مين يلعب كورة ... !! [الأرشيف]

فلاشــــــــــاوي

21 / 02 / 2008, 01:25 AM

بالنسبة للعايشين في القاهرة ...
في في مدينة نصر نادي إسمه نادي الطلائع .. أنا بفكر أحجز الملعب للناس اللي تحب تلعب ..

أي حد هنا عاوز يلعب كورة .. يقول هنا .. وهنحدد ميعاد .. هيكون يوم جمعة طبعا عشان الشغل ...
ممكن اللي مبيلعبش بس عاوز يجي عشان يتفرج ويتعرف على باقي الناس .. مفيش مشاكل طبعا ..

مين يقدر ييجي ؟... بفكر أخليها يوم الجمعة اللي مش بكره .. اللي بعده .... هيكون 29 فبراير .. يعني في فرصة كويسه أهو ..

بس ياريت اللي هيجي يكون لاعيب وإلا هيتبهدل وهيتمسح بيه أرض الملعب ..!!

يا ريت يا جماعة نكمل 10 أفراد او اكتر ... ولو اقل مش مشكلة .. الأعمار من 16 سنة إلى ما لانهاية .. مش عاوز عيال اقل من 16 سنة ..!!

-----------------------------------------------------------------------------
تـــــــــــــــــــــــــــــحديـــــــــــــــــــــــــث
-----------------------------------------------------------------------------
حجزت اللعب يا رجالة من 6 - 8 يوم الجمعة 7 مارس .. .. رغم إني رايح قبلها بــ 8 إيام تقريبا .. مالقتش غير الميعاد ده .. وكنت يا إما أحجزه يا أما أستنى كمان إسبوع .. فحجزته طبعا

دلوقتي عاوزين نعرف بالظبط ميين جاي .... لازم نبقى متأكدين من العدد عشان لوقليل نكمل بأصحابنا من خارج المنابر ...

-----------------------------------------------------------------------------------------------------------------

أسماء الناس اللي هتيجي ...
1 - فلاشاوي
2 - ضياء
3 - منعم
4 - نزال
5 - ميجا
6 - شادي صبحي
7 - جيتس
8 - تيلبو
9 - يوسف

يلا .. كل اللي هيجي يقول عشان أضيفه في الليسته ..

ALMUHAJEER

21 / 02 / 2008, 01:31 AM

هو انا في الخليج ينفع تدفعلي فلوس التزكره واجي العب وارجع تاني للخليج ؟

طبعا على حسابك .... وانا علي ثمن شرب الماء بعد المباراه ........

مستني ردك حتى اخبر الاهل

العقرب77

21 / 02 / 2008, 01:33 AM

إي ده يا أستاذ فلاشاوي دي مدينة نصر موجودة في دولة إسرائيل العربية الشقيقة؟:dd:

فلاشــــــــــاوي

21 / 02 / 2008, 01:35 AM

هو انا في الخليج ينفع تدفعلي فلوس التزكره واجي العب وارجع تاني للخليج ؟

طبعا على حسابك .... وانا علي ثمن شرب الماء بعد المباراه ........

مستني ردك حتى اخبر الاهل

أكييد طبعا .. أبعتلي عنوانك وأنا هبعتهم على طول ... ما تستغربش من شكل الناس اللي هيجولك بس .. هو طبيعة لبسهم كده .. اوك ؟

ALMUHAJEER

21 / 02 / 2008, 01:38 AM

كم انت كريم يا مستر فلاشاوي سجل عندك كده

شارع عمان عند تقاطع دوار الاحتلال الصهيوني مع تقاطع بغدادا الدولي ...

اخر بيت في اول زاويه .... :eek2:

رقم البيت 911

فلاشــــــــــاوي

21 / 02 / 2008, 01:38 AM

إي ده يا أستاذ فلاشاوي دي مدينة نصر موجودة في دولة إسرائيل العربية الشقيقة؟

ايوة .. جنب تل ابيب عدل ..

الموضوع جد يا جماعة ... شكل القعدة قدام الكمبيوتر بهدلتكم ... عاوزين نطلع نتعرض للشمس يا جماعة

AMD 64

21 / 02 / 2008, 01:53 AM

كنت اتمنى ان اوريكم المستويات لكن انا بعيد جدا عنكم
اتمنى لكم مباراة ممتعة

العقرب77

21 / 02 / 2008, 02:04 AM

ايوة .. جنب تل ابيب عدل ..

