNREAL ENGINE runtime v.2 اني عندي محاضرات البرنامج الاخير اذا يفيدك .....http://maxforums.net/showthread.php?t=98507 .
زور هذا الرابط مفيد جدا
تمام ^^ ... بس روح قول الكلام ده للشركات لما تيجى تشغلك ؟؟؟ وشوف ردهم هيبقى إيه ؟؟ ... ثم مين اللى قال ان الشرح الأكاديمى لا ينفع ؟؟؟؟ .. احنا بس العرب اللى متعودين ناخودها عالطاير والفهلوه ,>< ... الشرح الأكاديمى مدخل وى ماقلت قبل كده احنا هنوقفك على الطريق بس وانت اللى هتكمل , الخبره العملية شئ و معرفه القواعد والأساسيات شئ تانى , احنا هنا بنعلمك القواعد والأساسيات .., احنا مش هدفنا نعلمك برنامج أو محرك ؟؟ احنا هدفنا نعلمك الأساسيات اللى انت هتقدر منها تختار طريقك وتبدأ تشتغل فى اللى انت عاوزه وتتعلم بنفسك &&... للأسف احنا مهملين للأساسيات و دايما بناخدها بالفتاكه والشطاره ><
....... لو عاوز تكمل فى المناقشة حط ردك واضح عشان أعتقد ان الموضوع ده مهم و محتاج نقاش فعلا ^^&...

[Y@$$ER]

أولاً أنا ما أقصدش السؤال ده لكن أقصد السؤال الأول بتاع الفرق بين Internal Development و External Development

تأكد من الإجابة هتلاقيني صح مش غلط

[||saker||]

هو أن الإنترنال بيبقى من خلال الموظفين اللي بداخل الشكرة أو الأستوديو الخاص باللعبة أو الشركة
أما الإكسترنال فهما بيكونو ناس تحت الطلب في هذا المجال بيخلصوا الشغلة و ياخدوا فلوسهم و يمشوا و مرتباتهم بتكون ما بين 30000 و 60000 دولار عقبالنا ^^
هقولك تانى غلط ^^ .... هى مش من خلال موظفين .. هى من خلال شركات ^^... راجع ردى تانى وشوف إجابتى وقارن ^^

[amdman]

السلام عليكم
احنا هنبدأ امتى يا أحمد ؟؟
الوقت عمال يعدى و الاجازة قربت تخلص :speechles
الكلام اللى انت بتقوله دا جميل ماشى بس خللى بالك من الوقت ...

[||saker||]

السلام عليكم
احنا هنبدأ امتى يا أحمد ؟؟
الوقت عمال يعدى و الاجازة قربت تخلص
الكلام اللى انت بتقوله دا جميل ماشى بس خللى بالك من الوقت ...
اه ... ربنا يسهل .. مهو احنا مش عاوزن نعمل حاجة أى كلام و فى الآخر نقف فى نص الطريق و منعملش حاجة ؟؟؟

المهم.. أنا رايح القاهرة يوم الثلاثاء "بكره" ..احنا ممكن نتفق على مكان وميعاد عشان نتقابل فيه ...

[EgyMan]

الصراحة صعب عليا يا احمد انى اروح القاهرة على اساس انى لسة مبهدل ابويا و خليته يودينى الاسماعلية بس ياريتها جت بفائدة و لو قولتله نسافر تانى حيقتلنى
المهم لو عرفتم تجتمعوا فى الاسكندرية يبقى خير و بركة و كوماندوز مستعد يجيلى الاسكندرية لو انت جاى و علشان نقابل موجا بالمرة.
و لو رحت القاهرة متنساش تقابل الشخصيات الى قالك عليها الدكتور يحيى الشاعر ^_^

[amdman]

أهلا بيك فى القاهرة
بس المقابلة بتاعت بكرة دى هنستفيد منها ايه و كمان الناس اللى مش هيقدروا يحضروا هيبقى موقفهم ايه ؟

[||saker||]

الصراحة صعب عليا يا احمد انى اروح القاهرة على اساس انى لسة مبهدل ابويا و خليته يودينى الاسماعلية بس ياريتها جت بفائدة و لو قولتله نسافر تانى حيقتلنى
المهم لو عرفتم تجتمعوا فى الاسكندرية يبقى خير و بركة و كوماندوز مستعد يجيلى الاسكندرية لو انت جاى و علشان نقابل موجا بالمرة.
و لو رحت القاهرة متنساش تقابل الشخصيات الى قالك عليها الدكتور يحيى الشاعر ^_^
خلاص .. براحتك ><...

أهلا بيك فى القاهرة
بس المقابلة بتاعت بكرة دى هنستفيد منها ايه و كمان الناس اللى مش هيقدروا يحضروا هيبقى موقفهم ايه ؟
أنا أصلا مش رايح عشان أقابل الجماعه بتوع الورشة .. انا رايح فى موضوع تانى ... لكن دى فرصة لو نتقابل .. يعنى عادى .. نقعد مع بعض شوية ونبدل الأسطوانات و البرامج اللى معانا و كده &&...

[lamanix]

السلام عليكم
الله يوفقكم.

