هجمة شرسه علي الاخوان

[y@sser]

ملاحظ في الفتره الاخيره علي الاخوان المسلمين
بصراحه لا اعرف السبب ورغم اني لا انتمي الي اي حركات سياسيه ايضا اكره السياسه
لكن حتي ان كان لك عدو يجب ان تحارب بشرف
وواضح من الحوارات مدي الكذب والتضليل
اعتقد ان الحزب الوطني يجهز الاخوان للمرحله القادمة بمجموعه من الفضائح وتشويه السمعه بعد الانتصار الساحق في الانخابات الماضيه للاخوان
والذي حجمه بلطجة الشرطه بشكل غير مسبوق حتي في ايام ثوره الضباط الاشرار
من يدير الصحافة اليوم مجموعه من الشياطين :) لديهم قدره غريبه علي وضع حقائق جديده
لايشطرط ان تكون حدثت ولكن يجب ان تصدق فالحبكة الدراميه تصلح لاقوي افلام هوليود
تحيه للمهلبيه

[diaaking]

بس في رائي الاخوان هم السبب هم الي جبوه لنفسيهم ....

[y@sser]

بس في رائي الاخوان هم السبب هم الي جبوه لنفسيهم ....
بسبب؟......

[diaaking]

السبب
حركة استعراض المهارات الاخيره في الازهر ..وبعديه بعض الاحداث .....
وطبعا ميمنعش وجود استقصاد من الحكومه لي اي غلطه من الاخوان ...
واي غلطه ولو بسيطه هيعملو عليه مسلسلات عربيه وافلام هنديه كمان :) .....وطبعا هوليود مسكه العمليه من بره

[y@sser]

للاسف اخي ضياء لا استطيع المتابعه بشكل جيد لاسباب سياسيه :)
اكيد المتابعين للموقف هيكون عندهم رؤيه افضل مني
مالفت نظري هو رؤية الاعلاميين نفسهم لأراء الاخوان
علي سبيل المثال استبدال الجامعه العربيه بالمؤتمر الاسلامي يظهر لاي شخص كعباره مرعبه
وكأننا اصبحنا عبيد للفكر البيروقراطي
وهذه الصحفيه الشيطانه تمثل الامر وكأنها فكره مجنونه رغم ان النظر بعين العقل يؤيد الفكره
لان فعلا العرب يمثلو اقل من 25% من المسلمين
وطبيعي لاي اتجاه اسلامي ان يكون الامر بيد 100% من المسلمين
هذا مع وضع الاعتبار ان القوه العربيه هي الاضعف وسط العالم الاسلامي وعدم فعالية الجامعه واضحه للجميع
فقتول الشيطانه بكل عفويه كيف اناقش مشاكل مصر داخل تركيا
وتنسي اننا نناقش المشاكل داخل مجلس الامن الامريكي الاسرائيلي طبعا باقي دول العالم في مجلس الامن ضيوف غالبا نصيبهم الشاي والكيك
فكرة الطرح مجنووووونه جدااا ولكنها خادعه جدااا
لماذا لا تطرح كل الاوراق بأمانه
والادهي والامر اللعب علي ورقة الاقباط والاسلام لا اعرف منذ متي وكان الاسلام عدو للاقباط
اذا كان هكذا فنحن اعداء من الان وليس في حالة نجاح او خساره الاخوان
هيصه والله
ربنا يطلعنا منها علي خير
العمليه طولت وبوخت اوي

[A.T]

السبب
حركة استعراض المهارات الاخيره في الازهر ..وبعديه بعض الاحداث .....
وطبعا ميمنعش وجود استقصاد من الحكومه لي اي غلطه من الاخوان ...
واي غلطه ولو بسيطه هيعملو عليه مسلسلات عربيه وافلام هنديه كمان .....وطبعا هوليود مسكه العمليه من بره
الكلام ده سليم
الحكومة خايفة من الاخوان
حب الناس للاخوان زاد جدا فى الفترة الاخيرة
و دى حاجة بتهدد الحزب الوطنى بتاع عمو و بالتالى النفوذ بتاعتهم فى البلد هتبئة مع الاخوان
فلازم يتلككوا ويستنوا اى غلطة منهم
الحركة بتاعت الازهر دى خلت ناس كتير يعيدوا التفكير مرة اخرة فى الاخوان
وطبعا الحكومة مبتتوساش و شغل بئة التلفيزيون والجرايد و فى كل حتة تبدا تسمع عن الخوان البلطجية الى كسروا الازهر
وانا نفسى مش شايف ليها اى لازمة