الموضوع جد يا جماعة ... شكل القعدة قدام الكمبيوتر بهدلتكم ... عاوزين نطلع نتعرض للشمس يا جماعة
متأسف حبيت أمازحك فقط.

y@sser

21 / 02 / 2008, 02:06 AM

فكره جامده موت يا فلاشاوي
للاسف مش هاجي
خليها سنه من اول النهار كده

فلاشــــــــــاوي

21 / 02 / 2008, 03:35 AM

يا جماعة ما تخفوش .. انا هحجز الملعب على حسابي !!

mo3allem

21 / 02 / 2008, 03:50 AM

طب انا حكمل 16 في شهر 3 ... انفع ولا لا ؟ :p

aktoom

21 / 02 / 2008, 03:54 AM

أنا لما جماعتي يلعبوا كورة بحب أكون الحكم
وأشعللها بين الطرفين

لأن خبرتي في التحكيم مثل خبرة الحكام العرب في الديموقراطية

العقرب77

21 / 02 / 2008, 05:23 AM

أنا لما جماعتي يلعبوا كورة بحب أكون الحكم
وأشعللها بين الطرفين

لأن خبرتي في التحكيم مثل خبرة الحكام العرب في الديموقراطية
هذي قوية أستاذ أكتوم.ههههههههه:dd:

nazzal

21 / 02 / 2008, 05:44 AM

للاسف واضح ان التجاوب الايجابي ليس كما ينبغي حتي في الردود........ :)...هكذا نحن دائما..ولا استثني نفسي
عموما انا ماليش في الكوره نهائي.....بس ساكن في مدينه نصر اساسا....بالاضافه الي انني حابب اتعرف علي الناس وعليك
حط اسمي في قائمه المتفرجين والمتعرفين :)

asaba90

21 / 02 / 2008, 05:50 AM

طيب يا فلاشاوي أنا أريد المشاركة معكم في المباراة الخيرية لكن أنا وين وانتوا وين؟
ما رأيك ترسل لي تذكرة طيران ( ذهاب وإياب مش تضحك عليا وترسل ذهاب بس ) وكم فلوس يمشوا الحال يعني فرصة اتسوح شويه في مصر، وإذا حلفت إني اقعد عندكم كم يوم مش هكسر بخاطرك وهقعد عندك، وطبعاً هذا كله أنا والعائلة،
( متخافش هم مش كثير، يا دوبك أنا وابي وأمي وأخوتي السبعة وولاد عمي الثمانية آه صح وكمان جدي، أمّا جدي عليه حتة لعب، ده حائز على جائزة أفضل لاعب في العالم لسبع سنوات متتاليات) اتمنى ان انت توافق ومتكسفنيش.

mansy1985

21 / 02 / 2008, 07:16 AM

ههههههههههههههههههههههههههههههههههه

انا بضحك علي الردود

زمان علي كسر الجهاز و حلف ميخشش المنتدي ده تاني

telpo

21 / 02 / 2008, 07:50 AM

ياجماعة .. الموضوع بجد ...

عارف يابوالفلاشات .... المشكلة انك حطيته في أطراف الحديث ... فيه داء موجود في القسم ده ... عشان كده طلع في الموضوع :)

المهم ... أنا معاك ان شاء الله

خليك تتفرج عالمهارات الجامده

محمد.اسامه

21 / 02 / 2008, 08:01 AM

هههههههههههههههه

تصدق انا جيت من لعبت كره الان وكانت جاااامد بس للاسف طلعنا المركز الثاني *_*

قمة الذكاء

21 / 02 / 2008, 08:06 AM

انا لو بمصر حجي بس مش موجود بمصر لكن ممكن بالصيفيه ازور الاعضاء واحد واحد

عموما اليوم الصباح رحت العب كوره

ومن العصر الى المغرب كمان كوره

وبكره من العصر للمغرب كمان كوره يعني العب ليل نهار برد حر ثلج مطر
العب باي وقت
لكن للاسف مش موجود بمصر

فلاشــــــــــاوي

21 / 02 / 2008, 08:45 AM

كنت اتمنى ان اوريكم المستويات لكن انا بعيد جدا عنكم
اتمنى لكم مباراة ممتعة

يا عم ده يوم جمعة ... واللعب هيكون بعد العصر .. او بالليل .. ياريت تيجي .. ولا خايف !!

