فيلم هندي

[shady sobhy]

فيلم هندي




المشهد الأول




أميتاب باتشان وهوه شباب لسة راكب الفيل بتاعه ورايح الشغل وكالعادة
بيشتغل ظابط .. وهوه راكب قاعد يغنى بالهندي أغنيته المفضلة
((واركب الفيل ...درجن درجن
واتفيّل ..درجن درجن .... . ساعتين فى اليوم .. واشد الخرطوم .. ولا ))
هييييييه ..
يسمع وهوه راكب صوت طفلة رضيعة بتعيط .. يدي إشاره شمال ويركن الفيل على جنب وينزل يلاقى
طفلة رضيعة لسه فى اللفة جنب الجامع
يتأثر جدا أميتاب من منظرها الرقيق فيغنى لها نص ساعة وهيه كمان تغنى
له نص ساعة ..
ياخدها يحطها على الفيل عشان الفيل يوصلها البيت ويروح هوه شغله عشان
عندهم النهاردة تعديل دستور الهند .. وهوه ماشى يبص ع اليفط المتعلقة
فى كل أنحاء البلد ..; الرئيس شوهان يرفض التوريث يبتسم ابتسامة هندى
ويقول بالهندى الشعب ده هندى





المشهد الثانى



تفوت سنين ..أميتاب راجع من شغله وعلى فكرة لسة شباب برضه وداخل البيت
البنت اللى كان لاقيها قدام الجامع كبرت واحلوت .. بقت عروسة هندى
يعنى

يحبها وتحبه .. ياخدها على الغابه .. يغنى لها نص ساعة وتغنيله نص ساعة
وفجأة تيجى العصابة بتاعة الراجل الشرير حوالى ستين واحد عشان يخطفوا
البنت عشان هيه دى البنت الوحيدة فى الهند كلها اللى الراجل الشرير
الوِحِش عايز يتجوزها ..
أميتاب يحضن حبيبته بإيد وشغال ضرب فى الرجالة بإيده التانية .. يخلص
علي الستين واحد كلهم بمسدساتهم بمطاويهم بس للأسف ضافر واحد منهم خدش
دراعه .. حبيبته تجرى عليه تغنى له نص ساعة ويغنى لها نص ساعة أغنيه جرحوني وقفلوا الأجزخانات وياخدها
على البيت بسرعة عشان عندهم النهاردة تعديل دستور .. وهوه ماشى يبص ع
اليفط يلاقي مكتوب الرئيس هوجو يوجا شاهى شوهان يرفض التوريث





المشهد الثالث



تفوت سنين .. أميتاب باتشان راجع من شغله .. وبجد بجد لسه شباب برضه ..
يدخل البيت .. يلاقى ست كبيرة وعجوزة جدا نكتشف ان هيه دى الطفلة الصغيرة
اللى لقاها قدام الجامع .. فجأة تيجى العصابة تخطفها قدامه المرة دى
يجرى وراهم بالفيل الفور باى فور لغاية ما يوصل لبيت الراجل قليل
الأدب الشرير اللى أكيد عنده تمساح
يدخل البهو الكبير يلاقى الراجل واقف والست متعلقة من رجلها فى السقف
يدور بعنيه ع التمساح .. يسأل الراجل بالهندى :التمساح بتاعك فين يا
عم؟
يرد الراجل : فى البير اللى فوقه مامتك .. يتعجب أميتاب بالهندى
مامتى؟ يرد الراجل بشماته : أيوة الست دى أمك ..نياهاهاهاهاهاه ..
ينظر له أميتاب وهو يضحك ويقول ف سره : عبيط ده وللا ايه؟
يتأثر جدا أميتاب ويراجع بالهندى نشيد أمى نداء محبة بل إن كل الحب أم
ويمسك وجه الست بحنان ويقول لها : انتى أمى؟ ترد الست : ايوة يا أميتاب
يا ابنى .. أنا مارضيتش أقوللك ع الحقيقة المُرَّة دى وانا فى اللفّة
عشان العار ..
وعشان تصدق شوف دى.. تطلّع له سلسلة فضة عليها صورة واحد مايعرفوش ..
أكيد ده ابويا؟ ترد عليه : لا يا بنى دى صورة عشيقى ..
يغنى لها نص ساعة وتغنيله نص ساعة .. يحضنها أميتاب بإيد كالعادة ويخلص
ع العصابة بالإيد التانية وطبعا يخللى التمساح ياكل الراجل الشرير
الثافل الوِحِث .. يخرج من القصر يقول لأمه : انجزى يا حاجة عشان عندنا
النهادرة تعديل دستور .. ينظر إلى اليفط المتعلقة الرئيس حادى بادى
كرنب زبادى شالو حطو كله علادى هوجا يوجا شاهى شوهان يرفض التوريث