[diaaking]

الموضوع كدا سخن وباين عليه هيتقفل بالشمع الاحمر قريب

[y@sser]

هههههههههه
انت فهمت غلط يا ضياء
انا لم اقل اي رأي انا فقط وضعت الاوراق المطروحه والتي يتم طرحها حتي بغباء من قبل الاعلام
فهي ستؤدي الي تدهور الوضع في كلا الحالتين سواء نجاح هؤلاء او هؤلاء اوحتي نجاح حزب ثالث

[diaaking]

انا فهمت غلط بس خلي المشرفين يفهموا صح .... عشان عارف الموضوع ادام دخل في الجد كدا هيتقفل بالشمع الاحمر ذي العاده ...
المهم الي هيفدنا في الموضوع ده ايهاب...وانا بحب اسمع رائيه جدا ...
لاني برضه ذيك يا ياسر مليش في السياسه .... :;p
قولت مره اتابع الامور السياسيه ...مسكت الجرنان اول يوم اتخنقت:-;( قولت مش مهم مسكته تاني يوم اتقتلت مش اتختنقت بس :mad ....

[althaer]

رغم اني لست من الاخوان

لكن انا متابع للاحداث

الاستعراض يا جماعه بيكون كل سنه

لكن الجديد هذا العام هو الترصد والتصوير والتشهير

الشئ الثاني الاخوان انتخبهم ما لا يقل عن 3 مليون مصري :)

واصلا اغلبية المصريين لم يذهبوا للانتخابات

يعني 3 مليون من جملة المصوتين نسبة كبيرة ومرعبه

الحكومه حددت عدوها وهو الاخوان

وعليها ان تستقوي عليهم

وهذا يدل ايضا علي قوتهم

لكن مازال في جعبة الاخوان الكثير

يكفي الحكومه الفساد والنهب والغلاء ...

ويكفي الاخوان نزاهتهم

لكن علي الاخوان ان يحذروا مثل تلك الافعال وان كانت عادية بالنسبه لنا ولهم

لكن لمن يترصد ليست عادية

عندنا روزاليوسف والعلمانين والحكومه وكله بيترصد

مع العلم ان للاخوان اخطاء , لانه لا شئ كامل

تحياتي

[y@sser]

عندنا روزاليوسف والعلمانين والحكومه وكله بيترصد
هذا فعلا اوضح التيارات الذي يضرب في الاخوان في وسائل الاعلام وبشكل واضح
واخرهم اليوم دوكتور عبد الفتاح عساكر
واثار قضية الرجم للزاني والجهاد ورواية الحديث اليوم علي التلفزيون
عليهم من الله ما يستحقو هيدونا في داهيه :)

[ehabrashad]