متأسف حبيت أمازحك فقط.

ولا يهمك :) .. انا نص ردودي ضحك والنص التاني ضحك ... عادي يعني !!

فكره جامده موت يا فلاشاوي
للاسف مش هاجي
خليها سنه من اول النهار كده

طب متحاول يل ريس .. عاوزيين حكم محايد ملوش إنتماءات .. واللعب ممكن يبقى بعد العصر ...

فلاشــــــــــاوي

21 / 02 / 2008, 08:50 AM

أنا لما جماعتي يلعبوا كورة بحب أكون الحكم
وأشعللها بين الطرفين

لأن خبرتي في التحكيم مثل خبرة الحكام العرب في الديموقراطية
لو قدرنا نذيع الماتشات مباشره .. ممكن نخليك تحكم عن بعد ... ومش مهم تغلط في التحكيم طالما هتغلط على الفرقتين .. المساواة في الظلم عدل .. :)

للاسف واضح ان التجاوب الايجابي ليس كما ينبغي حتي في الردود........ ...هكذا نحن دائما..ولا استثني نفسي
عموما انا ماليش في الكوره نهائي.....بس ساكن في مدينه نصر اساسا....بالاضافه الي انني حابب اتعرف علي الناس وعليك
حط اسمي في قائمه المتفرجين والمتعرفين

تشرف يا نزال ..... أما تيجي يحلها ربنا .. هتلعب هتلعب .. ده إيهاب رشاد هييجي .. وهيقف حارس مرمى كمان .. مع إن إيهاب ميعرفش حاجة عن الكورة غير إنها على شكل مكعب وأن محمود الخطيب هو أحسن لاعب في تاريخ نادي سكك حديد سوهاج .. !!

بعد ما نشوف مين هيجي .. هحدد هنحجز الساعة كام وهحطها هنا ..

فلاشــــــــــاوي

21 / 02 / 2008, 08:53 AM

طيب يا فلاشاوي أنا أريد المشاركة معكم في المباراة الخيرية لكن أنا وين وانتوا وين؟
ما رأيك ترسل لي تذكرة طيران ( ذهاب وإياب مش تضحك عليا وترسل ذهاب بس ) وكم فلوس يمشوا الحال يعني فرصة اتسوح شويه في مصر، وإذا حلفت إني اقعد عندكم كم يوم مش هكسر بخاطرك وهقعد عندك، وطبعاً هذا كله أنا والعائلة،
( متخافش هم مش كثير، يا دوبك أنا وابي وأمي وأخوتي السبعة وولاد عمي الثمانية آه صح وكمان جدي، أمّا جدي عليه حتة لعب، ده حائز على جائزة أفضل لاعب في العالم لسبع سنوات متتاليات) اتمنى ان انت توافق ومتكسفنيش.

لا طبعا مش هكسفك .. أنا مش هرد عليك اصلا !! :)

ياجماعة .. الموضوع بجد ...

عارف يابوالفلاشات .... المشكلة انك حطيته في أطراف الحديث ... فيه داء موجود في القسم ده ... عشان كده طلع في الموضوع

المهم ... أنا معاك ان شاء الله

خليك تتفرج عالمهارات الجامده

كويس .. وهات معاك يوسف .. حتى لو ميعرفش يلعب .. اهه نوقفه حارس مرمى للفريق التاني اللي مش هيلعب فيه إيهاب رشاد .. عشان الكفة تبقى متعادلة .. أنا حاسس أنه الماتشات هتخلص بنتايج زي 13 - 8 أو 22 - 9 .. ربنا يسهل ... ويستر !!

فلاشــــــــــاوي

21 / 02 / 2008, 08:55 AM

هههههههههههههههه

تصدق انا جيت من لعبت كره الان وكانت جاااامد بس للاسف طلعنا المركز الثاني *_*

على فكرة الفريق اللي بيتغلب بيبقة إسمه الفريق الأخير .. مش التاني !!

نا لو بمصر حجي بس مش موجود بمصر لكن ممكن بالصيفيه ازور الاعضاء واحد واحد

عموما اليوم الصباح رحت العب كوره

ومن العصر الى المغرب كمان كوره

وبكره من العصر للمغرب كمان كوره يعني العب ليل نهار برد حر ثلج مطر
العب باي وقت
لكن للاسف مش موجود بمصر

تشرف وتأنس ..

