كمين كمين

[رجل السماء]

السلام عليكم

كيف حالكم يا شباب ان شاء الله تكونوا دائما بخير :d


معلش بقى عايز احكى لكم موقف حدث البارحة خنقنى جدا

كنت فى المهندسين مع جماعة اصدقائى وكانت على الساعة 11 كدا واحنا راجعين قابلت كمين
كمين ده عبارة عن سيارة شرطة وامين شرطة وضابط

المهم قالى اقف على جنب فروحت واقف على جنب قالى رخص العربية
اديته رخصة العربية ورخصتى المهم بعدها اقلى لازم نفتش العربية
اعمله أيه طيب قلتله فتش المهم فتش وبعد كدا مشينا
المهم قعدوا يفتشوا قى العربية نصف ساعة وطبعا انا دمى محروق
احنا اصلا كنا اربعة انا وصديق لى وزميلتين وطبعا البنات تأخروا جدا فقلت خلاص اوصلهم وبعد كدا نروح
طلعت على المعادى عشان اوصلهم كانت الساعة بقت حوالى 12 تقريبا
لاقيت كمين تانى

والله يلعن كدا اجد الضابط بيقلى اقف على جنب
والله ما قدرت امسك نفسى من الضحك انا والناس الي معايا اصل تخيل موقف زى ده يحصل مرتين فى ساعة واحدة
فلقيت اخينا امين الشرطة جاى وبيقلى الرخصة والشغلانة بتاعتهم اديتله الرخصة وقالى لازم نفتش العربية
اتنرفزت جدا بصراحة بس هأعمل أيه بردوا
المهم قعد يفتش فى العربية وبدء يسالوا اسئلة بصراحة مش المفروض تتسال بقوا يسألوا انتوا بتعملوا أيه لحد دلوقتى والوقت مـتأخر
المهم انا قلت اكلمة بالراحة عشان يسهل العملية شوية وما يطولش
قلتله فى كمين وقفنا وفعدوا يفتشوا العربية لنصف ساعة واحنا تأخرنا كثير

المهم طبعا شوية صيع ولاد كلب هما كلهم على بعضهم وقال أيه عايزين يفتشوا البنات ويفتشونا ولما جيت اقله طيب الزميلات تمشى عشان الوقت أتأخر يقلى ماقدرش اسيبكم تمشوا :(

اقله طيب انت مش فتشت العربية يقلى لسة يقلى ارفع الكنبة المهم روحت لضباط الي كان واقف وقلتله البنات بس تمشى عشان الوقت متأخر وماينفعش يبقوا واقفين كدا
المهم الضابط سهل العملية شوية ووافق ومشيو

رفعت بعد كدا معاه الكنبة وقلت انا شكلى هاقضى الليلة معاهم
المهم هل فى عربية يا شباب مافيهاش قطر او مفك او اى اداوت ميكانيكية
المهم فى العربية عندى انا دايما باشيل قطر لاى احتياجات وده امر طبيعى جدا

المهم امين الشرطة راح للضابط ومعاه القطر وقاله قطر يا باشا احرزه

انا استغربت قلتله تحرز أيه فلقيت الضابط ابن الكلب بيقلى احنا ممكن دلوقتى نحرز السلاح ده :(
قلتله هو فى عربية مافيهاش قطر ده شىء طبيعى عادى جدا

المهم قالى قولوا لى معاكم أيه وهنأخذها منكم ونسيبكم تمشوا

قتله معانا أيه يعنى ايه قالى انتوا شباب يعنى معاكم حشيش فطلعوا احسن وانا هاسيبكم تمشوا
طبعا انا مصدوم كليا وقلت الليلة سودا من أولها قتله بص طلع الي تقدر عليه
لانى بصراحة ما كنت قادر خلاص وحسيت بقى ان احنا الصيدة الليلة دى

