وبعدين هرب من الجيش ؟؟؟ [الأرشيف]

View Full Version : وبعدين هرب من الجيش ؟؟؟

INTERIOR

19 / 03 / 2006, 01:40 PM

هيثم شاكر بيغنى ويقول
( أرمي حمولك عليا .. وأنا أشيل عنك شوية .. يا مصر يا حته منى .. وكل الدنيا ديا )
وبعدين هرب من الجيش ؟؟؟

حد فهم حاجة !!.

splash99

19 / 03 / 2006, 01:42 PM

السلام عليكم

وهو هرب من الجيش ليه ؟

ibrahim3d

19 / 03 / 2006, 01:43 PM

لا والله!!!!

INTERIOR

19 / 03 / 2006, 01:45 PM

تفتكر على شان يشيل عنها شويه ولا على شان مصر بالنسبه ليه كل الدنيا ديه

khaliiiiid

19 / 03 / 2006, 03:10 PM

حد فهم حاجة !!.
ههههههههههههههههه

WALEEDSS

19 / 03 / 2006, 03:12 PM

هوا وتامر حسني مقضينها في طره

omar77

19 / 03 / 2006, 03:21 PM

انا سمعت ان في قرار غير مصرح به علنيا عن منع عرض اغانيهما على قنوات التلفزيون المصري لانهما لا يمثلان قدوة جيدة للشاب المصري

هل هذا صحيح ؟

رجل السماء

19 / 03 / 2006, 03:26 PM

والله انا مستعجب بردوا
ده الراجل وهو بيغنيها باحس انه بيتقطع من جوة وبعدين اعرف انه هربان من الجيش وبتزوير كمان

ارض النفاق

اما تامر حسنى والله العظيم أول ما شفته قلت ده مش شكله مغنى ابدا ده شكله خارج من السجن والحمد لله اننا نرتاح من العيال دول و عقبال الي مثلهم

omar77

19 / 03 / 2006, 03:30 PM

special

19 / 03 / 2006, 03:35 PM

:speechles :speechles :speechles

splash99

19 / 03 / 2006, 03:36 PM

رجل السماء

19 / 03 / 2006, 03:51 PM

تصدق يا مصطفى تامر حسني بالذات مش نازلي من زور , قعد مرة يقنع المذيعة والمشاهدين بانه مش تخين اثناء تصوير الاغنية الفلانية , وان الناس ظلموا لما قالوا انه كان تخين فيها , بلا قرف.

والتاني هيثم , اظن انه هو اللي عملت اغنيته مشاكل , لانه كان فيها واحدة محجبة

بص هى العائلة الفنية كلها مش نازلالى من زور معظهم اشكالهم زى ما يكونوا خارجين من السجون الشباب فيهم تحس انهم صيع وفى حاجة غلط فيهم مش مضبوطين يعنى وانت عارف والفتايات ومعذرة لما اقول فتايات اشكالهم زى الي بيتمسكوا فى قضايا الاداب

وكل واحد فاكر نفسه ياما هنا ياما هناك ودى بتفقعنى بصراحة وتيجى تشوف الاعلامين تلاقيهم نازلين مدح فيهم وده نجم مش عارف أيه وبتشبهم بناس كبيرة أوى عليهم
ويوم لما واحد يجى ينقدهم من الاعلامين يقولولك شايفين الحقد شايفين اعداء النجاح وانت عارف الباقى

ده انا مخنوق جدا ونفسى اروحلهم فى السجن واضربهم بالنار هناك حسنى الله ونعم الوكيل

كنت بقرأ فى جريدة الاذاعة والتليفزيون وفت صحفى صديق لتامر حسنى راح ليه السجن وعمل معاه حوار وتبقى عايز تمسك الصحفى الي كاتب الموضوع ده تبقى عايز تمسكه تربطه فى شكمان العربية وتدوس على 300 كيلو
يقلك لقد اوقعوا بتامر حسنى ادعداء النجاح
والصحفى يقولك تامر حسنى ده صديقى ولا يمكن يعمل كدا وانا عارفه كويس :;(