فلاشــــــــــاوي

21 / 02 / 2008, 09:13 AM

طب انا حكمل 16 في شهر 3 ... انفع ولا لا ؟

إجري إجري .. إلعب قدام بيتكو يا بابا ... !!

قمة الذكاء

21 / 02 / 2008, 09:24 AM

أنا لما جماعتي يلعبوا كورة بحب أكون الحكم
وأشعللها بين الطرفين

لأن خبرتي في التحكيم مثل خبرة الحكام العرب في الديموقراطية
ههههههههههههههههههههههههههههههههههههههههههه

diaaking

21 / 02 / 2008, 09:50 AM

انت جيلي سقع يا فلاشوي ... انا معايا فرقتي وغالبا بناجر كل اسبوع ارض وبنلعب ..
لو انت قد التحدي ... ننظم ماتش بين فرقتي وبين فرقتك ... منتظر ردك يا معلم

diaaking

21 / 02 / 2008, 09:54 AM

نسيت اقولك انا جي يا معلم ... ولو في نقص في اللعيبه ممكن اجبلك لعيبه معايا ...
المهم ميكونش في ذياده في عدد اللعيبه ... والي هيجي يكون متاكد منه يا فلاشوي انه جي ...
سجلني يا معلم عندك عشان نتكلم ....
diaa353_5@hotmail.com

فلاشــــــــــاوي

21 / 02 / 2008, 09:54 AM

انت جيلي سقع يا فلاشوي ... انا معايا فرقتي وغالبا بناجر كل اسبوع ارض وبنلعب ..
لو انت قد التحدي ... ننظم ماتش بين فرقتي وبين فرقتك ... منتظر ردك يا معلم

عيل وستين عيل اللي يرجع يا معلم .. !! ... أنا موافق .. حدد المكان والزمان ... !!

فلاشــــــــــاوي

21 / 02 / 2008, 09:56 AM

نسيت اقولك انا جي يا معلم ... ولو في نقص في اللعيبه ممكن اجبلك لعيبه معايا ...
المهم ميكونش في ذياده في عدد اللعي

تمام .. لو العدد قليل .. هات أنت معاك فرقة كاملة ( 5 لعيبة ) .. وأنا هجيب فرقة .. وعندي واحد صاحبي ممكن يجيب فرقة .. انا بخطط نكون 3 فرق .. اما بيبقى فرقتين بس اللعب ما بيسكونش فيه حماس... كده الشغل إحلو .. من تاني يا جدعان ..!!

diaaking

21 / 02 / 2008, 09:56 AM

منتظرك يا حج علي الميل

diaaking

21 / 02 / 2008, 10:03 AM

ضفني عشان نتفق علي تفاصيل الماتش

محمد.اسامه

21 / 02 / 2008, 10:04 AM

...................................

ابومعاذ

21 / 02 / 2008, 10:13 AM

على انت فتحت باب على نفسك كنا مدارين يابنى ......
امرى لله بس مش عايز حد يموت على نفسه من الانبهار ................
بس لازم يكون فيه غدا ولا حاجة ياعم عشان المجهود اللى هنبذله
ا

MegaZX

21 / 02 / 2008, 10:37 AM

السلام عليكم انا موجود فى مصر و ان شاء الله متواجد فى القاهره عشان الجامعه انا عايز اتعرف عليك و اكلم معاك و كنت مستى فرصه ولو ان شاء الله جيت ممكن اخد منك ساعه بعد اللعب لو موافق قولى و اكون شاكرا ولو مش موافق فى اى وقت تكون مستغنى عنه فى اى حته قولى و ان شاء الله اجيلك عشان عايز اكلمك معاك بس و لو هنلعب مفيش مشاكل و لو عزت ناس تلعب اجيب معايا ناس رجاء الرد و عدم التجاهل فرصه جمده جدا

فلاشــــــــــاوي

21 / 02 / 2008, 10:59 AM

على انت فتحت باب على نفسك كنا مدارين يابنى ......
امرى لله بس مش عايز حد يموت على نفسه من الانبهار ................
بس لازم يكون فيه غدا ولا حاجة ياعم عشان المجهود اللى هنبذله

تشرف يا باشا .. انا بوعد باللعب ... ماليش دعوة بالغدا .. !!