[Nightwish]

السلام عليكم
اخي احمد انا ايضا ارجو مراعاة الوقت
فانا مثلا عندي امتحانات الدور الثاني !!!!!
قريبا راح تبدي انا اكدر انظم وقتي لكن تدري فيه حاكات كثيرة اخرى

[benmoussa]

انا أريد تعلم أساسيات fps creator عشان أساهم معكم
هل يوجد كراك ليه



_________________________________________________________________
أقم صلاتك قبل مماتك

[benmoussa]

هل يوجد كتاب لتعلم fps creator

[benmoussa]

كتاب لتعلم الرسم http://www.zshare.net/download/3241755f43706a/

[||saker||]

السلام عليكم
اخي احمد انا ايضا ارجو مراعاة الوقت
فانا مثلا عندي امتحانات الدور الثاني !!!!!
قريبا راح تبدي انا اكدر انظم وقتي لكن تدري فيه حاكات كثيرة اخرى
انتوا فولتوا فيها .>< ... أسامه تعب وراح المستشفى و بيقولوا عنده الزايده .,>< ... هنتضر نأجل دوره فى الورشة لغاية ما يقوم بالسلامه .. بس عاوزين حد يمسك ورشة الـ General Modeling >> أنا برشح أحمد السيد .. ياريت اللى حاسس انه يقدر يمسك الجزء ده من الورشة يقول ,.,

[almohtaref]

أسامة بالمستشفي !!
سلامته ألف سلامة ... أنا سمعت بالأردن في شاورما مسممة أو نص إستوا زي ما بقولوا
حد عنده رقمه نتصله فيه ... الموبايل طبعا ...

[Nightwish]

ما عندوش الا السلامة يا اخي احمد ان شاء الله يكوم و يرجع بالسلامة يا رب
و بالنسبة للجنرال مودلنغ فانا حقيقة لا اعرف مستوى الاخوة و من الافضل ان يقوم من يعرف مستواهم جيدا ان يرشح
و ان شاء الله خير

[oms]

على خير يا صقر ..
ححاول أشتغل فيها بكره على خير ..

[Mr-X]

على خير يا صقر ..
ححاول أشتغل فيها بكره على خير ..


اسامه انت ارتاح كده غلط المهم صحتك الورشة مش هطير
والناس تقدر تستنى ولو ما استنت ايه المشكلة يعنى المهم صحتك
يعنى هو انت تتعب واحنا نرتاح وخلاص كده غلط
انت المهم لما حالتك تستقر ابدء فكر فيها اوك ولا لا

[EgyMan]

سلمتك يا اسامة
خد راحة علشان تشفى بسرعة و ربنا يكون فى عونك

انا مستعد امسك ورشة الموديلينج حيث انى بعرف اشتغل موديلنج كويس "خاصة فى مجال الالعاب"
لو فيه حد افضل منى و يكون عنده خبرة "مركزة" ممكن يمسك المودلنج و انا اعمل الاكساء

على العموم انا هجهز المادة العلمية انهاردة و حطرحها على الانتر نت فى الصباح
"اغلب العمل سيتم على max 9 و سوف اقوم بتصدير الامثلة لل 3ds

[||saker||]

سلمتك يا اسامة
خد راحة علشان تشفى بسرعة و ربنا يكون فى عونك

انا مستعد امسك ورشة الموديلينج حيث انى بعرف اشتغل موديلنج كويس "خاصة فى مجال الالعاب"
لو فيه حد افضل منى و يكون عنده خبرة "مركزة" ممكن يمسك المودلنج و انا اعمل الاكساء

على العموم انا هجهز المادة العلمية انهاردة و حطرحها على الانتر نت فى الصباح
"اغلب العمل سيتم على max 9 و سوف اقوم بتصدير الامثلة لل 3ds
تمام ^^.. الحمد لله ... ياريت تبعتلى الماده العلمية بعد ما تخلصها عشان أضيفها لمواضيع الورشة بنفس التنظيم ^^"عشان الإستايل ميبوظش" ... وانا أسف على تأخير نشاطات جزء الـ Game Designing >> لكن ظروف والله >< ... مشوار القاهرة اتأجل ليوم الخميس اللى هو بكره .. ان شاء الله أنا هكون فى المعادى فى شارع اسمه شارع اللاسلكى ..,><... معرفش فين بالضبط اللاسلكى ده لكن اللى عاوز يقابلنى يبعتلى رقم تليفونه وانا أتصل بيه بكره لما أوصل القاهرة ونتفق على المكان اللى هنتقابل فيه لأنى بصراحة معرفش الظروف بصراحة هيبقى شكلها ازاى ><...

[midooo_3d]

أنا يسعدنى أنى أشترك معاكم فى الورشة دى
أنا بشتغل Graphic & Web Designer فى شركة لتصميم المواقع
وهذا اخر أعمالى بالنسبة للجرافيك و الويب ديزين فقط
http://www.bookdepository.co.uk/WEBSITE/WWW/WEBPAGES/homepage.php
خريج فنون جميلة
اشتغلت فرى لانسر على 3DS max بعرف فى المودلينج والماتريل و الريندر و الفى راى و شوية فى الأنيميشن
ودة عمل من أعمالى
http://maxforums.net/showthread.php?t=84970

أنا أن شاء الله هكون بكرة فى القاهرة هتحرك من أسكندرية الساعة 7.5 صباحاً ان شاء الله وبإذن الرحمن سأصل
القاهرة الساعة 10.نصف وهروح المهنديسن لأنى عندى مشوار مهم الساعة 1 فى المهندسين الى الساغة 2 لو حد ينفع أقابلة بكرة فى المهندسين عند ميدان أحمد عرابى يبقى كويس أوى علشان أنا مسافر على طول بعد الساعة 2 ممكن من الساعة 11.5 الى 1 أكون فاضى بردو عموماً الى ناوى يتبرع ويقابلنى فى المهندسين ممكن يدينى نمرة موبايلة أو أديلو نمرتى يبقى شخص أخر تمام وخصوصاً أنى أنا مش من القاهرة وجاى زيارة بس ومعرفش فى البلد كويس.