بصراحة البلد دى ضايعة ضايعة

omar77

19 / 03 / 2006, 03:59 PM

هههههههههه اضحك الله قلبك يا ريس
انت شايل منهم اشي وشويّات

نعم صحيح سمعت هكذا تصريحات , بان اعداء النجاح هم اللي تسببوا بهذه القضية والخ الخ الخ

لكن الحمد لله ان القضاء كان نزيه
كان تم الافراج عنهم بكفالة , لكن تم اعادة النظر في الامر وتم رفض الافراج عنهم حتى مع استعدادهم لدفع الكفالة

jessing

20 / 03 / 2006, 06:01 AM

الموضوع الأصلي كتب بواسطة رجل السماء
والله انا مستعجب بردوا
ده الراجل وهو بيغنيها باحس انه بيتقطع من جوة وبعدين اعرف انه هربان من الجيش وبتزوير كمان

ارض النفاق

اما تامر حسنى والله العظيم أول ما شفته قلت ده مش شكله مغنى ابدا ده شكله خارج من السجن والحمد لله اننا نرتاح من العيال دول و عقبال الي مثلهمهههههههههههههههههههههههههههههههههههههه

مشاكل

big-ah

20 / 03 / 2006, 06:34 AM

اعتقد انه فيه بنت اسمها مصر مش مصر البلد يعني....

و هو عاوز يشيل عنها شوية لكنه اتورط و ما عاد يرد يشيل بعد كده... و هرب (شيال...

INTERIOR

20 / 03 / 2006, 10:16 AM

احنا بالطريقه دى ضايعين ضايعين لا محاله

downs_mass

20 / 03 / 2006, 10:57 AM

هوا فعلا كان عاوز يشيل ... بس مقدرش :)

INTERIOR

20 / 03 / 2006, 08:59 PM

يشيل ايه بس ده اخره يشيل الطين على دماغه
وتشوفه فى الاغنيه تقول الواد ده هيضحى بحياته على شان البلد
وفى الاخر تلاقيه مزور ومزور ايه كمان شهاده تخليه يقدر يهرب من الجيش
انا شايف انه المفروض ينطبق عليه هو تامر حسنى حكم الخيانه العظمى

spirit

20 / 03 / 2006, 10:14 PM

تامر ولا هيثم او حماده ايه المصيبه دي هي اسامي الرجاله عدمت ماعلينا
المهم كالعادة الموضوع هيستغل اعلاميا والرجاله فالنهايه هتطلع ابطال والاوغاد الوحشين غدرو بيهم ودخلوهم السجن وفالاعلانات استمع الي اهات تامر حسني من خلف القضبان ويا سلام علي رنات الموبايل لهيثم شاكر من زنزانه الغرام ورسايل حب لمعجبين تامروهيثم وتصريحات ماشاء الله الفن رساله وصوتنا هيوصل للناس ومش هيمنعه اي قضبان واللللللللله عليك يا شيخ تامر ....... أعد أعد
واللهم لا شماته نسيب الرجاله فورطتهم هيثم شاكر يقول لتامر حسني : خلييييييك جنبي :-;(
وطبعا رد تامر حسني معروف :rolleyes:
هيقوله ... كل مره اشوفك فيها ببقي نفسي أأأأأأ أأأأأأأأأأأ (ملحوظه تامر بيهز كتافه دلوقتي)
استغفر الله العظيم ان بعض الظن اثم احنا منعرفش هو نفسه أأأ تطلع ايه :eek2: ممكن أأأ :rolleyes3 او أأأ :confused: ومصيبه لتكون أأ;-00 فحالدي لو كانو دخلو الجيش كانو هياخدو الشهاده حمره :-a تفتكرو عشان كده هربو وزوروها :rolleyes3
ووالله السجن جفا والوحده مره يارجاله وبعد عنيا بتحتبك وقلبي بيضمك وتامر شغال علي ودنه فالاغنيه ماشاء الله..... دلوقتي مفيش غير هيثم اللي معاه عمال يقوله خليك جنبي :D

فدائي

20 / 03 / 2006, 11:13 PM

اللهم اغفر لنا ولهم
----تم التعديل حتى لا نقع فى الغيبه ----

ehabrashad

21 / 03 / 2006, 01:26 AM

زمان المساجين فرحانين بيهم
وبيقولوا مفيش واحد كمان للواد ابنى الصغير
هههههههههههه

maxspider

21 / 03 / 2006, 01:51 AM

اسف على التدخل ...
لكن انتو كدا وقعتوا في الغيبة ...
الغيبة ... ذكرك أخاك بما يكره ...

