الظل في virtools [الأرشيف]

sooooool

02 / 05 / 2008, 06:29 AM

مرحبا زملائي الكرام

عندما قمت بوضع ظلال لمجسمين ظهرت لي النتائج التالية
الصور من 1 حتى 3

والسؤوال في الصورة 4

amdman

02 / 05 / 2008, 10:10 AM

يا اخى طيب كنت المفروض تقول لنا ايه البى بى اللى استخدمته فى الوضعيات المختلفة عشان توضح لنا الموقف !!

هل جربت البى بى shadow caster ?

sooooool

02 / 05 / 2008, 10:54 AM

نعم انا استخدمت الـshadow caster في جميع الحالات بالنسبة للظل
اما بالنسبة لاستقبال الظل فقمت بالضغط على الصندوق بالزر الايمن واخترت add attributes ثم visual fx ثم shadow caster receiver

oms

04 / 05 / 2008, 01:55 AM

لا أدري أين مشكلتك بالتحديد ..

قم بتحميل الملف وإشطب آخر 3 حروف منه ليصير نسق لملفات الفيرتوولز .. وقم بتشغيله ..

هل هذا ما تريده بالزبط ؟

sooooool

04 / 05 / 2008, 06:14 PM

تماما يا استاذ اسامة......... هذا هو قصدي
مشكور جدا على اهتمامك يا استاذ

بس عندي سؤوال......
بالملف المرفق test وجدت ماتيريال باسم shadow....كيف عملت هذه المتيريال ؟

لاني عملت ملف نفس ملفك بس الظل طلع عندي باللون الازرق

oms

04 / 05 / 2008, 08:20 PM

Create Material
عادي جداً ... بس إنتبه إنها Transperant مش Opaqe

sooooool

05 / 05 / 2008, 02:51 PM

والله كلمة استاذ قليلة فيك.......! مشكور
عنجد حسيت بسخافة السؤوال بعد ما عرفت الجواب.....

بس لما جربت هالطريقة على مشروعي ......شوف النتيجة

ألا يوجد حل؟؟؟؟؟؟

oms

05 / 05 / 2008, 11:09 PM

جرب خلي كل المتيريال 2 Sided

sooooool

06 / 05 / 2008, 05:46 PM

انا جربت متل ما قلتلي ... بس ما لقيت نتيحة
وجربت اعمل كل العناصر بمجموعة واحدة...... كمان ما لقيت تنيجة
كمان ربطت كل العناصر بمجسم واحد وعملت لهذا المجسم add shadow stencil caster....
كمان ما لقيت نتيجة

oms

07 / 05 / 2008, 02:05 AM

بسيطة .. شوف يا معلم ..

روح على السوق وإشتري 4 كيلوا بطاطا ونص ... والنص قبل ال4 .. وحطهم بالفريزر 4 دقائق ونصف .. بعدين طلعهم وإعصرهم .. وإستنى على العصير 4 دقائق ونص على شان يترسب .. بعدين إشربهم .. وتعال على الفيرتوولز ...
راح تلاقي إنوا في نتيجة .. وراح يصير لحالوا ... ( نصيحة مجرب ^^" )

يا معلم .. ممكن تعطيني الملف ؟؟ بديت أشك إنوا في مشكلة بنفس ال Objects اللي عندك .

sooooool

07 / 05 / 2008, 12:08 PM

أخي العزيز...... السوق بعيد عن بيتي شوي....عشان هيك انا رحت لعند محل صغيرجنب بيتي ...بس ما كان عندو بطاطا ....
بس البياع قلي انو الخيار فيه ماء اكتر...وقال انو هو مجربو على الفيرتولز ومشي الحال معو ... انا سمعت منو
واشتتريت خيار بدل البطاطة و نفذت باقي الخطوات ...وفعلا .....البياع ما كان عم يكذب......

المهم وصلت الى حل......الحل بالمرفقات

لتحميل الملف الذي طلبته مني من هنا حجمه 100كيلو (http://www.4shared.com/file/46777833/38a53e65/Test.html)

بس بتمنى تشرحلي شو صار(ماذا حدث)وإذا كان في حل احسن من هذا الحل الذي يغير حجم المجسم

oms

08 / 05 / 2008, 01:56 AM

الموقع محجوب عندي لذلك لم أقم بفتح الملف ..

بس المشكلة واضحة إنها مشكلة Scale

إذا إنت بتستخدم الثري دي ستوديوا ماكس .. روح على كل أوبجكت وأعطيه موديفاير إسمه XForm .. أو روح على القائمة اللي جنب قائمة Modify على اليمين وإسمها Hirarchy وبعدين دور على مجموعة Transformation وإكبس Reset على ال Transform و ال Scale وإن شاء الله بتنحل مشكلتك ..