المشهد الأخير



تفوت سنين..أميتاب باتشان راجع من شغله .. بجد بجد بجد لسة شباب برضه
راجع البيت يلقى الست أمه بقت عجوزة أوى ..
فجأة ييجى واحد شباب على موتوسيكل يطخ الولية عيارين .. يجرى وراه
أميتاب بالفيل يكتشف ان الراجل ده يبقى حفيد الراجل الشرير ..
يقتله اميتاب باتشان ويرجع لأمه يغنى لها نص ساعة وتغنيله نص ساعة ..
الست تقول له وهيه بتموت :
أميتاب يابنى أنا عايزة اقوللك على سر .. أنا مش أمك .. أنا أبقى جدتك
والراجل اللى انت قتلته ده يبقى ابن أخت المخرج .. والراجل الشرير
يبقى خالك .. وابن الراجل الشرير يبقى عمك .. والعصابة كلها أخواتك فى
الرضاعة ..
يصرخ أميتاب باتشان من الصدمة ويغنى نص ساعة وهيه تغنى نص ساعة والواد
المقتول يغنى نص ساعة .. الست المجهولة دى تقول له : انت مش مستعجل ليه
؟ هوه مفيش تعديل دستورى النهاردة ؟
يرد أميتاب : النهاردة الخميس أجازة من التعديلات ..
تموت الأم .. يلفها أميتاب بقماش من بتاع اليفط مكتوب عليه :
الشعب أساسا يقبل التوريث

[Libya82]

ما هذاااااااااااااااااااااااااااااااااااااااااا ؟؟؟؟

اول قصة أقراها كل سطر يفطس من الضحك أكثر من الثاني

لا أقدر اقول ايش الكلمة اللي ضحكنتي أكثر من غيرها ...

بجد قصة جنان .. تسلم إيدك ...

[mmnoor]

قصّة جامده هههههههههههههه

[shady sobhy]

ربنا يبارك فيك يا هشام

انا برضه وانا بقرأها كنت هموت على نفسي من الضحك
والاجمل انها تتكلم في السياسة
بس من تحت لتحت :)
شاكر مرورك

على فكرة
هذا الموضوع يصنف تحت اسم :) سياسة :)

[shady sobhy]

mmnoor بارك الله فيك اخي الكريم
نورت الموضوع :)

[فلاشــــــــــاوي]

ههههههه .. جامدة فعلا ... خاصة موضوع التوريث والغنى نص ساعة ده ...

ثواني أجبلك فيلم من أفلام جيمس بوند ..

[shady sobhy]

ههههههه .. جامدة فعلا ... خاصة موضوع التوريث والغنى نص ساعة ده ...

ثواني أجبلك فيلم من أفلام جيمس بوند ..

هههههه

كنت مستنيك ترد :)
ومستني الفلم :)
:p

[فلاشــــــــــاوي]