انا فى العربية عندى فى خوذة صفراء ورا فلاقيت امين الشرطة ابن الكلب جاى
وبيقلى الكيس ده بتاعك قتلته كيس أيه قالى الكيس الي فى الباب ده انا باضع كل اوراقى واغلب الحاجات فى كيس بيبقى موجود فى الباب فقلتله ايوا بتاعى
قالى طب امسكه ولو فى اى فلوس او اى حاجة تانية فى العربية طلعها خرجت اغلب الحاجات الي فى العربيا
المهم الضابط قالى ورينى الكيس ده فيه ايه فقلتله ده اواراقى
قالى طب وريه لى
فتله اتفضل
فتح الكيس فراح مطلع لى كيس صغير فيه حشيش وقالى ايه ده فطبعا انا اتصدمت وقلت خلاص انا ضاع مستقبلى

قلتله والله ده مش مبتاعى قالى مش الامين سالك قالك ده بتعاك قثلتله ايوا
قلتله ايوا بس الكيس الابيض ده مش بتاعى
المهم قالى كدا انتوا هتقضوا الليلة فى القسم
طبعا انا مصدوم جدا وما بقيت عارف ارد بقين مزهول مش اكثر
اقالى انتوا كدا فى قضيتين سلاح ومخدرات
بجد انا ما كنت عارف ارد أقول أيه لان مافيش رد يتقال
المهم لاقيت رائد المفروض انه هو الي بيعمل وبيحدد اماكن الكمين وكدا
فبيسال صديقى بيقأله انت من اين فقاله انا من مصر الجديدة فاقله انا كنت مساك فى مصر الجديدة اقبل كدا قاله والدك بشتغل أيه قاله تاجر المهم طلع يعرف والده
وراح رايح للضابط وقاله خلاص مشيهم وخليها عندى قاله ازاى بس ده سلاح ومخدرات
المهم فين وفين لحد ما الضابط قالى بس عشان خاطر الراجل ده مش اكثر هامشيكم قلتله كثر خيرك

المهم روحت لامم الاوراق وراكب العربية فراح قالى ضابط ياريت توصل بس الرائد لبيته
قلتله خلاص ماشى انا كل الي يهمنى انا اعدة من ولاد الكلب دول عشان اخلص
االمهم اخذت الرائد المهم قعد يكلم صاحبى وكدا
فصاحبى بيقله انا حاسس ان فلسطينى ووواقف مع يهود ومش عايزين يعدونا
فقاله بص انا لسة ماسك دلوقتى كيلو نصف حشيش وهما دمه محروق جدا عشان ما مسكوا اى حاجة
فعايزين يمسكوا اى حاجة وخلاص
فالمهم فصاحبى بيساله بيقله طيب هما لو كانوا لاقوا حشيش او احنا كنا قلنلهم كدا كانوا هيعملوا ايه قالى كانوا هيأخذوه منكم ويودودكم الاسم
قتله طيب والحشيش الي لاقوه فى الكيس ده قالى ده هما الي حاطينه عشان لو معاكم حاجة يخليكم تفقدوا اعصابكم وتطلعوا الحاجة

فصابحى بيقله هما بيشربوا حشيش وكدا فقاله هو مين فى وزارة الداخلية ما بيشرب حشيش
قاله انا ماسك كيلو ونصف كشيش اخذت نصف كيلو وحرزت كيلو بس

وصلت الراجل ورجعنا واحنا فى قمة النكد والتعاسة والحزن على انفسنا وعلى هذه البلد
لدرجة اننا وقفنا فى نصف الطريق ومش قادر خلاص اسوق من كثر الصدمة لانى كنت أول مرة اقع فى موقف مثل هذا

طبعا تجربة اتمنى ان لا احد فيكم تحدث له
بلد ضايعة

[maya-max]