أولاً رغم اني اعترض على موضوع الأزهر إلا انه شيء بسيط فردي لا يمكن ان يقارن بأصغر فعل من أفعال الحكومة الإجرامية التي تجريها كل يوم
فما فعله رئيس جامعة الأزهر من إدخال الأمن لضرب الطلبة في إنتخابات إتحاد الطلبة حتى ان بعضاً منهم نقل إلا المستشفى في حالات خطره بل وأنهم ادخلوهم على الفتيات في جامعة البنات وضربت طالبات بأيدي قوات الأمن كل هذا ويقولون أنهم أرهابيون وينظمون ملشيات رغم تبرأ الإخوان من هذا الفعل ورغم إعتراف الطلية أن هذا تصرف فردي
ورغم ان الموضوع لم يكن أبداً بالشكل الذي أبرزته وسائل الإعلام إلا انه خطأ وكان من الأفضل أن لا يحدث رغم حدوثه قبل هذا في مسيرات تأيد المقاومة في فلسطين والعراق التي حدثت في جامعة الأزهر وعين شمس
أما عن كون الهجمة اصبحت شرسه فهذا لسببين
الأول: هو الضغط الخارجي الواقع على الحكومة المصرية بسبب الدعم المادي الذي تتلقاه حماس رغم الحصار الواقع عليها وهذا الدخل لا يدخل إلا من مصر وبواسطة الأخوان في مصر ولذالك نظموا الضربة الإقتصادية الأخيرة التي اتهموا فيها كبار رجال أعمال ينتمون إلى الإخوان بغسيل الأموال واغلقوا شركاتهم ومن العجيب انهم لم يستطيعوا ولن يسطيعوا أن يثبتوا عليهم هذه التهمة ابداً -كما فعل مع الأستاذ يوسف ندى من قبل في بنك التقوى- فبدؤا الأن في إعداد ملف تهم جديدة لكي يقضوا على الإخوان إقتصادياً للقضاء على تمويل حماس في فلسطين وهو الهم الصهيويني وكذالك تجفيف المنابع الإقتصادية للإخوان وهو هم الحزب الوطني
ثانياً: التعديلات الدستورية ومهاجمة الإخوان لها وعدم إستسلامهم لبعض ضغوط الحكومة عليهم لإخراسهم وخوف الحكومة من نزول الإخوان إلى الشارع بهذا الملف وتعريف الناس بالفضائح التي أوردتها التعديلات الدستورية كل هذا جعل الحكومة تقوم بشن حملة كبيرة على الإخوان تجعلهم لا يفيقون إلا للوقوف موقف المدافع عن نفسه وليس المهاجم أو المبادر بالتحريك وتحريك الشارع معها

فاللهم استعملنا ولا تستبدلنا وأمكر لنا ولا تمكر علينا ورد كيد كل منافق وكافر إلى نحره وأجعل تدبيرهم تدميرهم

[youssef_23]

مغلق
--------

[tftof]

بسم الله
مفتوح لأستمرار المداوله


موافقون
موافقون

[A.T]

بسم الله
مفتوح لأستمرار المداوله


موافقون
موافقون
:o :o :o :o :o

[mansy1985]

بص يا سيدي

رئيس الجمهوريه قالها وش في مجلس الشعب ان جماعه الاخوان المسلمين حتجيب البلد ورا عشان مرجعتها دينيه

يعني الدوله نظامها علماني ما يكلشي معاها اسلام و خلافه و بتاع

ثانيا النظام ضعيييييييييييييييف اوي و خاصه ان احنا في فتره حساسه فتره انتهاء طبخه التوريث و احنا مش عاوزين منافسين و لا حد يجنن في عقله و يرشح نفسه للرئاسه مثلا

ثالثا
النظام مش لاقي حد يرشحه من الشعب + كره شديد و اتضح في الاعتصامات الاخيره و اخرها اعتصام شركه المحله الي شارك فيه 27000 مواطن فالحكومه بتحاول تعملها دعم خاصه من المسيحيين في مصر انها حامياهم من الوحش الشرير جماعه الاخوان المسلمين

رابعا
برضه نفس الفكر للتصدير للخارج لامريكا و اسرائيل ان الاخوان لو وصلو للحكم حيبقي فيها جهاد و يلا نحرر فلسطين و نحارب امريكا و كلام كبير و الدليل علي كده ان لما الاخوان اكتسحو الانتخبات في المرحله الاولي شارون اتصل ببوش بيستنجد بيه احسن يوصلو للحكم و لا حاجه فبوش ادي الضوء الاخضر للنظام انه يقوم بعمليات البلطجه الي حصلت بعد كده

خامسا
انا حفترض معاك ان الاخوان وحشين السؤال هنا

عمرك سمعت عن اخواني حرق 32 واحد في مسرح و لا غرق 1000 مصري في عباره و لا حرق 3000 مصري في قطر و لا هرب المليارات بره و لا ولا و لا.................

