استاتذتي المحترمين ايه رأيكم

[moh_fawzi7]

هذا اول عمل لي على الفيراي بعد ان كنت مرعوبا من مجرد وضع سورس البرنامج على الجهاز بفضل الله اولا واخيرا وبسببكم استطعت ان ابدأ هذه البداية البسيطة شكرا لكل اعضاء المنتدى الرائع....................................الى هنا و يعجز الشكر وللفائدة حتى لايقنط مخلوق من ان يسعى ليتعلم اي شئ يحبه انا بقالي بشتغل على الماكس من 7 سنوات تقريبا وبدايتي معه كانت امنيه لتعلمه ايام الدراسة بالكلية حاولت كثيرا وعجزت عن ذلك ثم يدبر الله امرا فيكون موقعي بالجيش معمل مالتيميديا فاتعلم ماكس وديريكتور ومونتاج فيديو صوت وصورة وميكسينج صوت وبور بوينت وتقريبا دخلت في معظم برامج المالتيمديا طبعا ده سواء اردت ام لم اريد لانه كان شغلي بالجيش ويصبح عملي - اثناء الجيش وبعده - الذي اتكسب منه من خلال المكتب الذي اعمل به الى الان بجانب عملي كمهندس انشائي الذي اشتهر به هو عمل المناظير بالماكس والفوتوشوب من غير في راي والحمد لله وانا اعشق الرسم والجرافيك الذي استعضت به عن الرسم فري هاند لانني اعلم انه حرام شرعا وهذه اعمال لي من غير الفي راي فندق بجيونز بشرم الشيخ وعمارة بحدائق الاهرام ومشروع لاستغلال سور نادي اسوان باسوان وارجو النقد والتشجيع وشكرا جزيلا لمنتدانا الرائع.. والله انا مش غاوي قصص ورغي ولكن انا سعيد اني بالاقي شباب زيكم كل همهم يساعدو بعض واي واحد يحتاج لهم.

[eslam fox]

اهلا بالمصرين
عمل جميل ممتاز بس الجيش في الكلام ده

[moh_fawzi7]

اه طبعا الجيش فيه كل حاجه انت مش بتشوف لقاءات القادة فيها عروض لرسوم جرافيك و عروض بور بوينت بتتعرض عليهم اثناء الشرح لعمليات او مشاريع معينة والرئيس كذللك الحاجات دي بيقوم بيها معامل المالتيمديا انا كنت دفاع جوي وكنت في المعمل ده بس ما اقدرش اقول مكانه فين طبعا و على فكرة جيشنا متطور جدا وفيه عقول جبارة والله انا كنت قاعد وسط مجموعة من احسن عقول الجيش في مركز التطوير وكانوا بيعاملونا اننا مهندسين مش عساكر وكنا بنساعدهم في ابحاثهم كل واحد حسب تخصصه طبعا

[moh_fawzi7]

اقولك حكاية علشان تعرف ان جيوش العالم كله فيها استخدام الماكس وبرامج الجرافيك والمالتيمديا للمساعدة في تطوير وتنفيذ المشاريع مرة جالنا مقدم من شعبة غير شعبتنا في المركز وجاب معاه عروض على اسطوانة لاشياء عسكرية معمولة في دولة اوروبية وطلب مني وانا كنت اقدم واحد في المعمل والضابط بتاعنا كان بيعمل عملية - كان بيتهرب عشان يناقش رسالة الماجيستير - وطلب المقدم مننا - اذا قدرنا - نمنتج ونعرب العروض دي ونعمل ميكسنج صوت علشان تتعرض على قائد قوات الدفاع هو كان في الدولة دي في بعثة وجابها معاه طبعا ماكانش متصور اننا نقدر نعمل نفس المستوى اللي هما عاملينه والله بعد ما عملناله اللي هو عاوزه قاللي كلام ما نسيتوش من يومها قال ما شاء الله انت يا ابني خريج ايه قلتله هندسه مدنيه قاللي انت عارف مين اللي عمل الشغل ده بره شباب في سنك كده في الجيش برضه بس ماسكين اماكن ومعتمدين عليهم اعتماد كبير والله اللي مضيع بلدنا ان الشباب اللي زيكم ما لهومش مكان فيها لو اعتمدوا على الشباب اللي زيكم البلد دي هتتقدم - كل ده كلام المقدم والله تقريبا باللفظ الا ان خانتني الذاكرة - والله احنا اسود بس عايزين اللي يقوينا ويشجعنا .