[EgyMan]

مرحبا بك يا اخى فى الورشة

[amdman]

السلام عليكم
هو احنا امتى هنحدد حركات اللاعب و كدة , يعنى مثلا فى ميدل اوف اونور اللاعب ممكن يكون واقف أو ماشى على ركبته بس و فى كول اوف ديوتى بيبقى واقف و ماشى على ركبته و زاحف على بطنه , طبعا فى حاجات كتيرة غير دى
بس السؤال هو انتم حددتم الحاجات دى و لا لسة ؟ و اذا كان لسة فهنحددها امتى ؟
لأنى أعتقد ان تصميم الشخصيات هيعتمد على حاجة زى دى :rolleyes2
سؤال تانى : مين اللى ماسك الوقائع التاريخية ؟
يعنى مين اللى هيحدد أنواع الأسلحة و كل سلاح امكانياته ايه و الحاجات دى ؟ و طبعا لازم الأسلحة تكون كانت موجودة فعلا فى هذه الفترة :rolleyes2

[EgyMan]

بالنسبة للوقائع التاريخية الاسلحة
انا مجهزها و مفهرسة و جمعت صور refrence ليها و الامثلة بتاعة المودينلج حتكون عنها

[amdman]

طيب عظيم انك عملتهم بس هتحطهم فى المنتدى امتى ؟

[midooo_3d]

أنا عايز أسأل عن شوية حاجات
1- فين المكان الى هنعمل فية المشروع دة ولو حتى احنا فى مرحلة التعليم ما ينفعش نتبادل الخبرات على الأنترنت لازم مكان نتقابل فية ونتبادل الخبرات فية؟

2- انا ما شوفتش اى خطة عمل توضح الطريق الى هنمشى علية لحد دلوقتى؟

3- الأجتماعات تحصل مرة أه وعشرة لا وعلى فترات متباعده؟

4- الموقع بتاع اللعبة مافيش مشاركات جديدة علية ولا حتى دروس جديدة ؟

[EgyMan]

احنا فى مرحلة تعلمية حاليا و ليست مرحلة عمل اللعبة علشان كدة الموقع بتاع اللعبة مافيش فيه مشاركات جديدة و علشان كدة مش حتلاقى اى دروس جديدة عليه علشان احنا عملنا الورشة.

[midooo_3d]

شكراً يا EgyMan على ردك انتا رديت على أخر سؤال بس
ولكن أنا عايز بس رد على باقى الأسئلة
علشان باقى الأعضاء كمان يكونو عارفين أحنا وصلنا لحد فين فى الموضوع دة وبعدين انتا بتكلم فى مشروع ضخم صناعة الألعاب ياعنى الورشة مش كفاية.

[EgyMan]

لو عايز اجابات دقيقة لبقية الاسئلة خدها من صقر لما يرجع من السفر "تقريبا بكرة باذن الله"

[amdman]

السلام عليكم
الموضوع اللى احنا فيه ده بتاع الأسئلة و المناقشات
و فيه موضوع تانى مثبت صقر بيكتب فيه الحاجات المنجزة و الخطط قريبة المدى
و ممنوع كتابة ردرود فيه
و يمكنك الدخول الى هذا الموضوع من هنا (http://maxforums.net/showthread.php?t=99487)

[SOSO com]

السلام عليكم

أود الأشتراك معكم اذا سمحتو لي بذلك

و لكم مني جزيل الشكر و الأمتنان

باي

[amdman]

السلام عليكم

الاجتماع اليوم الساعة 8.30 ان شاء الله ( ان لم يجد جديد )

[X_Mind]

اخي اسامة مريض والله انا مش عارف الا دلوقتي علشان انا اشتقت الو وبحثت عن اخر ما كتب فلقيت الخبر المحزن ده الله يشافيك اخي ولطالما دعيت لك واتمنى من الله ان يعوضك وان يقومك بالسلامة فلطالما سهرت من اجلنا ومن اجل المنتدى

حد عنده رقمه نتصله فيه ... الموبايل طبعا ...
اخوتي اتمنى انو في حد منكم يمتلك وسيلة اتصال باسامة علشان بقالو اربع ايام مش عارفين اخبارو اليوم 25 وهو مش داخل النت الا من يوم 21 علشان نتصل فيه ونطمن عليه

[||saker||]

أنا يسعدنى أنى أشترك معاكم فى الورشة دى
أنا بشتغل Graphic & Web Designer فى شركة لتصميم المواقع
ممم .. انت ممكن تتابعنا فى الورشة .. لكن النشاطات أعتقد لا .. لأن ميعاد التسجيل فاتك ^^... لكن ممكن تحضر معانا الإجتماعات إنتساب ^^&

وهذا اخر أعمالى بالنسبة للجرافيك و الويب ديزين فقط
http://www.bookdepository.co.uk/WEBS...S/homepage.php
خريج فنون جميلة
اشتغلت فرى لانسر على 3DS max بعرف فى المودلينج والماتريل و الريندر و الفى راى و شوية فى الأنيميشن
ودة عمل من أعمالى
http://maxforums.net/showthread.php?t=84970
ماشاء الله ^^.. حلوه ^^... ربنا يوفقك


السلام عليكم
هو احنا امتى هنحدد حركات اللاعب و كدة , يعنى مثلا فى ميدل اوف اونور اللاعب ممكن يكون واقف أو ماشى على ركبته بس و فى كول اوف ديوتى بيبقى واقف و ماشى على ركبته و زاحف على بطنه , طبعا فى حاجات كتيرة غير دى
بس السؤال هو انتم حددتم الحاجات دى و لا لسة ؟ و اذا كان لسة فهنحددها امتى ؟
لأنى أعتقد ان تصميم الشخصيات هيعتمد على حاجة زى دى
انت مستعجل ليه ؟؟؟.. الكلام اللى انت بتقوله ده هيتعمل فى الـ Design Document اللى لسه الفريق هيعملها لما يتكون ^^