السلام عليكم انا موجود فى مصر و ان شاء الله متواجد فى القاهره عشان الجامعه انا عايز اتعرف عليك و اكلم معاك و كنت مستى فرصه ولو ان شاء الله جيت ممكن اخد منك ساعه بعد اللعب لو موافق قولى و اكون شاكرا ولو مش موافق فى اى وقت تكون مستغنى عنه فى اى حته قولى و ان شاء الله اجيلك عشان عايز اكلمك معاك بس و لو هنلعب مفيش مشاكل و لو عزت ناس تلعب اجيب معايا ناس رجاء الرد و عدم التجاهل فرصه جمده جدا

عم ميجا ... أحنا رايحين نلعب كورة .. وده شيء مقدس عندي ..!! ... حضرتك تيجي .. نلعب .. وبعد ما نخلص ربنا يسهل .. !!

MN3M

21 / 02 / 2008, 10:59 AM

إن شاء الله اللاعب الكبير ( أنا )هيجى الماتش المتواضع دا :dd:

MegaZX

21 / 02 / 2008, 11:06 AM

شكرا للدعوه بانتظار الميعاد هجى اتفرج و لو حد عايز يخسر ينزلنى اللعب معاه
ان شاء الله الكل يستمتع يا مجمعنا يا فلاشاوى

alaabasit

21 / 02 / 2008, 11:09 AM

أنت يا عم الأسرائيلى أحنا طلعنا جران بس أنا من الجيزه والفكره دى حلوه جداا وياريت متكررهاش تانى !!!

فلاشــــــــــاوي

21 / 02 / 2008, 11:13 AM

أنت يا عم الأسرائيلى أحنا طلعنا جران بس أنا من الجيزه والفكره دى حلوه جداا وياريت متكررهاش تانى !!!

أنا مش ساكن في مدينة نصر ... أنا لسه شريف .. هجيب منين فلوس شقة في مدينة نصر .. أنا شغلي هناك جنب النادي ده عشان كده أعرفه .. أنا ساكن في الحلمية .. بس أصلا أنا من الصعيد

قمة الذكاء

21 / 02 / 2008, 11:24 AM

طيب عاوزين صور وفيديو بقى
:( لو اني بمصر اخ اخ كانت طحنتكو

diaaking

22 / 02 / 2008, 04:33 AM

صحبي من اعضاء الفريق جي معايا ....

THE WAX

22 / 02 / 2008, 04:47 AM

شاديــــ، صبحيـــــ، مشترك

احنا كده عازوين صوووووور وفيديو كمان ......

steel

22 / 02 / 2008, 05:02 AM

المهاجر تنفع تلحق كور

asaba90

22 / 02 / 2008, 06:16 AM

طيب يا فلاشاوي أنا ممكن أجي وكمان على حسابي مش مستني منك تحاسب لي.
بس عايز أتأكد من حاجة:
عبير جايه ولا لا؟؟؟

mmnoor

22 / 02 / 2008, 06:22 AM

أخوي بيسأل ممكن ييجي يلعب معاكم؟ ؟؟؟؟؟؟؟؟؟ هوا عنده 18 سنة ؟؟؟؟؟ ينفع ؟؟؟؟؟

فلاشــــــــــاوي

23 / 02 / 2008, 07:06 AM

شباب .. انا رحت أحجز ... المواعيد الفاضية يوم الجمعة الجاية من 9 - 11 الصبح ... وطبعا ده هبل ما ينفعش .. عشان صلاة الجمعة .. وعشان كده هو فاضي .. المهم .. أنا حجزت الجمعة اللي بعدها ... معلش الموضوع إتأجل إسبوع .. بس أكيد أكيد أكيد هنلعب الجمعة اللي بعدها ...

بالمناسبة .. فين شادي صبحي ... وكمان الواد عمروجيتس المفروض إنه ساكن جنب نادي الطلائع ..

عاوزين نسجل أسماء الناس اللي هتيجي في الموضوع ..

amrgets

23 / 02 / 2008, 10:34 AM

..
كمان الواد عمروجيتس المفروض إنه ساكن جنب نادي الطلائع ..

مين بيجيب فى سيرتى ؟؟ ..

انت حجزت الساعة كام ؟؟ ..