عش ولا تقل للموت لا

لكن هذه قصة من قصص (جيمس بوند) كما تعرفون، فلابد من هذه العناوين المتحذلقة المتظاهرة بالعمق والرومانسية.. يقول مؤلفا آخر فيلم لـ (جيمس بوند) إنهما صارا خبيرين بهذه العناوين وألفا الكثير منها.. مثلاً العنوان Always is not forever again عنوان مناسب جدًا لهذه الأفلام ومعناه العميق هو (دائمًا ليست للأبد ثانية).. وعنوان Ice never melts ومعناه (الثلج لا يذوب أبدًا).. ومن ضمن العناوين القوية التي فكرا فيها
عنوان الفيلم التالي:
Sadam Hussein's robot alien monkey dinosaurs (قردة صدام حسين الديناصورات الآلية القادمة من الفضاء)... طبعًا لن يفلت مشاهد واحد من فيلم كهذا...
القصة التي أقصها عليكم من قصص (جيمس بوند)، ولهذا لابد من مشهد افتتاحي ضخم ربما يفوق الفيلم ذاته.. هوذا بوند يركب سيارته الصاروخية ويحاول الفرار من جيش كامل لدولة عربية .. في الماضي كان هؤلاء الأشرار من السوفييت أو الكوبيين عملاء السوفييت، ثم تلاشى الاتحاد السوفييتي فجأة في التسعينات.. مسكين بوند.. لا يوجد أعداء الآن. لابد من إيجاد عدو بأية طريقة.. هنا ظهرت نظريات (هنتنجتون) عن صراع الحضارة ونظريات (إسبوزيتو) عن الخطر الإسلامي .. كان هذا مناسبًا جدًا لأنه ألهم مؤلفي هذه الأفلام بالعدو الجديد .. العرب .. العرب الأشرار القساة الذين ملئوا هذه الأفلام حتى قبل أحداث سبتمبر ..
الآن بوند يندفع بسيارته بسرعة 500 كلم في الساعة، بينما تطارده جيوش تلك الدولة العربية بنفاثاتها الصاروخية وصواريخها ذات الرءوس النووية، مع الكثير من القنابل البيولوجية والكيميائية .. هناك بركان يوشك على الانفجار فيندفع بوند داخلاً في فوهته وسط الحمم .. السيارة طبعًا تقاوم هذه الحرارة المرتفعة وكل الماجما التي بدأت تتحول إلى لافا .. يصيح أحد المطاردين العرب الملتحين ذوي النظرات النارية:
ـ "يبالا للح يبتج ضص ..!!"
معنى هذا الكلام ؟.. طبعًا لا معنى له.. فقط يوحي بأنه كلام بالعربية .. راجع مشهد الليبيين الذين يطاردون البروفسور في فيلم (العودة للمستقبل) وسوف تجدهم يقولون شيئًا لا معنى له لكن المشاهد الغربي سيفترض أنها كلمات عربية ..
تندفع المقاتلات العربية الحديثة نحو البركان.. إن العرب في هذه الأفلام يملكون التكنولوجيا والشراسة لكنهم لا يملكون براعة بوند.. في اللحظة التالية ينفجر البركان وتتناثر الحمم مرتفعة لأعلى لتذيب المقاتلات.. وتتناثر الشرارات المشتعلة في كل مكان ..
وبوند ؟.. بوند يهبط إلى قاع البركان حيث ينتظره قطار أنيق مكيف .. في مقصورته الخاصة توجد شقراء رائعة وزجاجة شمبانيا وطبق من السلاطعين .. ما هي السلاطعين ؟.. الكابوريا طبعًا يا أخي لكن أغلب هذه القصص يترجمها شوام، حيث السلاطعين والبندورة هما اسم اللعبة ..
تبدأ أغنية بلوز جميلة ويتوسط الشاشة اسم (كابي بروكولي).. ليس البروكولي الذي تطبخه السيدة (منى عامر) ولكنه منتج أفلام بوند.. الآن نرى بمرشح أزرق مونتاجًا لراقصة تقوم بأمور غريبة.. ترفع كفها ليهبط فوقه اسم الفيلم (عش ولا تقل للموت لا مرتين غدًا).. ثم تتمطى كالحمار فيهبط اسم البطل على ظهرها.. ثم تمد ساقها كالخنزير البري ليظهر اسم المصور.. لا بأس من حيل تروكاج تجعل الشاشة منقسمة وفي كل ركن جزء من الراقصة..
وبعد؟.. كل هذا لا علاقة له بالقصة الأصلية التي تبدأ ببوند يدخل مركز القيادة.. يغازل السكرتيرة التي لم تزل تتمنى أن تتزوجه منذ عام 1961..
يدخل إلى القائد الذي يهنئه بنجاح مهمة (شيخ الصحراء) ثم يكلفه بمهمة جديدة ..
لقد عاد الجنرال (فيودوروف).. إنه جنرال سوفييتي عتيق من الحرس القديم لكنه يحاول أن يبيع صاروخًا نوويًا إلى العرب.. تتساءل أنت في حيرة: ألم يكن العرب في بداية القصة مدججين بالسلاح النووي فما أهمية صاروخ واحد لهم ؟.. لكن لا بأس .. المهم أن يكون هناك McGuffin على رأي هتشكوك.. الدافع السردي الذي يحرك القصة للأمام ..
الجنرال (فيودوروف) له قاعدة في غابات الأمازون يخبئ فيها ذلك الصاروخ.. على بوند أن يذهب لتدميره..