سؤال تانى : مين اللى ماسك الوقائع التاريخية ؟
يعنى مين اللى هيحدد أنواع الأسلحة و كل سلاح امكانياته ايه و الحاجات دى ؟ و طبعا لازم الأسلحة تكون كانت موجودة فعلا فى هذه الفترة
انت نزلت الـ Concept Document ???>... احنا هنعتمد على الكتب بالإضافة اننا هنحاول نعمل مقابلات مع أفراد المجموعة 39 قتال "موضوع اللعبة ^^"

بالنسبة للوقائع التاريخية الاسلحة
انا مجهزها و مفهرسة و جمعت صور refrence ليها و الامثلة بتاعة المودينلج حتكون عنها
طيب .. خير ^^

أنا عايز أسأل عن شوية حاجات
1- فين المكان الى هنعمل فية المشروع دة ولو حتى احنا فى مرحلة التعليم ما ينفعش نتبادل الخبرات على الأنترنت لازم مكان نتقابل فية ونتبادل الخبرات فية؟
الورشة على الإنترنت ^^... وياريت تبقى تقرأ الموضوع قبل ما تسأل ^^.. لأنى معدتش هكرر اللى بقوله ..

2- انا ما شوفتش اى خطة عمل توضح الطريق الى هنمشى علية لحد دلوقتى؟
ممم .. طيب أنت جربت تشوفها ؟؟؟ ... ياسيدى ما موضوع الورشة المثبت مكتوب فيه كل حاجة ؟؟..

3- الأجتماعات تحصل مرة أه وعشرة لا وعلى فترات متباعده؟
مره كل أسبوع غير كافية ؟؟

4- الموقع بتاع اللعبة مافيش مشاركات جديدة علية ولا حتى دروس جديدة ؟
احنا لسه فى فتره إعداد ..

اخي اسامة مريض والله انا مش عارف الا دلوقتي علشان انا اشتقت الو وبحثت عن اخر ما كتب فلقيت الخبر المحزن ده الله يشافيك اخي ولطالما دعيت لك واتمنى من الله ان يعوضك وان يقومك بالسلامة فلطالما سهرت من اجلنا ومن اجل المنتدى
هو كان معانا فى الإجتماع إمبار .. الظاهر حالته اتحسنت ... ربنا يعينه .,><

[midooo_3d]

ميعاد التسجيل فاتنى طيب أية هو دورى فى الفريق

[||saker||]

ميعاد التسجيل فاتنى طيب أية هو دورى فى الفريق
زى ما قلتلك احنا لسه مكوناش الفريق ... لسه فى مرحلة إعداد ^^... كل اللى عليك انك تتابع معانا الورشة وتحاول تطبق اللى بيتعمل ^^

:: ياريت يا أحمد يا سيد انت وأسامه تقولولى وضعكم إيه دلوقتى فى مواضيع الورشة عشان أظبط الموضوع ^^...""

[mohammad1]

انا يا اخ صقر هل نسيتني.............................mohammadnice1

لماذا لم تكتب اسمي في الفريق....؟؟؟؟؟؟؟؟؟

لا تنساني...............

[||saker||]

انا يا اخ صقر هل نسيتني.............................mohammadnice1

لماذا لم تكتب اسمي في الفريق....؟؟؟؟؟؟؟؟؟

لا تنساني...............
لا ياعم ^^... أنساك إزاى .. الحكاية ان الفريق بيتعمل من جديد عشان حكاية عدم الإلتزام اللى كانت فى الفريق ><.. الورشة دى إعداد .. وبما انك كنت فى الفريق القديم ^^,, خلاص ياعم ضيفناك .. بس شوف اللى فاتك من الورشة

[amdman]

السلام عليكم
انت مستعجل ليه ؟؟؟.. الكلام اللى انت بتقوله ده هيتعمل فى الـ Design Document اللى لسه الفريق هيعملها لما يتكون ^^


يا سيدى أنا لا مستعجل و لا حاجة أنا بطــــــمن بـــــــس :D

[TheShadow]

مرحبا شباب انا اسف على عدم حضور الاجتماعات بسبب فرق الوقت الكبير ولاكني متابع جميع النشاطات والاجتماعات عند رفعها على النت اخواني لقد لاحظت من اجاباتكم في اخر اجتماع ان معظم الشباب لا يستطيعون تحديد المجال الذي يستطيع او يريد المشاركه به لذا فانا اقترح عليكم التالي
ان لانقوم في هذه الحظة بمناقشة مواضيع الفريق و اللعبة وماذا يجب ان تتضمن وكيف سيتم انجازها لان هذه المواضيع هي لافراد الفريق بعد التصفية وبدل ذلك نقوم بوضع متطلب كل اسبوع يقوم كل افاد الفريق بتنفيذه فمثلا كبداية يكون متطلب اول اسبوع تابة قصة للعبة قصيرة لاتتجاوزةالخمسة دقائق وهكذا نستطيع ان نحدد من فينا مناسب لكتابة القصة ومن ثم يكون متطلب الاسبوع الثاني القيام بتصميم الstory bord للعبة وبعدهاننتقل للاسبوع الثالث وهكذا حتى يتم انهاء لعبة بسيطة لاتتجاوز الخمسة دقائق مع كتساب خبرة بسيطة لبداية مشروعنا ويكون كل فرد منا استطاع تحديد قدراته وزيادة خبراته وطبعا سوف نتطرق لجميع المواضيع من تصميم و برمجة و سكربتنج.....
اعذروني اذا لم استطع ان اشرح الفكرة بشكل اوسع لاني استدمonline Arabic keyboard للكتابة وارجو ان اسمع ارائكم