ده غضب ربنا على المصريين لان احنا معندناش كرامه
دانا كنت بلطم على وشى والناس بترشح حسنى يقولولى دا أحسن واحد الله يهديهم مجموعة من (الجهلة...
حتى والدى رشح حسنى
فعشان كده انا مش حابب انك تشتكى او اى حد يشتكى لان احنا إلى عملنا كده فى نفسنا
وهقول دى ابسط مشكلة الى واجهتها
اية رأيك فى البنات ضاعوا كلهم فى الأغانى والافلام حتى سيادتك بتقول كان معاكوا بنات فى اى
دين ان بنات يكونوا فى خلوة مع شباب
والله انا زززززززززززززززززززززززززززززززززززززززززززززززززززززززززززززززززززززززززززززززززززززززززززززززززززز زززززززززززززززززززززززززززززززززززززززززززززززززززززززززززززززززززززززززززززززززززززززززززززززززززز ززززززززززززززززززززززززززززززززززززززززززززززززززززززززززززززززززهقت
يالله عالية العوض ومنه العوض

[esamdrsh]

ههههههههههههههههه
موقف جميل بجد يا مصطفى
يلا تعيش وتاكل غيرها......قصدي ......
خلا ص يلا سلام

[رجل السماء]

دى صورة كنت التقطها وحان فى اسكندرية
أتصور انها تعبر بشكل كويس

http://www.redwingnet.com/redwingqa/UploadedImages/01.jpg

[Romantic-X]

HHHHHHHHHHHHHHhhh
la hawla wala qowata ila bilah...ma3lich ya mostapha 3adiha da hal kolidowal il3arabia moch intou lwahdokom... fih nass wlad kalb we nass tayibine zayak wi zayi we zay ktir men nass...hia fi3lan haga mohzina we ana zayak kidah za3lan awi 3ala halna.......

[downs_mass]

سهران مع بنات يا مصطفي :(

:(

الناس هيوصلهم ان الشباب كله عندنا بيسهر للصبح مع بنات

وهذا غير حقيقي ابدا

لان 90 % من شباب مصر منهوك اما في التعليم او لقمة العيش

__________________________________________

اما عن الشرطه

فهذا شئ تعودنا عليه

لكن انا ملاحظ انك كنت مركز ان الليله تعدي

وهذه خطأنا

انا مره رايت شاب الظابط بيتنطط عليه

اتخانق معاهوضربه

هادوه القسم

بس الشاب عجبني جدا انه اتصرف بقوة

______________

[رجل السماء]

انا بس مش عايز الناس تفهم حاجة غلط زى حسام ماقال اولا انا ماكنت سهران انا كنت فى شغل مش اكثر
والفتيات مجرد زمايل بردوا مش اكثر

انا بصراحة كنت أول مرة اتعرض لموقف زى ده وبصراحة شىء مهين جدا وسخيف للغاية

ياعم حسام اضرب مين بس انا اصلا كنت مرعوب احسن اقضى الليلة فى القسم وانا عمرى ما دخلته
ولا عايز ادخله اصلا

وكمان يا ابنى دول كثير اوى ماكنوش واحد ولا اصنين ولا ثلاثة ده فى امين وضابط ورائد وفى حوالى اربعة ثانين بيفتشوا

[A.T]

عارف يا حج مصطفى انا لو كنت مكانك كنت مسكت فى زمارة رقبت ومش مهم اتحبس بئة ولا يعملو فية الى يعملوا دول ولاد .............................................
ربنا يهديهم
و الصورة معبرة جدا

[y@sser]

اللهم اخرجنا من هذه القريه الظالم اهلها
صدقني يا مصطفي ابحث عن فرصه جديه للهجره ومستعد للعمل مقابل النوم والاكل فقط :)

[downs_mass]

سأترك ماؤكم من غير ورد ... ذلـــك لــكـثرة الــــوارد فيه
إذا سقط الذباب على طعام .... رفعت يدي ونفسي تشتهيه
وتجتنب الأسود ورد ماء .... إذا كــــانت الكلاب ولغن فيه

[y@sser]

سأترك ماؤكم من غير ورد ... ذلـــك لــكـثرة الــــوارد فيه
إذا سقط الذباب على طعام .... رفعت يدي ونفسي تشتهيه
وتجتنب الأسود ورد ماء .... إذا كــــانت الكلاب ولغن فيه

:eek2:
وتينة غضة الافنان باسقة .....قالت لاترابها والصيف يحتضرُ
:rolleyes:

[jessing]

مشاكل يا مصطفى

[ehabrashad]

مصطفى
انا مش مندهش من اللي هما عملوه لأن ده شيئ طبيعي

طبعاً احنا علشان منكنش من الخوارج نقولهم (جزاكم الله خيراً وسدد خطاكم وهداكم...