يوافق بوند على المهمة .. يسافر إلى البرازيل مارًا من تحت أنف دستة من العملاء والمتلصصين الذين يبلغون كل حركة من حركاته إلى الجنرال ..
ثم تظهر العميلة الحسناء (ماريا) وهي فتاة سمراء برازيلية تتوقف بسيارتها الرياضية جوار بوند وهو خارج من المطار، وتقول له:
ـ" السماء لم تعد تمطر في (بوينس إيرس)"
هذه هي كلمة السر.. هكذا يركب معها منطلقين إلى الفندق الفاخر الذي تقيم فيه.. جناح فاخر طبعًا .. وكما تقتل أنت بعض البعوض قبل أن تنام يقتل بوند ثلاثة من الخناقين الهنود المتوارين خلف ستار والحبال في أيديهم، ثم يلقي بمصارع سومو ياباني من النافذة، ويهزم خبير (كيك بوكس) كان يختبئ في الحمام، ويذبح قاتلاً مكسيكيًا يجيد قذف الخناجر.. هكذا صار الجناح نظيفًا صالحًا للنوم ..
تأتي العميلة الحسناء وتوشك على الكلام، لكن بوند يقاطعها وهو يخرج مسدسًا صغيرًا من جيبه:
ـ"لا تبحثي عن المسدس فقد نشلته منك .."
تصاب بذعر وتتحول إلى نمر متوحش ... فيواصل بوند الكلام في ثقة:
ـ"قلت لي إن السماء لا تمطر في بوينس إيرس.. هذا لأنك حمقاء.. نحن لسنا في الأرجنتين بل البرازيل.. معنى كلامك أنك لا تعرفين أي شيء عن أمريكا الجنوبية.. أنت عميلة مزدوجة"
في هذه اللحظة ينبعث غاز من المسدس الذي يحمله (بوند).. فسسسسسس !
تقول العميلة وهي ترفع حاجبًا مترًا عن مستوى الحاجب الآخر:
ـ"ومعنى كلامك أنك لا تعرف أي شيء عن الجنرال (فيودوروف).. هذا ليس مسدسًا بل قنبلة غاز، وكنت أعرف أنك ستسرقه !"
ينتشر الغاز ويسقط بوند فاقدًا وعيه .. أما هي فتفتح النافذة ليدخل الهواء ثم تنزع مرشح الغاز المثبت في أنفها وتشير لسبعة عشر رجلاً كي يدخلوا الجناح ويحملوا بوند ..
نحن الآن في قاعدة الجنرال فيودوروف وسط الأحراش ..
يفتح بوند عينيه ليجد أنه مقيد بالسلاسل وحوالي مائة حسناء يلعبن دور الحرس الخاص للجنرال .. هناك ممرات واسعة جدًا من الفينيل وهناك مصاعد وأبواب أوتوماتيكية وأجهزة حاسب آلي وقطار كامل والسقف عبارة عن (كاموفلاج) للأدغال لابد أنه يخدع أية طائرة استطلاع.. باختصار تشييد هذا المكان اقتضى جهدًا ومالاً يفوق ما اقتضاه بناء مطار (هيثرو) في لندن.. هنا يأتي السؤال المهم: ماذا يريده الجنرال إذن؟.. بالتأكيد هو ملياردير بالفعل كي يشيد هذا كله فماذا يمكن أن يضاف له؟.. ولماذا لا يتقاعد ؟
قال الجنرال:
ـ"بوند دائمًا في طريقي .. لكنك وقعت في الشرك هذه المرة.."
قال بوند في ثقة:
ـ"كلهم يقول هذا يا جنرال .."
قال الجنرال ذو اليد الحديدية التي تعمل بكلابات، وهو يمضغ سيجارًا غليظًا:
ـ"هل تعرف السبب في فشلهم معك؟.. السبب هو طريقتهم الاستعراضية السخيفة في القتل.. يربطونك إلى حبل معلق فوق بركان.. هذا الحبل يقرضه فأر مسعور.. والفأر موصل بسلك كهربي إلى دائرة زمنية، والدائرة الزمنية موصلة بزجاجة حمض يتفاعل مع النحاس.. والحمض موضوع في قنينة مائلة بسلك زنبركي موصول بفأر آخر.. وعلى الفأر الأخير أن يموت من الشيخوخة كي يسقط الحمض على السلك، من ثم تغلق الدائرة فتسري الكهرباء في جسد الفأر الأول فيجن.. من ثم يقرض الحبل وتسقط في البركان.. يراقب هذا كله حارس متخلف عقليًا.. هكذا لا تمر دقيقة إلا وتكون قد قهرت الحارس وقطعت الحبل وفررت.. أما أنا فأذكى من كل هؤلاء .."
قالها وهو يخرج مسدسًا ويصوبه نحو بوند:
ـ"وداعًا يا مستر بوند !!"
صاح (بوند) في ذعر:
ـ"لكن هذه طريقة بدائية خالية من الفن، ثم أن القصة ستنتهي بهذه الطريقة ونحن لم ننه الفصل الأول !"
قال الجنرال في ثقة:
ـ"لأنني قوي الشخصية وعملي جدًا.. ليس ما أريد هو الفن.. ما أريده هو الخلاص منك.."
فتح بوند فمه ليتكلم لكن أخرسته الطلقة الأولى.. فالثانية.. فالثالثة..
وسرعان ما تدلى رأسه على صدره بعد أن فارق الحياة، وبرغم هذا فضل الجنرال أن يذيبه في الحمض على سبيل التأكيد..
آسف جدًا لهذه النهاية السريعة.. من سوء حظكم أن بوند وقع للمرة الأولى في يد خصم يفكر بشكل منطقي عقلاني، وبهذا انتهت القصة قبل أن تبدأ.!