[almohtaref]

والله أنا شايف كلام أخي thshadow منطقي جدا فالأعضاء عندهم مشكلة بإختيار التخصص
بس لو أعطينا كل واحد مجال إنه يشوف قدراته إنشاءالله ممكن نحدد العمل بالفريق هذ نقطة مهمة جدا جدا
و أنا أقترح تتم الورشة بدون تخصصات عشان يكون مجال لكل واحد يجرب نفسه و بعدها نعمل فكرة أخي theshadow
و بنفس الوقت كل واحد بعرف نفسه مفيد للفريق أو لا :]:]

[||saker||]

و الله كلامكم سليم ^^.. احنا المفروض كنا هنشتغل على مرحلة رياض فى الورشة لو انتوا كنتوا فاكرين كلامى ^^... لكن انا و أسامه ومصطفى وأحمد السيد بس .. هنوريكم طريقة الشغل .. وانتوا براحتكم تجربوا تطبقوا أى مجال منها ^^.. لكن اللى هتتسأل عنه المجال اللى انت اخترته من البداية وده اللى هيحدد إذا كنت هتدخل الفريق ولا لأ .. ومفيش مشاكل اللى حس انه هينفع فى مجال معين عن اللى اختاره انه يغير ^^... بس المشكلة ان فيه عدد محدد لأعضاء اللى احنا عاوزينهم فى كل مجال ^^... على العموم كل ده هيتحدد فى وقت التصفيه اللى هتكون فيها نشاطات مكثفة إن شاء الله و نيوزلتر يوميه زى ماقلتلكم ^^... لكن اللى احنا بنعمله دلوقتى مجرد إعداد لكم و محاوله لوضعكم على الطريق ... المشكلة ان أسامه متغيب لظروف خاصة وأحمد السيد النت عندى مش مساعده ... على العموم أنا هحاول أبدأ فى ورشة السكريبتينج النهارده وأمرى لله ^^... على العموم أنا ناوى أعمل نشاط ظريف كده أتمنى ان كل اللى مشتركين فى الورشة يشتركوا فيها ^^ ...

[||saker||]

تم تغير موعد الإجتماع من يوم الجمعة الفائت إلى يوم الأربعاء القادم الساعة 8:30 بتوقيت مصر والسعودية ...

[||saker||]

انا حطيت نشاطات الجيم ديزين ^^... يالله ورونا همتكم ^^

[||saker||]

تم تأجيل موعد الإجتماع من يوم الأربعاء إلى يوم الخميس القادم الساعة 8:30 ^^..."غريبة ..ثلات تأجيلات فى يوم واحد ^^"

[||saker||]

ملحوظة : أرجو حذف رد benmoussa من موضوع الورشة ><"مش عارف هو التحذير الأحمر الكبير بتاع عدم الرد مش واضح ولا إيه ؟؟؟"
http://maxforums.net/showpost.php?p=880499&postcount=9

[midooo_3d]

أنا عندى أقتراح تانى بخصوص تكوين الفريق هو:
1- كل عضو فى الورشة يرسل السيرة الذاتية بتاعتة مفرق معها أعنالة والاماكن أو المشاريع التى تم العمل بها .

2- يكون هناك معاد لمقابلة الأشخاص المختارين وعمل لهم تيست او أمتحان فى المجال المتخصص فية للتأكد من أمكانياتة.

3- أكيد سنجد هناك من هو محترف فى جزئية معينة أكثر من شخص أخر و الشخص الأخر محترف فى جزئية معينة على سبيل المثال شخص محترف فى المودلينح أكثر من الأنيميشن وشخص محترف فى الأنيميشن أكثر من المودلينج و شخص محترف فى التو دى أكثر من الثرى دى وهكذا.

4- بعد أنتقاء أفراد الفريق نقوم بتحديد مسؤليات كل فرد فيهم.

5- نقوم بإعطاء كل أعضاء الفريق التعليم الازم من كورسات وسيديهات تعليم و دروس عن صناعة الألعاب لوضعهم على بداية الطريق.

6- ثم تأتى مرحلة التصفية للأفراد الذين نجحو ا فى الأستفادة من مرحلة التعليم وبذلك يكون قد تكون الفريق النهائى.

7- تأتى مرحلة إجراءات تأسيس الشركة و العمل فى البداية سيكون من البيت.

وأعتقد ان هذة اسرع طريقة لتكوين الفريق.

ولكن هناك شئ من رأيى لضمان نجاح هذة الفكرة.
يجب أن يجتمع كل أعضاء الفريق على مبدأ واحد ويكونو مقتنعين بة تماماً وهو انة لا توجد اى مكاسب مادية فى البداية حتى يتم اخراج عمل أحترافى وإن طال الوقت فى بذل الجهد لإخراجة .

[||saker||]

1- كل عضو فى الورشة يرسل السيرة الذاتية بتاعتة مفرق معها أعنالة والاماكن أو المشاريع التى تم العمل بها .

2- يكون هناك معاد لمقابلة الأشخاص المختارين وعمل لهم تيست او أمتحان فى المجال المتخصص فية للتأكد من أمكانياتة.

3- أكيد سنجد هناك من هو محترف فى جزئية معينة أكثر من شخص أخر و الشخص الأخر محترف فى جزئية معينة على سبيل المثال شخص محترف فى المودلينح أكثر من الأنيميشن وشخص محترف فى الأنيميشن أكثر من المودلينج و شخص محترف فى التو دى أكثر من الثرى دى وهكذا.