حسبي الله ونعم الوكيل

اللهم عليك بالظالمين واعوانهم

مصطفى انا مندهش من حاجه تنيه
بس هبعتلك رسالة على الخاص

[abukatada]

يبقى انت اكيد.......................أكيد فى مصر
يا اخى انا سمعت مثل هذه المواضيع الكثير والكثير
واحد عندنا فى المنطفة كان فى يوم مطلوب انه يروح شغله بدرى فنزل قبل الفجر وهو ماشى قابله واحد من اياهم وقاله بطاقتك والحكايات اللى انت بتقول عليها ديه بس هو عمل اللى اخينا A.t وقاله انت مين علشان تقولى بطاقتك وانت شايفنى حرامى وفجاه مسكه الظابط من هدومه وسمعه كلمتين حلوين فنزلوا العساكر من البوكس وقفشوا فى الواد وقالهم تعالوا بيه على القسم...........................بس
نروح لأهله المهندس ينزل من بيته وميرجعش وميتصلش يكلموه فى الشغل .........ده مجاش!!!!!!!!
يومين......ثلاثة.......ولاخبر ولولا فضل الله أن لهم قريب لواء فى الجيش الثالث فضل يدور عليه لغاية ماعرف هو فين وراحولوا أهله وسألوا على المأمور ولما عرف السكيرتير بتاع المامور انه لواء دخله ينتظر فى حجرة المأمور وبيقولوا لاقوا باب تانى فى الحجرة وسمعوا من وراءه صراخ شديد .........ولاحول ولاقوة إلا بالله...........وعندما حضر المأمور صرخ فى العسكرى اللى دخلهم وبهدله ولما عرف ان سيادة اللواء ليه قريب محتجز امر بالإفراج عنه .......وياهول مارؤا!!!!!!!!!! شاب مقطعة هدومه والكدمات فى كل جسمه .......صرخ الأهل وصاح الواء انى سأذهب به إلى الداخليه وسأذهب إلى صحف المعارضة وستندمون وستدفعون الثمن وما أن سمع المأمور بهذا الكلام أمر العساكر بالقبض على الولد مرة اخرى وقال إفتح محضر تعدى على ظابط وقطع زر البدله الميرى وسب وقذف و.........كمية إتهامات .......وقال للواء انا كنت هاخرجهولك لكن هاتعملى زعيم خليه قاعد شويه لغاية مايخف وبعد كده هنوديه النيابة ونشوف هانعمل فيه إيه.............................حسبنا الله ونعم الوكيل
حمدا لله على سلامتك اخى العزيز مصطفى
لاحول ولاقوة إلا بالله العلى العظيم
اللهم أصلح شأننا
اللهم أرنا يوما يعز فيه أهل دينك وطاعتك ويذل فيه اهل معصيتك

[diaaking]

طب لو مكنش اللواء ده يعرف والد صحبك ......كان يودوك القسم في تهمة الحشيش ولا ايه ...
عجبني اوي اللواء صاحب المزاج ده ...يعني لازم يحرز كيلو ...طب ماياخد الكيلو ونص ليه ..
يارب ولع في حسحس .......... وليعه مفيش حد يعرف يطفيه ......وينزل الشارع الناس كله تفضل ترمي عليه جاز ....

[ehsan]

حمدا لله على سلامتك اخي مصطفى ............... حصل خير احمد ربك انك ما رحتش القسم

دخلته مش كويسة

والحمد لله انها اجت على هيك

[mohheader]

برده ...