..

diaaking

23 / 02 / 2008, 11:33 AM

زعلتني يا معلم ...
مش قولتلك برضه هي النوادي كله بقت لزام تحجز قبليه باسبوع .... عشان الساعات كله بتتخطف وبالذات يوم الجمعه ..
حاول بس تبقي تطلع الاسبوع ده تحجز عشان تلحق ساعة يوم الجمعة الي بعد الجيه ...
وان شاء الله جي ومعايا واحد صحبي ...

alaabasit

26 / 02 / 2008, 03:09 AM

أنا جاى يا فلاشاوى بس قولى النادى ده فين بالضبط أنا ساكن فى العمرانيه ياريت أسهل طريق بالمترو يبقى تمام

فلاشــــــــــاوي

26 / 02 / 2008, 03:45 AM

بعد ما أحجز هحط كل شيء بالتفصيل .. هحط صورة النادي من جوجل إيرث لو عاوزيين ...

بالمناسبة يا جماعة ... اي المواعيد أنسب بالنسبالكم ...

من 4 لــ 6 ولا من 6 لـ 8 ؟؟

alaabasit

26 / 02 / 2008, 04:39 AM

يوهيئلى ولا ايه4:6

diaaking

26 / 02 / 2008, 10:17 AM

اعتقد لو من 7 الي 9 هيكون افضل ... عشان الكل يكون صلي ... وبعد اللعب نبقي نصلي العشاء مع بعض ان امكن ..
بس طبعا اي وقت يا حبي انت تختاره مش هتفرق .. بس ياريت تطلع الاسبوع ده قبل ما الساعات تتاخد ..
ويلا ياريت بسرعه عشان ننظم ماتش التحدي بعده ... عشان مستعجل اقطعك ... :dd:

فلاشــــــــــاوي

26 / 02 / 2008, 10:21 AM

اعتقد لو من 7 الي 9 هيكون افضل ... عشان الكل يكون صلي ... وبعد اللعب نبقي نصلي العشاء مع بعض ان امكن ..
بس طبعا اي وقت يا حبي انت تختاره مش هتفرق .. بس ياريت تطلع الاسبوع ده قبل ما الساعات تتاخد ..

اوك .. أنا حاولت أظبط وقت ما تكونش فيه صلاة .. منفعش .. المهم من 7 - 9 ربنا يسهل .. وهروح في اول يوم ينفتح فيه الحجز من الفجر ...

ويلا ياريت بسرعه عشان ننظم ماتش التحدي بعده ... عشان مستعجل اقطعك ...

وماله .. أفضل أستخدم معاك إسلوب الصدمة ... عيش في أحلامك عييش !!

diaaking

26 / 02 / 2008, 10:40 AM

ههههههههههههههههههههههه
نشوف مين هيغلب مين ل6 سنين قدام ...

alaabasit

26 / 02 / 2008, 11:50 PM

6 سنين 6 سني احنا مبنخافش من حد ههههههههههههههه

فلاشــــــــــاوي

28 / 02 / 2008, 08:35 AM

حجزت اللعب يا رجالة من 6 - 8 يوم الجمعة 7 مارس .. .. رغم إني رايح قبلها بــ 8 إيام تقريبا .. مالقتش غير الميعاد ده .. وكنت يا إما أحجزه يا أما أستنى كمان إسبوع .. فحجزته طبعا

دلوقتي عاوزين نعرف بالظبط ميين جاي .... لازم نبقى متأكدين من العدد عشان لوقليل نكمل بأصحابنا من خارج المنابر ...

esamdrsh

28 / 02 / 2008, 09:42 AM

ينفع اشارك معاكم ؟؟؟

بدكم معلق :)؟؟؟

بدنا تقرير كامل يا شباب

فلاشــــــــــاوي

28 / 02 / 2008, 11:10 AM

ينفع اشارك معاكم ؟؟؟

بدكم معلق ؟؟؟

بدنا تقرير كامل يا شباب

يا باشا تشرف وتأنس .... الحاجة الساقعة على النار والشاي في التلاجة :)

alaabasit

28 / 02 / 2008, 11:38 AM

أكتب عندك علاء بسيط يا فلاشلوى بس أنت قولت حتوصف لنا النادى بجوجل ايرث فين؟

diaaking

28 / 02 / 2008, 12:14 PM

تمام يا معلم .... انا جي ومعايا واحد صحبي .. وممكن اشوف فنكوشي ..

قمة الذكاء

28 / 02 / 2008, 12:59 PM

ممكن تفتح موضوع جديد يا فلاشاوي فضل

alaabasit

28 / 02 / 2008, 12:59 PM

قشطه يا شباب

alaabasit

29 / 02 / 2008, 08:20 PM

فين الشباب الى عيطقطع