4- بعد أنتقاء أفراد الفريق نقوم بتحديد مسؤليات كل فرد فيهم.

5- نقوم بإعطاء كل أعضاء الفريق التعليم الازم من كورسات وسيديهات تعليم و دروس عن صناعة الألعاب لوضعهم على بداية الطريق.

6- ثم تأتى مرحلة التصفية للأفراد الذين نجحو ا فى الأستفادة من مرحلة التعليم وبذلك يكون قد تكون الفريق النهائى.

7- تأتى مرحلة إجراءات تأسيس الشركة و العمل فى البداية سيكون من البيت.
اقتراحاتك جميلة ^^.. وأغلبها موضوع فى الحسبان و ينفذ ^^...

ولكن هناك شئ من رأيى لضمان نجاح هذة الفكرة.
يجب أن يجتمع كل أعضاء الفريق على مبدأ واحد ويكونو مقتنعين بة تماماً وهو انة لا توجد اى مكاسب مادية فى البداية حتى يتم اخراج عمل أحترافى وإن طال الوقت فى بذل الجهد لإخراجة .
ممم .. ده مش هدف ^^... الهدف اننا نكون فريق متخصص فى المجال ده ^^.. بغض النظر عن الجانب الربحى ^^"الله أعلم ممكن لو اللعبة طلعت بالمستوى التجارى ان شاء الله نفكر فى نشرها ^^"

تعديل : تم إضافة موضوع الـ Scripting للورشة ^^

[snake_x]

مم
طيب فين البرنامج السكربت ده
fpi
هل هو مرفق مع المحرك ولا لا

[||saker||]

مم
طيب فين البرنامج السكربت ده
fpi
هل هو مرفق مع المحرك ولا لا

لا .. انت ممكن تنزله من هنا :-"ملحوظة:لازم تنزل Microsoft .NET Framework 1.1 عشان تعرف تنزله "
البرنامج :-
http://www.xldevelopment.net/downloads/fpimakersetup.exe

Microsoft .NET Framework 1.1 :-
http://www.microsoft.com/downloads/details.aspx?FamilyID=262D25E3-F589-4842-8157-034D1E7CF3A3&displaylang=en (http://www.microsoft.com/downloads/details.aspx?FamilyID=262D25E3-F589-4842-8157-034D1E7CF3A3&displaylang=en)

[benmoussa]

دروس darkBasic
http://www.zshare.net/download/3471638b42d0d8/

[Amir Imam]

بسم الله
ما شاء الله عليكم ... ربنا يوفقكم ... انا كان نفسي اشارك معاكم وخاصة في مجال Scripting لكن طبعا انا في برمجة الالعاب بشكل عام لسه على قد حالي :( ... بس انا متابعكم وشايف انكم ان شاء الله هتنجحو وهتوصلو للعالمية ... وان شاء الله لما احترف هبقى اجي اشتغل عندكم في الشركة :D

[snake_x]

مشكوور يا أخ ساكر

[||saker||]

بسم الله
ما شاء الله عليكم ... ربنا يوفقكم ... انا كان نفسي اشارك معاكم وخاصة في مجال Scripting لكن طبعا انا في برمجة الالعاب بشكل عام لسه على قد حالي ... بس انا متابعكم وشايف انكم ان شاء الله هتنجحو وهتوصلو للعالمية ... وان شاء الله لما احترف هبقى اجي اشتغل عندكم في الشركة
شكرا على الرد والمتابعة ^^...

متنسوش .. الإجتماع بكرة "الخميس الساعة 8:30 بتوقيت مصر والسعودية"^^

[||saker||]

ألغى اجتماع يوم الخميس بسبب عدم إلتزام الأعضاء بالمواعيد وأرجوا من احمد السيد واسامه تحديد موقفهم بالنسبة لدروس الورشة

[amdman]

لا اله الا الله
ايه يا جماعة مبتحضروش الاجتماعات ليه ؟!!
احنا 19 واحد و فى الاجتماع يبقى موجود 5 أو 6 بالعافية :speechles

[EgyMan]

معلش يا جماعة مقدرتش احضر الاجتماع كان عندى شغل
على العموم انا عملت اول درس من زمان بس كان مساحته كبيرة 200 ميكا و كان صعب ارفعه
انا ضغطه و و خليت مساحته 18 ميجا

مودلنج M2HB
http://xs119.xs.to/xs119/07366/xxxm2hb.gif
المستوى مبتدئ
الوقت ساعة و ربع
real player
لينك مباشر
باسورد فك الضغط
www.cgarab.com
V
V
V
V
V
V
V
V
V
V
V
V
V
V
V
V
V
V
فى المرفقات :)

[||saker||]

معلش يا جماعة مقدرتش احضر الاجتماع كان عندى شغل
على العموم انا عملت اول درس من زمان بس كان مساحته كبيرة 200 ميكا و كان صعب ارفعه
انا ضغطه و و خليت مساحته 18 ميجا
تمام ^^... متشكر على الدرس .. وجارى التحميل ..