في امل :)

تحياتي

[dahhan_pif]

فعشان كده انا مش حابب انك تشتكى او اى حد يشتكى لان احنا إلى عملنا كده فى نفسنا
وهقول دى ابسط مشكلة الى واجهتها
اية رأيك فى البنات ضاعوا كلهم فى الأغانى والافلام حتى سيادتك بتقول كان معاكوا بنات فى اى
دين ان بنات يكونوا فى خلوة مع شباب

[esso70]

بسم الله الرحمن الرحيم
مصطفى تلاقييه كان بيحقد علييك علشان انت عندك عربية وهو عندو موتوسيكل
أكيد أكيد والبوكس شكله مش روش
بصراحه المشكله اننا مش شعب صالح
تأكد تماما من كدا

والله المستعان

[maya-max]

يا جماعه انتوا لسه مش فاهمين
الظابط شاف اتنين من الشباب وبنتين وفى ساعه متأخرة
دى شبها كبيرة جدا وانا لو مكانه هعمل كده
منا بامشى الساعة 4 الفجر والبوكس بيقبلنى ومابيكلمنيش
مع الاتفاق اننا فى حاله طوارىء
وبرده انا ضد حسنى

[esso70]

يا أخ مايا ماكس أنا عن نفسي فاهم
ولما كنت بقول المشكله اننا مش شعب صالح
مكنتش بهزر
والله المستعان

[y@sser]

يا جماعه هل لو البنات مش في الموضوع كانت هتفرق ؟؟؟
لاء طبعا
وحدث معي شخصيا مواقف مشابه ومنتهي قلة الادب
وعدم مراعاة للظروف ...مع العلم ان عدد مرات وجودي في الشارع ممكن عدها علي الاصابع ولاتكون غالبا الا للضروره القصوي
امناء الشرطه واللجان من اسفل البشر واقول بشر بشكل مجازي
انتم لم تشاهدو حلقه البرنامج التي تكلمت عن امين الشرطه الي قتل المواطن الي سئاله عن اي شيء هويته
لا علاقه لهذا بصالح ولا طالح

[ehabrashad]

اخواني بيتهيألي اننا فهمين كويس

واللي عايز ينصح اخوه في حاجه اسمها الخاص

بلاش نعمل نفسنا حدقين

النصيحة على الملاء فضيحة

[S.Badr]

انته عارف يا مصطفى .. الموقف ده كان حصل لي زيه من حوالي سنه ونص كده .. بس بشكل تاني ..

انا كنت في الشغل .. زي ما انته عارف انا مهندس ديكور .. وكنت ماسك فيلا لواحد اسمه حسام الشاعر .. المهم مروح مرة بالليل حوالي الساعة 4 قبل الفجر بعد يوم تعامل مع رخام وتقطيع وعفرة وتركيب .. المهم كنت متبهدل .. والعربيه مش معايا .. وكنت في الهرم .. المهم عرفت أوصل لحد نادي السكه كده .. وواقف مستني أي تاكسي أركبه عشان أروح .. ميكروباص معدي فأنا شاورت له .. يمكن يكون رايح نحيتي وأروح للبيت .. المهم الميكروباص وقف ولقيت التباع نزل منه بيقول لي البطاقة لو سمحت .. أتاريه مكانش تباع .. لا ده كان أمين مباحث .. فبسأله ليه ؟ .. قال الباشا عاوز يشوفها .. فأنا بهدوء اديتهاله .. أخدها الباشا .. وبيسألني .. انته ايه الي مخليك في الشارع لحد دلوقتي ؟ .. فبمنطقيه قولت له كنت في الشغل .. قالي انته شغال ايه ؟ .. قولت مهندس ديكور .. مهو انا هكدي ليه يعني !!! المهم قال لي اركب .