هذا المجسم لو طبقته على الفيزيكس لكان ضرب لك كل الحسابات ^^" .. الحجم مهم جداً إنوا يكون نسبته 1 ل 1 ل 1 لكل المحاور ... ولا تنسى إنوا تعمل الخطوات السابقة على كل المجسمات .

sooooool

08 / 05 / 2008, 10:30 AM

مشكور جدا .. المشكلة انحلت تماما .............. عن طريق reset scale

sooooool

09 / 05 / 2008, 09:41 AM

عزيزي OMS شكرا لمساعدتك....وشكرا على المعلومات الجديدة.......

لكن هناك مشكلة جديدة ي الظل

حيث ان هذه المشكلة ليس من الـ Objects الي عندي لإنني جربتها على Pierre ايضا

المشكلة هي ان الظل يقع على الكميرا ويشوه المنظر ..... كما في الصور

oms

10 / 05 / 2008, 06:11 AM

إنت حاطط ظل للأرض ؟ إذا حاطط شيله ... وإذا لساتوا موجود أعطيني الملف .

sooooool

10 / 05 / 2008, 12:15 PM

لساتو موجود
الملف عادي جدا(CylinderPatch و PlanePatch و New Light)
بس انت شوف من الـnew camera

sooooool

10 / 05 / 2008, 12:29 PM

اذا ما تحمل الملف معك .....الملف متل ما قلتلك عادي كتير
انا هلق رح قلك تفاصيل عملي ..وقلي اذا كان في أخطاء

اول شي حطيت CylinderPatch و PlanePatch و New Light

ورحت على الـ level manager وحددت الـ CylinderPatch وعملت add attributes بعدين visual fx
ثم shadow stencil caster

طبعا للـ New Light عملت سكريبت shadowstencil

oms

10 / 05 / 2008, 01:00 PM

وين الملف ؟؟

أنا بدي الملف اللي فيه المشكلة .

sooooool

10 / 05 / 2008, 03:54 PM

تفضل الملف......من هنا (http://www.tntup.com/file.php?file=2f1ec9c6c98bfd12a939a55bf782d8aa)

oms

11 / 05 / 2008, 05:22 AM

الله العليم شكلها مشاكل بالنورملز ..

يعني ال Faces مش مقلوبين بإتجاه موحد .

sooooool

11 / 05 / 2008, 09:18 AM

المشكلة مش بالـobjects الي عندي

المشكلة موجودة مع اي مجسم..... جرب ان تضع صندوق و اسطوانة متداخلين ببعضهما جزئيا

ووجه الكميرا نحو الظل..... المشكلة ذاتها
المشكلة ذاتها مع انني اتبعت كافة السكريبت والـobject setup....وووو....في هذا الملف (هذا الملف لا توجد فيه هذه المشكلة) (http://www.tntup.com/file.php?file=45d70c9ffa219b383876e234df81edc5) اتبعتها في ملفي

لكن المشكلة بقيت

oms

11 / 05 / 2008, 02:11 PM

يا ريت تعطيني بعض الوقت على شان أشوفلك إياه

إنت إنتقل لشيء آخر غير هذا ولما أفضى بعطيك الحل بإذن الله .

sooooool

11 / 05 / 2008, 05:27 PM

انا قديش شفت ناش بهتمو وبساعدو..........!!!

بس متلك والله انا ما شفت.........!!!!

انا في الانتظار

sooooool

26 / 05 / 2008, 10:02 AM

عرفت الحل ..... آسف لإنني لم اطبق اعدادات الكميرا كما يجب
عندما اعمل الـ Near clip = 0.1 احصل على حل جزئي
اما إذا عملتها near clip = 0.01 احصل على حل مقبول

sooooool

26 / 05 / 2008, 10:21 AM

عندي سؤوال ...... ما هو الـ shader object وما الفرق بينه وبين الاوبجيكت العادي
وهل استطيع ان اصدر مجسم من الماكس الى شادر اوبجيكت
او هل استطيع تحويله

حيث ان هناك متيريال لا تظهر الا على الـ shader objects

oms

28 / 05 / 2008, 12:21 AM

بالنسبة لسؤالك الأول آسف لأنني لم أقم بالرد عليه ..

إقراً هذه المقالة لعلها تفيدك :
http://www.theswapmeet-forum.com/viewtopic.php?t=10352

بالنسبة لل Shader Object
ممكن تحكيلي من وين جبت هالمصطلح ؟؟

sooooool

28 / 05 / 2008, 07:14 AM

شكرا لك على المقالة....انا الي فهمت منها انو الـlight map واقعية اكثر بالنسبة للظلال عندما يكون هناك اكثر من ضوء (إضاءة غرفة)...لكن لا استطيع على الاجسام المتحركة
بانسبة لسؤوالك عن المصطلح
....... انظر الملفات المرفقة الصورة 1