[EgyMan]

ها اللينكات سليمة ؟

[||saker||]

اه ... سليمه ... شغال تمام ... ميه ميه ^^,,, .. انا نزلت الفيديو كامل .. انا هحط الدرس ده فى الورشة و بإنتظار الحلقات القادمة

[EgyMan]

طيب متنساش تحط المقدمة قبل الدرس يا مان

[||saker||]

أرجو حذ رد الحميدى فى موضوع الورشة .,>< .. أنا مش فاهم .. هو التنبيه اللى انا كاتبه فى أول الموضوع مش واضح ولا إيه ؟؟؟؟

[hoka2]

ممكن اشارك فى هذه الورشة الجميله واكمل المشوار معاكم فى صناعة اجمل لعبة ان شاء الله

[||saker||]

ممكن اشارك فى هذه الورشة الجميله واكمل المشوار معاكم فى صناعة اجمل لعبة ان شاء الله
يااه .. انت لسه بتفتكر ^^... الورشة قربت تخلص
طيب .. تابع معانا و ربنا يسهل

[oms]

أنا في أشد حالات الإحراج منك يا صقر ..
ولكن بعلم الله أني لم أكن في حالة صحية جيدة ...
وأتوقع غيابي عن المسنجر أو حتى المنابر دليل على ذلك ..

أسأل الله أن يكون الموضوع خير .. وإنوا أتابع فيه .

[||saker||]

أنا في أشد حالات الإحراج منك يا صقر ..
ولكن بعلم الله أني لم أكن في حالة صحية جيدة ...
وأتوقع غيابي عن المسنجر أو حتى المنابر دليل على ذلك ..

أسأل الله أن يكون الموضوع خير .. وإنوا أتابع فيه .
خير ان شاء الله ^^.. المهم تقوم بالسلامه ^^... احنا قايمين بالوجب ^^..

[snake_x]

السلام عليكم
أنا هحط دلوقتي دروس تعليمية في المحرك fps creator
طبعا الدروس بالأنجليزي لكنها مفهومة لحد كبير
وممكن الأخوة يقوموا بترجمتها
المهم إني أردت اني أضعها لكم هنا عشان تستفيدوا منها
وأنا هرفع الدروس على قد ما أقدر



بسم الله

أول درس

http://www.mediafire.com/?8bthtkimmmd

كمان أنا حبيت أقولكم على هاجة
المحرك ده مرفق معاه كتاب دليل
هتلاقوه في ملفات المحرك في فولدر اسمه docs

والدروس الباقية في الطريق ان شلء الله بس أشوف رأي صقر الأول عشان ما أتعب بالرفع

[c1m]

السلام عليكم يا ابو صقر يا وحش ازى الحال ممكن اسأل سؤال انتا مشيت ليه قبل التصوير مع التلفزيزن؟

كوماندوز

[||saker||]

السلام عليكم يا ابو صقر يا وحش ازى الحال ممكن اسأل سؤال انتا مشيت ليه قبل التصوير مع التلفزيزن؟

كوماندوز

ازيك ياباشا ^^.. معلش والله غصب عننا .. الناس كانت عاوزه تروح .. كان أخر أتوبيس طالع الساعة 9:30 وميهونش عليك نتمرمط فى الإسماعيلية ^^...
على العموم .. ياريت تتابعنا .. انت اللى عليك دولقتى انك تجيب الكتاب وتابع مع وسام و عاوزك تكتب قصة اللعبة الكاملة ... قدامك مده لغاية أخر الشهر ده يعنى 20 يوم ... تحدد فيهم العمليات اللى هنشتغل عليها و تكتب القصص بتاعتها كامله و معلومات عنها بناءا على اللى ممكن يقولهولك وسام ^^... يلا .. ورينا عبقريتك يا بطل ^^&

[snake_x]

السلام عليكم ورحمة الله وبركاته

كيف الحال

أحب ابارك لكم على بدء الشغل

وكمان أحب ابارك لكم علي رمضان



في الحقيقة كنت أريد آخذ رأيكم في شي

هواني بدأت في تعريب المحرك fps creator

مع أني غير مقتنع بيه أبدا

لأننا بنعمل لعبة عليه ونضحك على نفسنا لو قلنا ان احنا عملنا لعبة

لأنه في الواقع اللعبة معمولة أصلا

المهم

أنا عاوز رأيكم

أكمل تعريب ولا لا

لو كان الجواب آه إبقى اتفقوا على المصطلحات المعربة

ومستني ردكم

[Amir Imam]

بسم الله
لا اعتقد يا اخ سنيك ان محرك FPS اللعبة بيه بتكون معمولة اصلا .. مرحلة تصميم اللعبة دي بتبقى اخر مرحلة بعد طبعا لما تصمم الجرافيك والافلام والقصة والسكربتات والشخصيات و .. و .. و .. وبعدين تبدأ تصمم بالحاجت اللي انت عملتها .. لكن انت لو عملت لعبة بالامكانيات اللي موجودة عندك بس يبقى انت كده ضخكت على نفسك .. والله اعلم

[c1m]

ازيك ياباشا ^^.. معلش والله غصب عننا .. الناس كانت عاوزه تروح .. كان أخر أتوبيس طالع الساعة 9:30 وميهونش عليك نتمرمط فى الإسماعيلية ^^...
على العموم .. ياريت تتابعنا .. انت اللى عليك دولقتى انك تجيب الكتاب وتابع مع وسام و عاوزك تكتب قصة اللعبة الكاملة ... قدامك مده لغاية أخر الشهر ده يعنى 20 يوم ... تحدد فيهم العمليات اللى هنشتغل عليها و تكتب القصص بتاعتها كامله و معلومات عنها بناءا على اللى ممكن يقولهولك وسام ^^... يلا .. ورينا عبقريتك يا بطل ^^&


ياعم ماشى بس ربنا يسهل وانا هخلصلك العمليه دى متخفش

بس ايه النظام وورينا عبقريتك ويابطل بتسخنى ياعنى ماشى هوريك هههههههههه

[||saker||]