[moh_fawzi7]

اسف ان لغتي كانت حاده شوية بس كنت متحمس

[eslam fox]

علي فكره انا من مصر برضو
بس انتا خلاصت الجيش انا
هخش ههههههههههههههههههه

[eslam fox]

اسف ان لغتي كانت حاده شوية بس كنت متحمس
يباشا ولا يهمك
عدي انتا حمستني بجد

[moh_fawzi7]

ربنا يكرمك ان شاء الله وييسرلك الحال سواء دخلت او لا

[moh_fawzi7]

شكرا ليك يا اسلام انت كمان شجعتني قبل كده جزاك الله خيرا

[eslam fox]

ربنا يكرمك ان شاء الله وييسرلك الحال سواء دخلت او لا
ربنا يسر الحال
انا خايف والله من الموضع ده
بس انتا طمنتني
بحكايه الماكس الي في الجيش يكمن حظي يكون حلو وشتغل معهم

[moh_fawzi7]

ان شاء الله

[eslam fox]

معلش غيرت الموضوع بتاعك (الجيش ) النا س هيخشو هيقلو هما ايه الي بيتكلمو فيه ده

[moh_fawzi7]

فعلا انا عاوز اسأل سؤال انا في المشروع اللي عملته في راي باستخدم مكتبة الايفرموشن التقيلة جدا وان قريت موضوع Vray Proxy بس ما عرفتش اعمل اتاتش للموديلز بعد تحويلها Editable Poly البرنامج مابيرضاش يعملهم اتاتش لما اختارهم عنصر عنصر ايه الحل ؟ ثم انه بيقول بعد ما تصدرها بالفيراي ميش لما تيجي تجيبها بالبروكسي مش هتبقى واخدة اي ماتيريال ولازم تحتفظ بالماتيريال علشان اطبقها طب لو انا خانات الماتيريال اتملت وانتم عارفين مودلز الايفرموشن مليانة ماتيريالز وانا ممكن اعمل مشهد فيه مودلز كتير جدا وباحتاج اعدل على الماتيريل كتير ايه الحل ؟

[eslam fox]

بدل اتاتش اعمل جروب وعدل عليه
جرب

[moh_fawzi7]

يعني 43 مشاهدة وما فيش غير اسلام اللي رد متشكرين يا عم اسلام جبرت بخاطري ....... طب سيبكوا من موضوع الجيش ده كلام فارغ وردوا .............................................؟!!!!!!!!!!

[alwalid3d]

فعلا انا عاوز اسأل سؤال انا في المشروع اللي عملته في راي باستخدم مكتبة الايفرموشن التقيلة جدا وان قريت موضوع Vray Proxy بس ما عرفتش اعمل اتاتش للموديلز بعد تحويلها Editable Poly البرنامج مابيرضاش يعملهم اتاتش لما اختارهم عنصر عنصر ايه الحل ؟ ثم انه بيقول بعد ما تصدرها بالفيراي ميش لما تيجي تجيبها بالبروكسي مش هتبقى واخدة اي ماتيريال ولازم تحتفظ بالماتيريال علشان اطبقها طب لو انا خانات الماتيريال اتملت وانتم عارفين مودلز الايفرموشن مليانة ماتيريالز وانا ممكن اعمل مشهد فيه مودلز كتير جدا وباحتاج اعدل على الماتيريل كتير ايه الحل ؟


هذه الخطوات للحل مشكلة كثرة الخامات
انا حجاوب عليك بخصوص الدرس الاني انا صاحب الموضوع الدرس
اولا افتح الملف الافريموشن ثم نزل عليه الماتيريال حقها واعمل save اهم شي تكون الملفات الماتيريال نفس مكانه هذه اهم نقطة ثم اعمل له اتاتش واعمل save ثم روح الى المشروع الذي تريد ان تضيف الملف الافريموشن واعمل ماريج
وبعدين اعمل الخطوات البروكسي لكن لاتنسى تاشر على الاتوماتيك
واتنمى يكون الشرح واضح
واذا في اي اسئله انا تحت امرك

[moh_fawzi7]

شكرا اخي بابليل هجرب الطريقة دي وقولك ان شاء الله جزاك الله خيرا وزادك نفعا وعلما

[توفيق عبي]

انك اكثر من رائع واصل مجهود كبير جداً وفقك الله ....

[moh_fawzi7]

شكرا لكم يا اخوتي على تحفيذكم

[Romeo2]

ما شاء الله اعمال جميلة ....... واصل اخي بالتوفيق

[morofanan]

اعمال جميلة اخى واصل
تحياتى

[moh_fawzi7]

شكرا اخوتي على جم لطفكم