[EngMostafa]

يبدو يا شادي انك داخل بدراعك و لا حد هامك
توقيع يعمل قلق
و صوره تعمل قلقين
و موضوع يودي في ستين داهيه
الله يهديك
انا ياعم لا اعرفك و لا شوقتك قبل كده
ربنا يستر علينا

[shady sobhy]

يبدو يا شادي انك داخل بدراعك و لا حد هامك
توقيع يعمل قلق
و صوره تعمل قلقين
و موضوع يودي في ستين داهيه
الله يهديك
انا ياعم لا اعرفك و لا شوقتك قبل كده
ربنا يستر علينا
هههههه
غيرت كل دوول ياباشمهندس :)

ههههه
أصبر أجيبلك مقطع هيعجبك بإذن الله :)



فلاشاوي لي عودة بإذن الله مع القصة :)

[shady sobhy]

من هنا (http://www.youtube.com/watch?v=14excY-F8Bs&feature=related)

شوف كده وقولي رايك :)

[rekapidesign]

يبدو يا شادي انك داخل بدراعك و لا حد هامك
توقيع يعمل قلق
و صوره تعمل قلقين
و موضوع يودي في ستين داهيه
الله يهديك
انا ياعم لا اعرفك و لا شوقتك قبل كده
ربنا يستر علينا

هههههههههههههههههههههههههههه
زي ما قالك باشمهندس مصطفي انا ولا اعرفك و لا شوفتك
يخرب بيت دماغك انت جيبت الموضوع ده منين كده يا عم شادي طيب
لينا ماسينجر يلمنا هههههههههههههههههههههههههههه
هههههههههههههههههههههههههههههههه
هههههههههههههههههههههههههههههههههههههههههههه

[MiND ViSiON]

هيا مين ام اميتاب باتشان

[مجنون rigging]

اذا نت انت من كتب القصة فانت تستحق جائزة نوبل في الأدب الهندي ذي الأصول المصرية

[قمة الذكاء]

والله حلو يا شادي

اغنيلك نص ساعه لافعل يا شباب الافلام الهنديه لازم فيها نص ساعه اغاني
هههههههههه

عموما الفلم بتاعك جميل
جداااا

[noby 3d]

هههههههههههههههههههههه
بجد الفيلم الهندى جامد جامد جامد
ويرفض التوريث
اشطات يا شادى بتشان
خد بالك
هييجى واحد ويقولك
انا من عيالك

اوعى تصدقه

اوعى


لو مش مفهوم اللى قلته يبقى بتكلم هندى



بجد موضوع جميل يا شادى

[عامر]

شادي انتبه لنفسك ياخويا مانبغاك تروح في خبر كان ^_^


بس رهيب ياواد : )

[MiND ViSiON]

ياجماعه روحو اطمنو على شادي انا قلقان عليه

شادي اذا موجود ابعتلنا كل يوم رساله عشان نتاكد انك مازلت موجود

[shady sobhy]

الحقوننننننننننننننننننننننننننننننننننننني

والله يا باشا مش انا اللي كتبت الرسالة انا بس نقلتها
الظابط :- اول ياض يا بن .......
لا انا محدش يغلط فيا
الظابط :- طيب خد يا روح ......
:)

شكرا يا جماعة :) بارك الله فيكم

[mansy1985]

جميل شادي جميل

فيه اتنين صحابي قروا الموضوع و عجبهم هما كمان و نفسهم يعروفوا اسمك بالكامل و عنوانك عشان ييجوا يشكروك بنفسهم

اقولهم ايه؟

[shady sobhy]

أحمد عبدالعزيز منسي :p

[y@sser]

جامده يا شادي :)
انا قريتها امبارح بس ما لحقتش ارد
كان عندي مطرب بيغني 3 ساعات وكل فرد في الفرقه 3 ساعات فخدو الوقت كله السنه الي فاتت

[mansy1985]

أحمد عبدالعزيز منسي :p


هههههههههههههههههه ربنا يخليك