سعر ساعة المونتير فى مصر

[mmk_media]

يا جماعة انا حبيت اعرف سعر ساعة المونتير فى مصر سواء اللى شغال برمير او فاينل كات علشان اعرف انا كده باخد كويس ولا بيضحك علينا من أدارات القنوات واصحاب وحدات المونتاج .

ياريت يا جماعة لو تقدروا تيدونا فى الموضوع ده وربنا يوفق الكل

[Tom Art]

متوسط ساعة المونتاج بتبتدي من 120 جنيه ف الساعه وبتوصل لحد 150 جنيه عند بوب آرت وغيره من الوحدات القديمه اللي ف السوق
والمونتير ف العموم بياخد من 30 الى 40 ف الميه من المبلغ ده.....دا طبعا لو مونتير قديم
وما تفرقش سواء كان بريميير او اديوس او فاينل كت .....الحسبه دي واحده


تحياتي

[mmk_media]

أشكرك يا Tom Art على أفادتك لنا بس يا جماعة فى حد بيأخد أسعار غير ديه ولا كل الناس شغالة بالسعر ده

[Tom Art]

والله شوف يا عزيزي
أنا أعرف مخرجين ( نسميهم مخرجين تجاوزا يعني ) بياخدوا 1000 جنيه في بعض المحطات ( وللأسف محطات دينيه ) فما بالك بالمونتير في المحطات دي

على اي حال كل شغل بيتحدد تبع مجهوده ، يعني مش ممكن تقارن مونتير لسه مبتدي امبارح بمونتير بقاله سنين
وعلى مستوى الشغل مش ممكن برضه تقارن مونتاج الدراما بمونتاج البرامج الحواريه

أرجو إن الصوره تكون وضحت

تحياتي

[zamzam2002]

يعنى ايه "للأسف محطات دينية"

[Tom Art]

يعني يا صديقي....المفترض اللي ف المحطات دي يراعوا الله ورسوله ف تقييمهم للناس اللي شغالين عنهم

فهمت ولا اشرحالك بلغه تانيه؟؟؟؟؟

[mansoor]

طيب في السعوديه بكم الدقيقه ......ممكن رد للي يعملووون
طبعا بيد مونتير سعودي

[جراف مان]

الراجل Tom Art بيتكلم واقع
عارف يا Tom Art احلى حاجة فى القناة الى بالى بالك دى ايه هناك بالنسبة ليهم :)
ان ساعة الغدا كلهم بيتجمعو على الكبسة - القناة كلها بتاكل الكبسة طبعا فور فرى ومجانى
اكيد الكبسة من ضمن مرتباتهم

[Tom Art]

صديقي جراف مان

أنا لم أقصد قناة بعينها :)

وهناك قنوات منوعات أيضا تفعل ذلك الفعل

ولكن كان قصدي أن أولى الناس بالمعروف من يعملون في القنوات الدينية ولكن وكما تعلم ففشل محطة أو نجاحها يرتبط بكيفية إدارتها بعيدا عن محتواها والمؤسف أن الكثير من أصحاب المحطات يأتون بذوي الثقة على حساب ذوي الخبرة وهي معضلة قديمة في كل المجالات ولكنها تظهر وبوضوح في المجال الإعلامي

تحياتي

[mansoor]

اقول لكم سبب ذلك
القنوات الاسلاميه بوجه عام تفتقر الي الدخل القوي ساذكر لكم اشهر القنوات المجد مثلا في بعض الاحيان لايصرفون رواتب تصل المده شهرين هذا الكلام من احد العاملين بها
انا اعمل علي برنامج لمشروع احدي القنوات الاسلاميه وفكرتي الاساسيه توفير وقف بعائد قوي دون النظر الي دخل القناه
اخواني هذه القنوات غير ربحيه ولا تريد ان تعرض ماهب ودب من الاعلانات فمن الطبيعي ان تحصل مثل هذه المشاكل وانا لاابرر قله الرواتب بهذا
تحياتي

[3d zaman]

اعتب على الاخ جراف بانة يذكر المحطات الدينية بلى بالى بالك ما المقصود بهذا ارجو التوضيح لعدم فهمى الا شىء وهو انك بتتريق عامة شكراا لانك راجل محترم