سبحانك اللهم وبحمدك ... أشهد أن لا إله إلا أنت ... أستغفرك وأتوب إليك .... (دعاء فض المجلس...
اللهم اغفر لي ولهم (دعاء عند الوقوع في غيبة شخص ما...

omar77

21 / 03 / 2006, 05:24 AM

بس تعرف يا يوسف , هو انا لو شفته وجها لوجه , حقله هذا الكلام , اني مش طايقه والخ , لكن كوني اني بقول هذا الكلام هنا , فهذا مش لاني عايز استغيبه , لكن لاني مش قادر اوصله الكلام في وجهه.

على اي حال الف شكر اخي الحبيب على التنبيه , جعله الله في ميزان حسناتك وعفا الله عنّا

big-ah

21 / 03 / 2006, 08:26 AM

كيف نداوي ما بنا ادا لم نتكلم عما بنا و ما اصاب امتنا؟؟؟؟ الغيبة؟؟؟ لاحول ولا قوة الا بالله

maxspider

21 / 03 / 2006, 10:44 AM

عمر ... أولا : ربنا يعلم أنا لم أقصد أحد معين بهذا الكلام ...
ثانيا : أنا لسه الجمعة اللي فاتت حضرت خطبة لأحد الأئمة ... تكلم عن الغيبة ...
قال .. حتى لو قلت أنا سأقول له هذا الكلام في وجهه ... فأنت أيضا تقع في الغيبة ... لأن حالك الان أنك تذكره بما يكره ...
أيضا قال أنه يجب أن ترد الغيبة عن عرض أخيك لو وجدت أحدا يغتابك (وهذا سبب مداخلتي... ... وذلك حتى يبعث الله ملكا يدفع النار عن وجهك يوم القيامة ...
وإلا فالعكس ... :) ... أرجو تكون فهمتني ...

أخي big-ah ... لو ذكرنا الخبر وكفاية .. ماشي ...
أما أن نظل نخوض في عرضهما ونهزأ .. فقد وقعنا في الغيبة ... والله أعلم :)

INTERIOR

21 / 03 / 2006, 01:04 PM

بلاش نغتابهم
ونرجع تانى للمصيبه
خلى بالك ان فى شباب كتيييييييييييير بيعتبروا الشخصيات دى مثلهم الاعلى
فلازم نوضح لهم انهم حتى ما ينفعوش يوكونوا مثلهم الاوطى

ربنا يرحمنا جميعا .............

big-ah

22 / 03 / 2006, 01:34 AM

فلازم نوضح لهم انهم حتى ما ينفعوش يوكونوا مثلهم الاوطى

هههههههههههههههه لازم يبحثولهم عن مثل اوطى من كده شوية؟؟؟؟؟؟؟؟

INTERIOR

22 / 03 / 2006, 02:06 PM

اخى big-ah
انا اقصد من كلمه اوطى انها عكس الاعلى وليس الوطى
مهما كان السبب لن نتطرق للاهانه لاحد مهما كان خطأ
ولكن نعرض القضيه فقط ...

رجل السماء

23 / 03 / 2006, 06:21 AM

لسة كنت بقرأ فى مجلة الاسبوع ده بيقولك انهم مقدينها صلاة فى سجن طره

يارب يكون كلام صحيح ولما يخرجوا من السجن يحاولوا يعملوا شىء محترم يخدم بلدهم ودينهم

وربنا قادر على كل شىء

big-ah

23 / 03 / 2006, 07:55 AM

واحنا بدورنا نحاول ناخد العبرة و العبرة لمن يعتبر...

INTERIOR

23 / 03 / 2006, 03:24 PM

واحنا بدورنا نحاول ناخد العبرة و العبرة لمن يعتبر...