السلام عليكم ورحمة الله وبركاته

كيف الحال

أحب ابارك لكم على بدء الشغل

وكمان أحب ابارك لكم علي رمضان



في الحقيقة كنت أريد آخذ رأيكم في شي

هواني بدأت في تعريب المحرك fps creator

مع أني غير مقتنع بيه أبدا

لأننا بنعمل لعبة عليه ونضحك على نفسنا لو قلنا ان احنا عملنا لعبة

لأنه في الواقع اللعبة معمولة أصلا

المهم

أنا عاوز رأيكم

أكمل تعريب ولا لا

لو كان الجواب آه إبقى اتفقوا على المصطلحات المعربة

ومستني ردكم

ممممم ... ممكن انت بتقول الكلام ده عشان انت لسه متعاملتش معاه بتعمق .. يعنى مجربتش تصدر موديلز ولاتشتتغل سكريبتينج ولا تشوف الشادرز ولا ولا ... الإف بى إس كريتور أكبر مما تتخيل ^^... بس انت بصله بالطريقة الصح &&



ياعم ماشى بس ربنا يسهل وانا هخلصلك العمليه دى متخفش

بس ايه النظام وورينا عبقريتك ويابطل بتسخنى ياعنى ماشى هوريك هههههههههه

يالاهوى على البوقين اللى بنسمعهم من أيام الهكسوس دول .. يبنى .. طب بزمتك انت بدأت فى كتابه القصه ؟؟ ولا حتى حددت العمليات اللى هنشتغل عليها واللى انت هتكتب عليها القصة ؟؟.. أنا عاوز القصه كامله كده عشان نعرف راسنا من رجلينا .. وانت معاك واحد من اللى كانوا فى المجموعه .. يعنى مش ناقصك أى حاجة ^^... يلا ورينا شغلك بجد بقى >>"والله ماهو تسخين .. بس نفسى أشوف نتيجه بجد &&"

[snake_x]

ممممم ... ممكن انت بتقول الكلام ده عشان انت لسه متعاملتش معاه بتعمق .. يعنى مجربتش تصدر موديلز ولاتشتتغل سكريبتينج ولا تشوف الشادرز ولا ولا ... الإف بى إس كريتور أكبر مما تتخيل ^^... بس انت بصله بالطريقة الصح &&

شكلك مفهمتش قصدي يا صقر
أنا مش قصدي أن المحرك فيه قصور ولا انه أي كلام
أنا عارف انه محرك ضخم وقوي
لكن ..
أنا قصدي أن الواحد لما يعمل لعبة عليه ميكنش عمل جديد ولو كان الموديلات والسكريبت هو عاملها
وكمان لسه مجاوبتش على سؤالي ^^
أكمل تعريب ولا لا؟؟

[c1m]

يالاهوى على البوقين اللى بنسمعهم من أيام الهكسوس دول .. يبنى .. طب بزمتك انت بدأت فى كتابه القصه ؟؟ ولا حتى حددت العمليات اللى هنشتغل عليها واللى انت هتكتب عليها القصة ؟؟.. أنا عاوز القصه كامله كده عشان نعرف راسنا من رجلينا .. وانت معاك واحد من اللى كانوا فى المجموعه .. يعنى مش ناقصك أى حاجة ^^... يلا ورينا شغلك بجد بقى >>"والله ماهو تسخين .. بس نفسى أشوف نتيجه بجد &&"

ههههههههه يا خبر ابيض على نظام الدشات الى انتا بتتكلم بيه دا يابنى قلتلك خلاص وبعديين انا فعلاً بدات فى اخيار العمليات بس لسه مكملتهمش 10 و هتشوف

[amdman]

السلام عليكم
ازيكم يا جماعة و عاملين ايه ؟
أنا آسف على انقطاعى الفترة اللى فاتت عشان عندى مشاكل فى الانترنت
بس ربنا يسهل و أرجع اتابع معاكم :)
ايه آخر أخبار اللعبة لحد دلوقتى ؟؟

[||saker||]

السلام عليكم
ازيكم يا جماعة و عاملين ايه ؟
أنا آسف على انقطاعى الفترة اللى فاتت عشان عندى مشاكل فى الانترنت
بس ربنا يسهل و أرجع اتابع معاكم
ايه آخر أخبار اللعبة لحد دلوقتى ؟؟
إزيك يا احمد ^^.. كويس انك لسه عايش ^^.. انا قلقت عليك ^,^ ... خش على ورشة اللعبة :-
http://www.gameflood.com/Workshop/Index.cfm/intProjectID/706
و سجل فى الموقع وبعدين سجل فى الورشه ^^... متنساش تحط السكيل بتاعتك General Modeler ^^

[snake_x]

أنا مش فاهم الشغل توقف ولا إيه
أنا سجلت في المنتدى ده ودخلت موضوع الورشة كن مفيش جديد
حد يفهمنييييييييييي

[||saker||]

احنا بدأنا شغل فى اللعبه ^^...
احنا حددنا أعضاء الفريق و بنسق معاهم دلوقتى وشغالين ^^....
اللى محالفوش الحظ فى الإنضمام للفريق يحاول يطور نفسه و يبعتلى نماذج من شغله ^^...وان شاء الله يبقى معانا

[oms]

احنا بدأنا شغل فى اللعبه ^^...
احنا حددنا أعضاء الفريق و بنسق معاهم دلوقتى وشغالين ^^....
اللى محالفوش الحظ فى الإنضمام للفريق يحاول يطور نفسه و يبعتلى نماذج من شغله ^^...وان شاء الله يبقى معانا

يس .. نحنا شغالين صح .. وفي مكان غير المنابر ...
ولكننا سنقوم بطرح آخر التطورات على مستوى اللعبة في وقتها بإذن الله .