شوف مين الي بيعمل كده ببجاحه و انت تعرف مين الحلو و مين الوحش

مغللللللللللللللللللللللللللللللللللللللللللللللللللق ان شاء الله

[tftof]

بسم الله
أنا لست من جماعة الأخوان

لكن عندما سوف أقوم بالأنتخاب

من سوف أنتخب ؟

من هو أقرب للتعبير عن أصول دينى

من ده بقى ...

قول أنت بقى ...

[ehabrashad]

يا اخ منسي إنت قلتلي إسمك الحقيقي أيه؟ ورقم تليفونك وعنوانك لو سمحت علشان ميتعبوش في البحث
ما اعجب له أن كل الناس ترفض وتستنكر
من إذاً الذي يؤيد ومن يعطيهم القوة على أن يصنعو هذا الزيف الإعلامي
انهوا ما كانوا أقوياء إلا بضعفنا وما كان صوتهم مرتفع إلا حين خفض صوتنا
كلنا ينتظر غيره أن يتحرك ونكتفي بمصمصة الشفاة ولعن الظلم الذي نحن سبب في صنعه بصمتنا عليه

[elgazzar]

و طبعا كعادة الحكومة المصرية بتستخدم السلاح القذر بتاع كل مرة و هو سلاح الصحفيين المرتشيين
او المتنصبين (اللي و اخدين مناصب ) زي اسامة سرايا و صبيه احمد موسى بتوع الاهرام
لدرجة ان انا مرة في اثناء موضوع الازهر في الصفحة الاولى في الاهرام و مانشيت مش مقال عادي
كاتبين فيه(حالة ذعر تنتاب المواطنين نتيجة عرض الميليشيات) , يعني لو حد مش ساكن في مصر يفتكر بتوع الاخوان ماشيين في الشارع بالمسدسات و السيوف و عمالين يموتوا في الناس :eek2:

و الحكومة هي اللي مخلياهم يكتبو كده و الدليل على كده انه لما حصل السعار الجنسي في
عيد الفطر اللي فات, الحكومة منعت النشر في الموضوع ده منعا( لاثارة البلبة وسط الناس)
في حين ان حصل حالات اغتصاب و انتهاكات جنسية في وسط البلد و في الشارع فعلا بغياب دور
الامن بل و بمشاركة بعض افراده في الحادثة من المخبرين و امناء الشرطة اللي لابسين ملابس مدنية

انما هانعمل ايه الناس بتصدق!

[elgazzar]

بس برده نرجع نقول و علشان نكون منصفيين ان الغلط اساسا على الشعب اللي مش عايز يقرا و
يتعلم و يفهم حقيقة الدنيا اللي حواليه و عايش و مستمتع بالجهل و اللامبالاة. فليها حق الحكومة
تستغل الجهل .
وسبحان الله كانت الاية في القران بتقول على فرعون مصر (استخف قومه فأطاعوه)

وكأن احنى مكتوب علينا الفراعنة! :-;(

[A.T]

و الحكومة هي اللي مخلياهم يكتبو كده و الدليل على كده انه لما حصل السعار الجنسي في
عيد الفطر اللي فات, الحكومة منعت النشر في الموضوع ده منعا( لاثارة البلبة وسط الناس)
في حين ان حصل حالات اغتصاب و انتهاكات جنسية في وسط البلد و في الشارع فعلا بغياب دور
الامن بل و بمشاركة بعض افراده في الحادثة من المخبرين و امناء الشرطة اللي لابسين ملابس مدنية
انا من ساعت الموضوع ده و انا فعلا اصبحت اكره البلد جدا

بسم الله
أنا لست من جماعة الأخوان

لكن عندما سوف أقوم بالأنتخاب

من سوف أنتخب ؟

من هو أقرب للتعبير عن أصول دينى

من ده بقى ...

قول أنت بقى ...

بس برده نرجع نقول و علشان نكون منصفيين ان الغلط اساسا على الشعب اللي مش عايز يقرا و
يتعلم و يفهم حقيقة الدنيا اللي حواليه و عايش و مستمتع بالجهل و اللامبالاة. فليها حق الحكومة
تستغل الجهل .

مغللللللللللللللللللللللللللللللللللللللللللللللللللق ان شاء الله

الكلام ده كلوا سليم