(العبره لمن يعتبر...

baselmusa

23 / 03 / 2006, 03:55 PM

على فكرة ... تامر ليه أغنية كلماتها معبرة جددددددددددا :
لالا لي لي لاي لاي لاي لاي * لالا لي لي لاي لاي لاي لاي
هههههههههههه
ده بيؤكد نظرية أعداء النجاح
:)

ابوالطيب

23 / 03 / 2006, 04:52 PM

على فكرة ... تامر ليه أغنية كلماتها معبرة جددددددددددا :
لالا لي لي لاي لاي لاي لاي * لالا لي لي لاي لاي لاي لاي
:)

حلوة دي...
بتفكرني بقول الشاعر الكبير:
اسح اندح انبو.... الواد طالع لبوووه

noble911

23 / 03 / 2006, 05:11 PM

السلام عليكم
اقول راي واجري او حسابي علي الله
سمعت انهم زورا شهاده تخرج و ده مش لطيف و عمل ناقص
انما شهاده الجيش الصراحة انا معاهم فيها
اي جيش اللي يخشوه يبقو عساكر خدمة و يضيعوا من عمرهم سنه لتلات سنين بدون فايده
محدش يقول تراب الوطن كلكم عارفيين اللي بيخش الجيش ايه اللي بيحصله و ايه اللي بيستفيده
بينسي اسمه و دراسته و يعطل حياته و يقعد مقطوع للجيش زي الخدام و لا مؤخذه فهو لا يتساوي بخريج الكليات و المعاهد العسكرية هو مش اكتر من كماله عدد

المفروض ان التجنيد يكون اجباري علي كل الشعب و تدريباته تبدء من ثانوي اعدادي عن طريق اعداد العقول و الاجسام
و بعدين تدريبات صيفيه في الجامعات بحيث يتوازي العلم مع الدفاع عن الوطن
و ما اظنش نلاقي احسن من الجيوش الاسلاميه اللي فتحت العالم مثل علي كده

انا اظن ان عمليه التجنيد جزء من مؤامره شغل الشباب عن حاله البلد و السياسيه

بالنسبه لتامر و هيثم فاكيد قدوة مش لطيفه حتي لو اتفقت معاهم في موضوع الجيش و من وجه النظر اللي ذكرتها مش من اي وجه نظر تانيه غير اغانيهم و تصرفاتهم في الفيديو كليب مسخره و دعوة للانحلال
و ممكن نعتبر ده عفاب ليهم من ربنا يمكن ربنا يهديم
و ربنا يهدينا و يهديهم
امين

INTERIOR

25 / 03 / 2006, 04:31 AM

دعوه لمظاهره بالسيارات للافراج عن تامر حسنى وهيثم شاكر !
قررت مجموعه من شباب الطبقه الراقيه تنظيم مظاهره سيرا بالسيارات يوم الخميس القادم للمطالبه بالافراج عن تامر حسنى وهيثم شاكر وتم توزيع المنشورات على جميع النوادى والجامعات والكافيهات والتى تدعو للانضمام الى المظاهره وتم التنبيه على ضروره وضع صور المطربين على الزجاج الخلفى للسيارات

حسبى الله ونعم الوكيل

لا تعليق...

INTERIOR

27 / 03 / 2006, 09:18 AM

لا تعليق...

أميرالعزاب

18 / 04 / 2006, 12:01 AM

قلبتوها نخوة وطن

مين فينا مستعد يخدم وطنه عفوا يخدم العساكر ؟؟؟

فدائي

18 / 04 / 2006, 12:03 AM

يا جماعه انا سمعت ان تامر جاله انهيار عصبى فى السجن واتنقل المستشفى
ربنا يكون فى عونه

ahmedkasse

18 / 04 / 2006, 01:15 AM

ياجماعة هيثم شاكر كان معايا فى المدرسة الثانوية لمدة 3سنوات مش كدة وبس لا دكان معايا فى الفصل كمان
وفعلا لايصلح للجيش اطلاقا
اقلكو كلمة خير من عشرة خلو الجيش لليعرف يحمي بلدة