ركبت معاه ووصلنا لقسم مدينة نصر بتاع السادس .. وأحاول أفهم في ايه ؟؟؟؟؟؟؟ ومحدش معبرني بمليم .. المهم وصلنا بالسلامة للزفت القسم .. المهم انا زي ما قولت لك اني كنت ماسك فيلا حسام الشاعر .. أخو اسماعيل الشاعر .. بس انا مبحبش الكوسه .. فمجبتش سيرته خالص .. لقيت السيد المحترم الظابط بيقولي هنكشف على بطاقتك ونمشيك بسرعة .. قولت خلاص الموضوع كله 10 دقائق .. بعديها الأمين جه بورقة فيها تقرير عن حالتي الجنائية وأنا عليا حكم في قضية آداب ودعارة .. تخيل .. فقاله الظابط لا .. متنفعش .. احنا ممكن نديله سيجارة بانجو ونخليها تعاطي .. الكلام ده كله قدامي وأنا مذهول .. المهم الأمين نزل بورقة الدعارة وطلع بورقة تانية فيها حكم شهر سنه سجن واجب النفاذ بتهمة التسول .. أقول له ياباشا دا انا مهندس ديكور .. وساكن في مدينة نصر .. مفيش .. فلما لقينه مش معبر أهلي بحاجة .. قولت له تعرف اسماعيل الشاعر .. لقيته اتعدل وركز معايا وقال لي طبعا اعرف اسماعيل باشا .. قولت له انا ماسك فيلة أخوه .. تحب أكليمهولك ونخلص من الحوار ده ولا نخلصه ودي كده بيننا ؟ .. وفي ثانيه .. قالي لا خلاص على ايه ؟؟ .. واتغير 180 درجة ..
فالبلد دي الي ليه ضهر .. مايتضربش على بطنه .. والي مالوش ضهر ........ كمل انته بقى :)

[maya-max]

شكرا يا عم ايهاب
انا حقود لية بس والله انا بحب مصطفى من غير ماشوفة وبستشهد بيه اكتر من مرة وبجتهادة
لاكن انا لو شفت أى خلل بقوله مهما كان الشخص الى ادامى وسلطانة وممكن يعمل فية اية
اما موضوع الخاص فعلا عندك حق وانا لا اجادل فى الحق
وياريت محدش يزعل دى مجرد رساله يمكن كانت قوية بس دافعها مش فى شخص مصطفى
لاكن بدافع عام وكلنا عارفين احنا وصلنا لفين
وشكرا

[فدائي]

هههههههههههههههههههههههههه
اظنك يا مصطفى اول مره تواجه موقف زى ده
ههههههههههههههههههههههههههههه
يلا ربنا يعينك المفروض تسجد سجده شكر لله لانه فعلا كان ممكن تضيع لولا ان الله قدر لك الخير
تخيل بقه لما تروح الشغل ويعرفوا انك تاجر حشيش ههههههههههههههه
بهزر معاك اوعى تزعل
الحمد لله على سلامتك
بس صحيح بلاش الشتيمه اللى تحت لان مش كل الشرطه بلطجيه90% بس والباقى فعلا ربنا يكرمهم

[Bright]

لووول

تذكرت موقف حصل لابن عمي عندنا في السعودية

طبعا نظام المرور عندنا ضعيف جدا فتخيل ان الشوراع الرئيسية تتحول الى ساحات سباق..

من غير سابق انذار قررت الحكومة الحد من السرعة.. فعمل المرور كمين او نقاط تفتيش في اماكن غير متوقعه.. طبعا هم يرصدوك بالرادار اذا كنت متجاوز 120 كم/س فتحبس المركبة لمدة يوم وتوضع في التوقيف يوم كامل..

ولد عمي المسكين عنده دوام مسائي في الجامعه فكان مسرع عشان يلحق على الاختبار.. لكن وقع في الفخ وحبسوه ليله كامله حتى بالكاد اقنعناهم ان عنده اختبار اليوم الثاني.. فاخرجوه بعد مادفع غرامه 900 ريال

وبعدها باسبوع قبضوا عليه مره اخرى لنفس السبب ^^

[أســ$ــامة]

رعب............................ جداً
أنا لو منك كنت في الإنعاش